ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកទេសខេត្តព្រះសីហនុ បានប្រកាសផ្តល់អាហារូបករណ៍ ១០០ភាគរយ សម្រាប់វគ្គសិក្សាកម្រិតសញ្ញាបត្របច្ចេកទេស និងវិជ្ជាជីវៈ ១ (C1) សិក្សារយៈពេល៤ខែ ដោយឥតគិតថ្លៃ។
ជំនាញបច្ចេកទេស និងវិជ្ជាជីវៈ ដែលនឹងត្រូវធ្វើការបណ្តុះបណ្តាលរួមមាន ៖ ១. ការតម្លើងបណ្តាញអគ្គិសនីក្នុងអគារ, ២. ការងារកំបោរ, ៣. ការផ្សាអគ្គិសនី, ៤. ការថែទាំ និងជួសជុលរថយន្ត, ៥. សេវាកម្មបរិក្ខាត្រជាក់ក្នុងគេហដ្ឋាន និង ៦. សេវាកម្មអតិថិជន។
លក្ខខណ្ឌ នៃការជ្រើសរើស ៖ យុវជនដែលមកពីគ្រួសារក្រីក្រ មានប័ណ្ណសមធម៌ និងប័ណ្ណសម្គាល់គ្រួសារងាររងហានិភ័យ, បេក្ខជនទាំងពីរភេទត្រូវមានអាយុចាប់ពី ១៥ឆ្នាំឡើងទៅ, បេក្ខជនដែលមានប័ណ្ណសមធម៌មានសុពលភាព និងប័ណ្ណគ្រួសារងាយរងហានិភ័យនឹងទទួលបានថវិកាឧបត្ថម្ភចំនួន ២៨ម៉ឺនរៀលក្នុង១ខែ រយៈពេល៤ខែ, បេក្ខជនមកពីឆ្ងាយផ្តល់កន្លែងស្នាក់ដោយឥតគិតថ្លៃ។
ការចុះឈ្មោះចាប់ពីថ្ងៃជូនដំណឹងនេះតទៅ រៀងរាល់ម៉ោងធ្វើការនៅទីតាំងវិទ្យាស្ថាន ស្ថិតនៅភូមិ២ សង្កាត់៣ ក្រុងព្រះសីហនុ ខេត្តព្រះសីហនុ ខាងក្រោយសាលាបឋមសិក្សា ហ៊ុន សែន ក្រុង ជាប់សាលាគរុកោសល្យ និងវិក្រឹត្យការខេត្តព្រះសីហនុ ឬអាចចុះឈ្មោះតាមរយៈប្រព័ន្ធព័ត៌មានវិទ្យា http://scholarship.tvet.gov.kh ។
កាលបរិច្ឆេទចូលរៀន គឺនៅថ្ងៃទី២៧ ខែធ្នូ ឆ្នាំ២០២៣៕
