ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចកទេសខេត្តបន្ទាយមានជ័យ បានជូនដំណឹងថា វិទ្យាស្ថាននឹងបើកវគ្គបណ្តុះបណ្តាលដល់បងប្អូនប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ ដោយឥតគិតថ្លៃចំនួន១៦៥០នាក់ ទៅលើជំនាញកំពុងមានតម្រូវការចំនួន១២។
បើតាមសេចក្តីជូនដំណឹង ជំនាញដែលត្រូវធ្វើការបណ្តុះបណ្តាលនោះរួមមាន ៖ ការដំឡើងបណ្តាញអគ្គិសនីក្នុងអគារ (៣៩០នាក់), ការថែទាំ និងជួសជុលរថយន្ត (៩០នាក់), សេវាកម្មកុំព្យូទ័រ (១២០នាក់), ការងារកំបោរ (១៥០នាក់), ការដំឡើងបណ្តាញបំពង់ទឹក (១៥០នាក់), ការថែទាំ និងជួសជុលអគ្គិសនីរថយន្ត (១៥០នាក់) ការថែទាំ និងជួសជុលម៉ាស៊ីនត្រជាក់រថយន្ត (១២០នាក់), ការរចនាក្រាហ្វិកដោយកុំព្យូទ័រ (៦០នាក់), សេវាកម្មរដ្ឋបាល (៦០នាក់), សេវាកម្មបរិក្ខារត្រជាក់ក្នុងគេហដ្ឋាន (៩០នាក់), ធុរកិច្ចភេសជ្ជៈ (១២០នាក់) និងការកែច្នៃបន្លែ និងផ្លែឈើ (១៥០នាក់)។
លក្ខខណ្ឌ នៃការជ្រើសរើស ៖ យុវជនមានអាយុចាប់ពី ១៥ឆ្នាំឡើង, មានបណ្ណសមធម៌ (កម្រិតភាពក្រីក្រ១ ឬ២) ឬបណ្ណគ្រួសារងាយរងហានិភ័យ, មកពីគ្រួសារដែលសមាជិកមានបណ្ណសម្គាល់ជនមានពិការភាព, មកពីគ្រួសារដែលសមាជិកមានបណ្ណមូលនិធិសមធម៌សុខាភិបាល, យុវជនដែលឧទ្ទេសនាមដោយរដ្ឋបាលខេត្ត ស្រុក/ក្រុង ឃុំ/សង្កាត់។
អត្ថប្រយោជន៍ដែលទទួលបាន ៖ ការសិក្សាដោយឥតបង់ថ្លៃ, ទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុង១ខែ ដោយសិក្សាពេញម៉ោងសម្រាប់យុវជនមានបណ្ណសមធម៌ ឬបណ្ណគ្រួសារងាយរងហានិភ័យ, មានផ្តល់ការប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ, ផ្តល់កន្លែងចុះកម្មសិក្សានៅតាមសហគ្រាស គ្រឹះស្ថានឧស្សាហកម្ម និងក្រុមហ៊ុនឯកជន, ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ទទួលបានជំនាញមួយពិតប្រាកដដែលទីផ្សារការងារកំពុងត្រូវការ, ទទួលបានឱកាសការងារធ្វើសមរម្យ និងចំណូលទៀងទាត់។
ឯកសារភ្ជាប់ក្នុងការដាក់ពាក្យចូលរៀន ៖ សៀវភៅគ្រួសារ (ថតចម្លង) ១ច្បាប់, សំបុត្រកំណើត (ថតចម្លង) ១ច្បាប់, អត្តសញ្ញាណបណ្ណសញ្ជាតិខ្មែរ (ថតចម្លង) ១ច្បាប់, រូបថតថ្មីផ្ទៃពណ៌ខៀវ (ទំហំ៤x៦) ៤សន្លឹក, រូបថតថ្មីផ្ទៃពណ៌ខៀវ (ទំហំ៣x៤) ២សន្លឹក, បណ្ណសមធម៌ ឬបណ្ណសម្គាល់គ្រួសារងាយរងហានិភ័យ ឬបណ្ណសម្គាល់ជនមានពិការភាព ឬបណ្ណមូលនិធិសមធម៌សុខាភិបាល ឬលិខិតឧទ្ទេសនាមដោយរដ្ឋបាលខេត្ត ស្រុក/ក្រុង ឃុំ/សង្កាត់ (ច្បាប់ដើម)។
ចាប់ទទួលចុះឈ្មោះចូលរៀនពីថ្ងៃជូនដំណឹងនេះ រហូតដល់ថ្ងៃទី៣១ ខែមីនា ឆ្នាំ២០២៤ ហើយកាលបរិច្ឆេទចូលរៀន ថ្ងៃទី០១ ខែមេសា ឆ្នាំ២០២៤។
សម្រាប់ការចុះឈ្មោះ យុវជន បងប្អូនប្រជាពលរដ្ឋ អាចទាក់ទងទៅកាន់អាស័យដ្ឋាន ភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ៕
