ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Utrecht នាប្រទេសហូឡង់ឆ្នាំសិក្សា២០២៤ ។ អាហារូបករណ៍បើកផ្ដល់សម្រាប់និស្សិតជុំវិញពិភពលោករួមទាំងនិស្សិតកម្ពុជាដែលមានបំណងទៅសិក្សានៅប្រទេសហូឡង់ ។
ជំនាញដែលអាហារូបករណ៍ផ្ដល់ជូនសិក្សារួមមាន ផែនដី និងនិរន្តរភាព, វិទ្យាសាស្ត្រផែនដី, ជីវវិទ្យា, និរន្តរភាព និងសង្គម, វិទ្យាសាស្ត្រថាមពល, ភូមិសាស្ត្រថាមពល, ភូមិសាស្ត្រ និងផែនការ, ការបង្កើតថ្មី(Inovation), វិទ្យាសាស្ត្របរិស្ថាន, សេដ្ឋកិច្ច និងអភិបាលកិច្ច, ទស្សនវិជ្ជា និងវិទ្យាសាស្ត្រជីវិត, ប្រព័ន្ធផ្សព្វផ្សាយ សិល្បៈ វប្បធម៌ និងប្រវត្តិសាស្ត្រ, វិទ្យាសាស្ត្រធម្មជាតិ, ការអប់រំ, ច្បាប់, វិទ្យាសាស្ត្រសង្គម និងអាកប្បកិរិយា, ភាសា អក្សរសាស្ត្រ និងទំនាក់ទំនង, គណិតវិទ្យា និងព័ត៌មានវិទ្យា ។
លក្ខខណ្ឌជ្រើសរើសបេក្ខជនត្រូវមានប្រវត្តិសិក្សាល្អ មិនមានកាន់លិខិតឆ្លងដែនសហភាពអឺរុប, ត្រូវមានសញ្ញាបត្រថ្នាក់បរិញ្ញាបត្រ ឬសញ្ញាបត្រមានតម្លៃស្មើ និងដាក់ពាក្យចាប់ពីថ្ងៃទី០១ ខែកញ្ញា ឆ្នាំ២០២៣ តទៅ ។ ជាមួយគ្នានេះ បេក្ខជនត្រូវមានឯកសារចាំបាច់សម្រាប់ភ្ជាប់ពាក្យស្នើអាហារូបករណ៍ដូចជា ប្រវត្តិរូបសង្ខេប ប្រតិចារិក លិខិតអនុសាសន៍ និង សេចក្ដីថ្លែងការណ៍ប្រកាសគោលបំណងសិក្សា ។
បេក្ខជនដែលមានចំណាប់អារម្មណ៍ក្នុងការស្នើពាក្យអាហារូបករណ៍ និងព័ត៌មានបន្ថែមអាចចូលទៅកាន់តំណភ្ជាប់ https://www.uu.nl/en/masters/general-information/application-and-admission/application-procedure ។ ផុតកំណត់ទទួលពាក្យថ្ងៃទី០១ ខែកុម្ភៈ ឆ្នាំ២០២៤ ៕
