ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ដើម្បីជាការលើកទឹកចិត្តដល់ការខិតខំប្រឹងប្រែងរបស់សិស្សជាប់និទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិកន្លងទៅនេះ លោកជំទាវ មិថុនា ភូថង អភិបាលខេត្តកោះកុង បានផ្តល់រង្វាន់ដល់សិស្សនិទ្ទេស A ក្នុងខេត្តកោះកុងចំនួន ៥ នាក់ នូវម៉ូតូម្នាក់មួយគ្រឿង កុំព្យូទ័រយួរដៃ ព្រមជាមួយថវិកាចំនួន៤លានរៀល។
លោកជំទាវអភិបាលខេត្តកោះកុង បានគូសបញ្ជាក់ថា ប្អូនៗដែលទទួលបាននិទ្ទេស A សម្រាប់ការប្រឡងសញ្ញាបត្រមធ្យមសិក្សាទុតិយភូមិ ពិតជាសិស្សល្អ ជាមិត្តល្អ និងជាកូនល្អ ដែលបានព្យាយាមខិតខំសិក្សារហូតទទួលបានជោគជ័យនាពេលនេះ។ ជាមួយនឹងការគិតគូរយ៉ាងយកចិត្តទុកដាក់ ថ្នាក់ដឹកនាំខេត្ត ក៏បានឧបត្ថម្ភដល់សិស្សនិទ្ទេស A ដោយម្នាក់ៗទទួលបាន កំព្យូទ័រយួរដៃ ១គ្រឿង ថវិកា ៤លានរៀល និងម៉ូតូ ១គ្រឿងផងដែរ។
“ខ្ញុំសង្ឃឹមថាតាមរយៈការខិតខំរបស់ប្អូនៗសិស្សានុសិស្ស ពិតជានាំមកនូវមោទកភាព សម្រាប់ក្រុមគ្រួសារ និងខេត្តកោះកុងផ្ទាល់” លោកជំទាវ មិថុនា ភូថង អភិបាលខេត្តកោះកុង ។
លោកជំទាវ មិថុនា ភូថង បន្ថែមថា ក្រោយពីប្អូនៗសិស្សានុសិស្សទទួលបានលទ្ធផលល្អ និងការឧបត្ថម្ភនាពេលនេះ ប្អូនៗក៏មានឱកាសល្អទទួលបាននូវអាហារូបករណ៍ពីសាលាជាច្រើន ហើយអាចជ្រើសរើសយកជំនាញដែលខ្លួនពេញចិត្ត ដើម្បីទទួលបានចំណេះដឹងស្របតាមចំណង់ចំណូលចិត្តផងដែរ។
គួរជម្រាបជូនដែរថា ក្នុងការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប កាលពីថ្ងៃទី៥ ខែធ្នូ ឆ្នាំ២០២២កន្លងទៅនេះ ខេត្តកោះកុង មានសិស្សប្រឡងជាប់សរុបមាន ៥៧២នាក់ ក្នុងនោះមានស្រីចំនួន៣៣៦នាក់ ក្នុងចំណោមសិស្ស ១០៥៨នាក់ ដែលមានសិទ្ធិប្រឡង៕
