ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ប្រទេសជប៉ុន តាមរយៈទីភ្នាក់ងារសហប្រតិបត្តិជប៉ុន ហៅកាត់ថា JICA នឹងផ្តល់អាហារូបករណ៍ថ្នាក់បណ្ឌិត (PhD) Universal Health Coverage (UHC) Program-JFY2022 ជូនដល់វេជ្ជបណ្ឌិតទូទៅ និងវេជ្ជបណ្ឌិតឯកទេសកម្ពុជាចំនួន២រូប ដែលបានបញ្ចប់ការសិក្សានៅសាកលវិទ្យាល័យវិទ្យាសាស្រ្តសុខាភិបាល ដើម្បីទៅសិក្សានៅសាកលវិទ្យាល័យ KAGAWA រយៈពេល ៤ឆ្នាំកន្លះ។
អាហារូបករណ៍ថ្នាក់បណ្ឌិតនេះ សម្រាប់ការសិក្សាទៅលើមុខវិជ្ជាចំនួនពីរ រួមមាន ទី១.វគ្គសិក្សាមូលដ្ឋានឱសថសម្រាប់ “អ្នកស្រាវជ្រាវវិទ្យាសាស្ត្រជីវិត” (Basic Medicine course for “Researchers for Life Sciences) និងទី២.វគ្គសិក្សាមូលដ្ឋានគ្លីនិកសម្រាប់ “អ្នកជំនាញផ្នែកឱសថកម្រិតខ្ពស់” (Clinical Medicine Course for “Professionals for Advanced Medicine”) ចាប់ផ្តើមពីឆ្នាំ២០២២ ដល់ឆ្នាំ២០២៧។
ចំពោះលក្ខខណ្ឌ នៃដាក់ពាក្យប្រឡងជ្រើសរើស គឺត្រូវជាអតីតនិស្សិតដែលបានបញ្ចប់ការសិក្សាថ្នាកវេជ្ជបណ្ឌិតទូទៅ ឬវេជ្ជបណ្ឌិតឯកទេសនៅសាកលវិទ្យាល័យវិទ្យាសាស្រ្តសុខាភិបាល (ស.វ.ស), ជាជនជាតិខ្មែរ និងមានអាយុតិចជាង ៤០ឆ្នាំ គិតត្រឹមថ្ងៃទី១ ខែមេសា ឆ្នាំ២០២២។ ទន្ទឹមគ្នានេះ សម្រាប់វគ្គសិក្សាមូលដ្ឋានគ្លីនិកសម្រាប់ “អ្នកជំនាញផ្នែកឱសថកម្រិតខ្ពស់” ត្រូវមានបទពិសោធន៍អនុវត្តវិជ្ជាជីវៈវេជ្ជសាស្ត្រគ្លីនិករយៈពេល៣ឆ្នាំដោយសកម្ម។
លើសពីនេះ ត្រូវមានសញ្ញាបត្របញ្ជាក់កម្រិតភាសាអង់គ្លេសកម្រិតចាប់ពី TOEFL iBT: 80 ឬ IELTS: 6.5 ឡើងទៅ ហើយក្រោយបញ្ជប់ការសិក្សានឹងត្រឡប់មកបម្រើការងារជាបុគ្គលិកជាប់កិច្ចសន្យានៅក្នុងមន្ទីរពេទ្យ ស.វ.ស យ៉ាងហោច ៥ឆ្នាំ។ អាហារូបករណ៍នេះ នឹងផ្ដល់អាទិភាពចំពោះអតីតនិស្សិតធ្លាប់ជួយព្យាបាលជំងឺក្នុងសហគមន៍ ដែលរៀបចំដោយ ស.វ.ស ឬជាសមាជិកក្រុមមិត្តជួយមិត្ត ឬជាជំនួយការគ្រូក្នុងការបណ្តុះបណ្តាលអនុវត្តន៍។ ជាពិសេស អតីតនិស្សិតថ្នាក់កម្មវិធីអន្តរជាតិ និងមានវិញ្ញាបនបត្រថ្នាក់កម្មវិធីអន្តរជាតិនៅ ម.វ.វ និងជាអតីតនិស្សិតដែលមានសីលធម៌ អាកប្បកិរិយាល្អ និងមិនធ្លាប់ប្រព្រឹត្តល្មើសនឹងបទបញ្ជាផ្ទៃក្នុងរបស់ ស.វ.ស។
សម្រាប់ឯកសារដែលបេក្ខជនត្រូវភ្ជាប់មកជាមួយសម្រាប់ការដាក់អាហារូបករណ៍រួមមាន ពាក្យសុំចុះឈ្មោះជាបេក្ខជន, ព្រឹត្តបត្រពិន្ទុថ្នាក់វេជ្ជបណ្ឌិតទូទៅ ឬវេជ្ជបណ្ឌិតឯកទេស, សញ្ញាបត្របញ្ជាក់កម្រិតភាសាអង់គ្លេស TOEFL iBT ឬ IELTS, សញ្ញាបត្រ ឬវិញ្ញាបនបត្រ វេជ្ជបណ្ឌិតទូទៅ ឬវេជ្ជបណ្ឌិតឯកទេស និងលិខិតឆ្លងដែន ចំនួន ១ច្បាប់តាមផ្នែកនីមួយៗ និងត្រូវស្កេនជាច្បាប់ដើម, អាជ្ញាបណ្ឌវេជ្ជសាស្ត្រដែលនៅសុពលភាព ដែលចេញដោយគណៈគ្រូពេទ្យកម្ពុជា ចំនួន ១ច្បាប់ និងឯកសារពាក់ព័ន្ធដទៃទៀត ចំនួន ១ច្បាប់។
