ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មិនមែនកុមារគ្រប់រូបសុទ្ធចូលចិត្តអានសៀវភៅនោះទេ ប៉ុន្តែការស្រាវជ្រាវបង្ហាញថា ការអភិវឌ្ឍន៍ការស្រលាញ់ការអានតាំងពីតូចអាចផ្តល់អត្ថប្រយោជន៍ជាច្រើន។ ទន្ទឹមគ្នានេះ ពីឥទ្ធិពលវិជ្ជមានលើសមិទ្ធិផលសិក្សា ការបង្កើនចំណេះដឹងទូទៅ ការលូតលាស់វាក្យសព្ទ ការពង្រឹងសមត្ថភាពសរសេរ និងការជួយកុមារឱ្យអភិវឌ្ឍការយល់ចិត្ត រួមចំណែកឱ្យការអានអាចដើរតួនាទីយ៉ាងសំខាន់ក្នុងការអភិវឌ្ឍន៍របស់កុមារ។
លើសពីការផ្តល់ភាពរីករាយ ការអានអក្សរសិល្ប៍ជួយកុមារឱ្យបណ្តុះការស្រមើលស្រមៃ។ ទោះបីជាការអានផ្តល់អត្ថប្រយោជន៍ដ៏ធំក៏ដោយ ភស្តុតាងបង្ហាញថា មនុស្សវ័យក្មេងអានតិច ហើយអត្រាអានរបស់កុមារជាច្រើនបានធ្លាក់ចុះពីអាយុប្រហែល ១០ឆ្នាំ។
ខាងក្រោមនេះ ជាចំណុចមួយចំនួនដែលឪពុកម្តាយចូលរួមយ៉ាងសកម្មក្នុងការជួយកុមារអានបន្ថែម រួមមាន៖
ទី១. អនុញ្ញាតឱ្យកូនជ្រើសរើសសៀវភៅអានដោយខ្លួនឯង៖ ឪពុកម្តាយដែលមិនអនុញ្ញាតឱ្យកុមារអានសៀវភៅដែលពួកគេចូលចិត្ត ការសិក្សាបានបង្ហាញថា មានផលប៉ះពាល់អវិជ្ជមានដល់ការអានរបស់កុមារ។ ទន្ទឹមគ្នានេះ ការជ្រើសរើសរបស់ឪពុកម្តាយមិនមែនតែងតែជាសៀវភៅដែលកូនចូលចិត្តនោះទេ។ ដូច្នេះ ការអនុញ្ញាតិឱ្យកូនរបស់អ្នកជ្រើសរើសសៀវភៅដែលពួកគេពេញចិត្តអានដោយខ្លួនឯងទើបជួយបង្កើនចំណង់អានបន្ថែមទៀត។
ទី២. កុំប្រើវិធីបង្ខំ៖ កុមារមួយចំនួនបានត្អូញត្អែរពីការបង្ខំឱ្យអានសៀវភៅនៅពេលដែលពួកគេមិនចង់អាន ឬត្រូវបានបង្ខំឱ្យបញ្ចប់សៀវភៅដែលពួកគេបាត់បង់ចំណាប់អារម្មណ៍។ លើសពីនេះ កុមារមួយចំនួនក៏បានត្អូញត្អែរថាឪពុកម្តាយរបស់ពួកគេមិនអនុញ្ញាតឱ្យពួកគេអានសៀវភៅដែលពួកគេចាប់អារម្មណ៍។ ឧទាហរណ៍ ក្មេងប្រុសម្នាក់បាននិយាយថាគាត់ចូលចិត្តសៀវភៅ “Enid Blyton” ប៉ុន្តែឪពុករបស់គាត់មិនអនុញ្ញាតឱ្យគាត់អានសៀវភៅទាំងនេះទេ។ ចំណែក ក្មេងស្រីម្នាក់បានត្អូញត្អែរថាឪពុករបស់នាងបានបញ្ឈប់នាងពីការអានសៀវភៅ “Diary of a Wimpy Kid” ដោយសារតែមិនបង្រៀនអ្វីទាំងអស់។ ដូច្នេះ ចង់ឬមិនចង់ប្រើវិធីបង្ខំគឺគ្មានប្រសិទ្ធភាពទេចំពោះកុមារ។
ទី៣. បង្កើតបរិយាកាសសប្បាយ៖ កុមារមិនចូលចិត្តពេលមានអ្នកសួរសំណួរបន្ទាប់ពីអានសៀវភៅរួចនោះទេ ដោយយល់ថាវាដកការសប្បាយពីការអានរបស់ពួកគេ។ នៅពេលនិយាយអំពីសៀវភៅ វាជារឿងសំខាន់ក្នុងការគោរពចំណង់ចំណូលចិត្តរបស់កូនអ្នក ទោះបីជាពួកគេមិនបំពេញតាមការរំពឹងទុករបស់អ្នកក៏ដោយ។ ជាការពិត មានភ័ស្តុតាងបង្ហាញថា កុមារចូលចិត្តអានសៀវភៅដែលខ្លួនជ្រើសរើសបានល្អបំផុត បើមិនដូច្នេះទេ អាចកាត់បន្ថយសក្តានុពលសម្រាប់ការចូលរួមដ៏រីករាយក្នុងការអានជាក់ជាមិនខាន៕
