ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សមត្ថភាពសម្របខ្លួនទៅនឹងបរិយាកាសការងារ ដែលប្រែប្រួលយ៉ាងឆាប់រហ័ស និងមានទំនាក់ទំនងល្អជាមួយមិត្តរួមការងារ គឺជាចំណុចទាក់ទាញ ដែលក្រុមហ៊ុនចង់បានពីបុគ្គលិក។ ការប្រាស្រ័យទាក់ទង គឺជាជំនាញពិសេសមួយ ដែលក្រុមហ៊ុននៅគ្រប់ឧស្សាហកម្មទាំងអស់ចង់បាន។ នេះបើតាមការសិក្សាស្រាវជ្រាវថ្មី របស់ LinkedIn ។
តាមការសិក្សាបានបង្ហាញជំនាញទន់សំខាន់ៗចំនួន ១០ ដែលនិយោជកត្រូវការបំផុត នៅលើប្រវត្តិរូបរបស់បុគ្គលិក ដោយជំនាញទាំងនោះមានដូចជា ៖ ១. ការទំនាក់ទំនង, ២. ការផ្ដល់សេវាដល់អតិថិជន, ៣. ភាពជាអ្នកដឹកនាំ, ៤. ការគ្រប់គ្រងគម្រោង, ៥. ការគ្រប់គ្រង, ៦. ការវិភាគ, ៧. ការធ្វើការជាក្រុម, ៨. ការលក់, ៩. ការដោះស្រាយបញ្ហា និង ១០. ការស្រាវជ្រាវ។
យោងតាម CNBC បានបង្ហាញថា តម្រូវការបុគ្គលិក ដែលមានសមត្ថភាពទំនាក់ទំនងបានល្អនៅកន្លែងការងារ បានកើនឡើងកាន់តែច្រើន ក្រោយបញ្ហាជំងឺរាតត្បាតត្រូវបានបញ្ចប់។ ការកើនឡើងនូវការប្រើប្រាស់បញ្ញាសិប្បនិម្មិត (AI), ការកើនឡើងយ៉ាងទូលំទូលាយនៃការបំពេញការងារពីចម្ងាយ និងការងារប្រភេទហៃព្រីត (Hybrid Job) និងបរិយាកាសការងារ ដែលត្រូវឱ្យបុគ្គលិកមកពីជំនាន់ខុសគ្នា ធ្វើការជាមួគ្នា បានធ្វើឱ្យការប្រើប្រាស់ពាក្យពេចន៍ និងភាសាទំនាក់ទំនងគ្រប់ទម្រង់ ទាំងនិយាយ និងសរសេរកាន់តែសំខាន់។
ការប្រាស្រ័យទាក់ទង ប្រកបដោយប្រសិទ្ធភាព គឺរួមបញ្ចូលនូវការសួរសំណួរបានលម្អិតអំឡុងពេលប្រជុំ ការផ្ដល់មតិកែលម្អ និងការពន្យល់បានក្បោះក្បាយនៅអំឡុងពេលធ្វើបទបង្ហាញ ដែលជួយឱ្យគ្រប់ដៃគូទំនាក់ទំនងទាំងអស់ ងាយយល់អំពីគោលបំណង និងគោលដៅរបស់អ្នកនិយាយ។
ទន្ទឹមនឹងនេះ ការរៀនសូត្រ និងសម្របខ្លួននឹងបច្ចេកវិទ្យាថ្មីៗ និងការគ្រប់គ្រងការងាអាទិភាពបានល្អ នឹងជួយឱ្យបុគ្គលិក កាន់តែងាយស្រួលក្នុងការបំពេញ និងសម្រេចគោលដៅការងារ៕