បេក្ខជនដែលមានចំណាប់អារម្មណ៍អាចបំពេញពាក្យសុំអាហារូបករណ៍ដែលមានគម្រូស្រាប់ រួចផ្ញើឯកសារទាំងអស់ជាឯកសារ PDF ផ្ញើតាមរយៈអ៊ីម៉ែល tannsoksreya@uhs.edu.kh និង molikahen@uhs.edu.kh។ ការទទួលពាក្យចាប់ពីថ្ងៃជូនដំណឹងនេះ រហូតដល់ថ្ងៃទី ២៣ ខែឧសភាឆ្នាំ ២០២២ វេលាម៉ោង ១៧:០០ នាទី។
សម្រាប់ព័ត៌មានបន្ថែមសូមទាក់ទងតាមរយៈលេខទូរស័ព្ទ វេជ្ជបណ្ឌិត តាន់ សុខស្រីយ៉ា ០១២ ២៧៩៧៣២, អ្នកនាង ប៉ែន មល្លិកា ០១២ ២៤០ ១៥៥៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
៤ចំណុច ដែលបេក្ខភាពស្នើអាហារូបករណ៍ Australia Awards គួរដឹងក្នុងពេលដាក់ពាក្យ
ព័ត៌មានអាហារូបករណ៍, ព្រឹត្តិការណ៍
• 04/04/2025
នៅក្នុងការដាក់ពាក្យស្នើសុំអាហារូបករណ៍ Australia Awards មានច្រើនដំណាក់កាល ដែលបេក្ខជនត្រូវយកចិត្តទុកដាក់ ក្នុងពេលដាក់ពាក្យស្នើក្នុងដំណាក់កាលនីមួយៗ។ ឯកសារដាក់ស្នើពាក្យ ជាចំណុចរឹតតែសំខាន់ត្រូវត្រៀម និងដាក់ពាក្យស្នើបានឱ្យគ្រប់លក្ខខណ្ឌ។
អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 17/07/2023
មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។
អាហារូបករណ៍សិក្សាវគ្គ IELTS តាម Online ពីសាកលវិទ្យាល័យ California
ព័ត៌មានអាហារូបករណ៍, ព្រឹត្តិការណ៍
• 12/02/2025
ឱកាសសិក្សាដោយឥតគិតថ្លៃលើការសិក្សាវគ្គ IELTS នៅលើ Coursera ពីសាកលវិទ្យាល័យ California Irvine (University of California Irvine) សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនការសិក្សាលើជំនាញចំនួន៧ក្នុងការរៀនយក IELTS ។
អាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ច ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 25/10/2024
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ចក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី សហការជាមួយវិទ្យាស្ថានជាតិសង្គមកិច្ច។
អាហារូបករណ៍ពីធនាគារពិភពលោក សម្រាប់ការសិក្សាជំនាញបច្ចេកទេស នៅវិទ្យាស្ថានពហុបច្ចេកទេសភូមិភាគតេជោសែនតាកែវ ចំនួន ២៥០កន្លែង
ព័ត៌មានអាហារូបករណ៍, ព្រឹត្តិការណ៍
• 13/08/2026
ក្រោមគម្រោងជំនាញដើម្បីការងារកាន់តែប្រសើរ ដែលជាកិច្ចសហការរួមគ្នារវាងក្រសួងសេដ្ឋកិច្ច និងហិរញ្ញវត្ថុ, ក្រសួងការងារ និងបណ្តុះបណ្តាលវិជ្ជាជីវៈ ព្រមទាំង ធនាគារពិភពលោក...
