ភ្នំពេញ – Work Hard ដែលមានន័យជាភាសាខ្មែរថា ការព្យាយាមធ្វើការដោយកម្លាំងចិត្ត និងកម្លាំងកាយ ធ្វើយ៉ាងណាឱ្យសម្រេចលទ្ធផល ដោយមិនបានប្រើមធ្យោបាយណាមួយមកជួយពន្លឿនការងារនោះ គឺជាអ្វីដែលបុគ្គលគ្រប់រូបគួរតែមាន, ប៉ុន្តែទន្ទឹមនេះ ក៏ត្រូវតែមាន Work Smart ឬការធ្វើការដោយភាពវៃឆ្លាតផងដែរ ពោលគឺជាការព្យាយាមធ្វើការដោយប្រើប្រាស់វិធីសាស្រ្តធ្វើការឱ្យកាន់តែប្រសើរជាមុន បានច្រើនជាងមុន និងល្អជាងមុន។ នេះបើតាមការបញ្ជាក់របស់លោក គីម ដារ៉ា ស្ថាបនិកសាលាបង្វឹក Startup Community។
លោក គីម ដារ៉ា បញ្ជាក់ថា Work Hard (ខិតខំធ្វើការ) និង Work Smart (ធ្វើការដោយភាពវៃឆ្លាត) គឺសំខាន់ដូចគ្នា គ្រាន់តែមួយត្រូវការមុន មួយត្រូវការបន្តគ្នា ព្រោះថាការចាប់ផ្ដើមអ្វីមួយ គឺផ្ដើមចេញមកពីការខិតខំធ្វើការ (Work hard) ទៅជាមុន ។ លោកបន្តថា ប្រសិនមនុស្សមិនមានផ្នត់គំនិតព្យាយាម នោះនឹងពិបាកយល់ការងារ ធ្វើការមិនស្ទាត់ជំនាញដែលនាំឱ្យពិបាកក្លាយជាអ្នកធ្វើការវៃឆ្លាត (Work Smart)។
លោក គីម ដារ៉ា
“ជាទូទៅមនុស្សដែលធ្វើការវៃឆ្លាតកើតចេញមកពីអ្នកធ្វើការនឿយហត់ជាមុនសិន ប្រសិនបើមនុស្សមិនខិតខំធ្វើការ (Work Hard) មិនបានចំណាយពេលស្វែងយល់ពីការងារឱ្យបានច្បាស់ តាំងចិត្តធ្វើការ អនុវត្តដដែលៗរហូតស្ទាត់ជំនាញនោះ គឺពិបាកក្លាយជាអ្នកធ្វើការវៃឆ្លាត”
បើតាមការលើកឡើងរបស់ស្ថាបនិកសាលាបង្វឹក Startup Community បុគ្គលដែលខិតខំធ្វើការ (Work Hard) មានការប្តេជ្ញាចិត្ត និងភាពស្មោះត្រង់ខ្លាំង ដោយគេចំណាយពេលធ្វើការច្រើនម៉ោងដើម្បីទទួលបានជោគជ័យ។ លោកថា បុគ្គលប្រភេទនេះ ធ្វើការតាមលំនាំដដែលៗ ដោយមិនផ្លាស់ប្តូររបៀបធ្វើការឱ្យជឿនលឿន ប៉ុន្តែប្រសិនបើគេដាក់ចិត្ត និងកាយធ្វើការ នោះនឹងអាចទទួលបានលទ្ធផលល្អបំផុត។
ដោយឡែកចំពោះបុគ្គលដែលធ្វើការវៃឆ្លាត (Work smart) ជាអ្នកចូលចិត្តសិក្សាស្រាវជ្រាវបន្ថែម តែងតែអភិវឌ្ឍចំណេះដឹងអំពីការងារ និងចេះរកវិធីដើម្បីកែលម្អគំរូការងារដើម្បីសម្រេចគោលដៅឱ្យមានប្រសិទ្ធភាពដោយប្រើរយៈពេលតិច។
លោក គីម ដារ៉ា
“…មានតែអ្នកខិតខំប្រមូលជំនាញ និងចំណេះដឹងដើម្បីស្វែងយល់ពីការងារដែលមានស្រាប់ ហើយបង្កើនប្រសិទ្ធភាពបន្ថែមទើបអាចក្លាយជាអ្នកធ្វើការវៃឆ្លាតបាន”
យ៉ាងណាក៏ដោយ បើតាមតាមការលើកឡើងរបស់ លោក គីម ដារ៉ា ដើម្បីទទួលបានភាពជោគជ័យ មនុស្សគ្រប់គ្នាគួរជ្រើសរើសធ្វើការងារទាំងប្រើប្រាស់ភាពវៃឆ្លាត និងការខិតខំប្រឹងប្រែងរួមគ្នា ដោយមិនអាចខ្វះមួយណាបានឡើយ នោះទើបអាចទទួលបានលទ្ធផលល្អ និងសម្រេចគោលដៅបានឆាប់រហ័ស៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេសខេត្តព្រះសីហនុ
ព័ត៌មានអាហារូបករណ៍, ព្រឹត្តិការណ៍
• 12/12/2023
វិទ្យាស្ថានបច្ចេកទេសខេត្តព្រះសីហនុ បានប្រកាសផ្តល់អាហារូបករណ៍ ១០០ភាគរយ សម្រាប់វគ្គសិក្សាកម្រិតសញ្ញាបត្របច្ចេកទេស និងវិជ្ជាជីវៈ ១ (C1) ដោយសិក្សារយៈពេល៤ខែ ដោយឥតគិតថ្លៃ។
ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 22/02/2023
ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Utrecht Excellence នៃប្រទេសហូឡង់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 20/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យUtrecht នាប្រទេសហូឡង់ឆ្នាំសិក្សា២០២៤ ។ អាហារូបករណ៍បើកផ្ដល់សម្រាប់និស្សិតជុំវិញពិភពលោករួម.......
អាហារូបករណ៍ស្រាវជ្រាវក្រោយឧត្ដមសិក្សានៅសាកលវិទ្យាល័យ Sydney ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 07/09/2023
ឱកាសសិក្សាអាហារូបករណ៍ស្រាវជ្រាវក្រោយឧត្ដមសិក្សាសម្រាប់អន្តរជាតិនៅសាកលវិទ្យាល័យSydny ប្រទេសអូស្រ្តាលីឆ្នាំសិក្សា២០២៤ ។ អាហារូបករណ៍ជាការផ្ដល់ឱ្យពីសាកលវិទ្យាល័យSydny...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 14/12/2023
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។
ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023
ព័ត៌មានអាហារូបករណ៍, ព្រឹត្តិការណ៍
• 06/06/2023
កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...
ឱកាសសម្រាប់ប្រជាពលរដ្ឋ និងយុវជននៅខេត្តបន្ទាយមានជ័យ សិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន ១៦៥០នាក់
ព័ត៌មានអាហារូបករណ៍, ព្រឹត្តិការណ៍
• 13/03/2024
វិទ្យាស្ថានពហុបច្ចកទេសខេត្តបន្ទាយមានជ័យ បានជូនដំណឹងថា វិទ្យាស្ថាននឹងបើកវគ្គបណ្តុះបណ្តាលដល់បងប្អូនប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន១០កន្លែងពីរដ្ឋាភិបាលបារាំងសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 16/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសបារាំងចំនួន១០កន្លែងពីរដ្ឋាភិបាលបារាំងឆ្នាំសិក្សា២០២៤ -២០២៥។ អាហារូបករណ៍ជាការផ្ដល់...