ឱកាសអាហារូបករណ៍ស្រាវជ្រាវថ្នាក់បណ្ឌិត (PhD) សម្រាប់គ្រូពេទ្យ ពីមូលនិធិ VCRF នៅសាកលវិទ្យាល័យ RMIT ប្រទេសអូស្ត្រាលី
ព័ត៌មានអាហារូបករណ៍, ព្រឹត្តិការណ៍
• 17/06/2026
សាកលវិទ្យាល័យ RMIT នៃប្រទេសអូស្រ្តាលី បានប្រកាសពីការផ្តល់អាហារូបករណ៍ស្រាវជ្រាវថ្នាក់បណ្ឌិត (VCRF Scholarship) ផ្តោតលើការសិក្សាស្រាវជ្រាវអំពី «របួសជង្គង់ចំពោះកីឡាករ-កីឡាការិនី» ជាពិសេសគឺ...
បណ្ឌិត្យសភានគរបាលកម្ពុជា ផ្តល់អាហារូបករណ៍៤០០កន្លែង សម្រាប់សិស្សនិស្សិតដែលចង់ក្លាយជាមន្រ្តីនគរបាល
ព័ត៌មានអាហារូបករណ៍, ព្រឹត្តិការណ៍
• 19/11/2024
ក្រសួងមហាផ្ទៃកាលពីពេលថ្មីៗនេះបានប្រកាសដល់សាធារណជន ក៏ដូចជាសិស្ស និស្សិត ដែលមានបំណងក្លាយជានាយនគរបាល និងនាយនគរបាលរងបន្តវេន ក្នុងក្របខ័ណ្ឌមន្រ្តីនគរបាលជាតិ សូមត្រៀមខ្លួនក្នុងការដាក់ពាក្យប្រឡងប្រជែងទទួលយកអាហារូបករណ៍...
SEARCA ផ្តល់អាហារូបករណ៍ពេញថ្លៃថ្នាក់អនុបណ្ឌិត-បណ្ឌិត ក្នុងឆ្នាំសិក្សា២០២៧-២០២៨
ព័ត៌មានអាហារូបករណ៍, ព្រឹត្តិការណ៍
• 02/09/2026
SEARCA (Southeast Asian Regional Center for Graduate Study and Research in Agriculture) បានប្រកាសផ្តល់អាហារូបករណ៍ពេញថ្លៃសម្រាប់ថ្នាក់អនុបណ្ឌិត និងថ្នាក់បណ្ឌិត ក្នុងឆ្នាំសិក្សា២០២៧-២០២៨ នេះ
អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស នៅវិទ្យាស្ថានពហុបច្ចេកទេសភូមិភាគ តេជោសែនសៀមរាប
ព័ត៌មានអាហារូបករណ៍, ព្រឹត្តិការណ៍
• 20/11/2025
វិទ្យាស្ថានពហុបច្ចេកទេសភូមិភាគ តេជោសែនសៀមរាប បានប្រកាសពីការផ្តល់អាហារូបករណ៍ ១០០% ជាច្រើនកន្លែង សម្រាប់ការសិក្សាកម្រិតសញ្ញាបត្រជាន់ខ្ពស់បច្ចេកទេស ដែលមានរយៈពេល ២ឆ្នាំ។
កម្មវិធីពិសេសរបស់ AMS EDUCATION
ព័ត៌មានសង្ខេប
