ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការភ្ញាក់ពីព្រលឹម ជាពិសេសនៅម៉ោង ៥ព្រឹក ហើយឆ្លៀតចំណាយពេលមួយខណៈ ដោយមិនមានការរំខានណាមួយអាចជួយជំរុញភាពជោគជ័យសម្រាប់អ្នកពេញមួយថ្ងៃ។ យ៉ាងណាមិញ ការក្រោកឱ្យបានមុនថ្ងៃរះ ស្ដាប់មើលទៅដូចជារឿងមួយដែលមិនងាយនឹងសម្រេច ប៉ុន្តែការផ្លាស់ប្ដូរលំនាំនៃការគេងនេះ ក៏មិនពិបាករហូតមិនអាចធ្វើបាននោះដែរ។ យោងតាម BetterUp បានបង្ហាញថា ប្រសិនបើចង់អនុវត្តទម្លាប់នេះបានជោគជ័យ និងមានកម្លាំងជំរុញពីខាងក្នុង អ្នកអាចចាប់ផ្ដើមគិតដល់អត្ថប្រយោជន៍សំខាន់ៗចំនួន ៥ ដែលអ្នកនឹងទទួលបានក្រោយពីអនុវត្តទម្លាប់នេះ។
១. បង្កើនផលិតភាពការងារ ៖ ធម្មជាតិរបស់មនុស្ស គឺមានដែនកំណត់ក្នុងការគ្រប់គ្រងខ្លួនឯង និងសមត្ថភាពក្នុងការផ្ដោតអារម្មណ៍។ នៅពេលបំពេញការងារ អ្នកនឹងចាប់ផ្ដើមថមថយសមត្ថភាពផ្ដោតអារម្មណ៍ ទៅតាមពេលវេលា។ អារម្មណ៍របស់អ្នកនឹងផ្លាស់ប្ដូរ បន្ទាប់មក កិច្ចការដែលត្រូវធ្វើ ហាក់ដូចជាពិបាកសម្រេចជាងពេលចាប់ផ្ដើម ហើយមានអារម្មណអស់កម្លាំង។ យ៉ាងណាមិញ ការចាប់ផ្ដើមថ្ងៃថ្មីរបស់អ្នកបានរហ័ស និងជំរុញរលកនៃផលិតភាពការងាររបស់អ្នកឱ្យកាន់តែខ្ពស់ជាងមុន និងបំពេញការងារបានច្រើនមុនពេលអ្នកលែងសូវមានអារម្មណ៍ផ្ដោត។
២. ពង្រឹងគុណភាពនៃការគេង ៖ យោងតាម National Library of Medicine បានបង្ហាញថា មនុស្សដែលមានទម្លាប់ក្រោកពីព្រលឹម គឺមានទំនោរចូលគេងលឿន និងគេងបានច្រើន។ ទម្លាប់នៃការគេងបានល្អនេះ នឹងធ្វើឱ្យគេមានថាមពល និងអារម្មណ៍ប្រសើរឡើងតាមនោះដែរ។
៣. កាត់បន្ថយអារម្មណ៍តានតឹង ៖ ការក្រោកនៅម៉ោង ៥ព្រឹក មានន័យថា អ្នកអាចមានពេលគ្រប់គ្រាន់សម្រាប់ងូតទឹក រៀបចំខ្លួនសម្រាប់ការងារ និងទទួលទានអាហារពេលព្រឹកដោយរីករាយ និងមិនប្រញាប់ប្រញាល់ ។ ទម្លាប់នេះ អាចកាត់បន្ថយអារម្មណ៍តានតឹង និងអនុញ្ញាតឱ្យអ្នករីករាយ និងស្រស់ស្រាយ ខណៈពេលកំពុងធ្វើដំណើរទៅធ្វើការនៅពេលព្រឹក។
៤. មានភាពសកម្មជាងមុន ៖ ការសិក្សាបង្ហាញថា មនុស្សដែលមានទម្លាប់ក្រោកពីព្រលឹម គឺមានទំនោសកម្មជាងមនុស្សដែលក្រោកយូរជាងនេះ។ ទម្លាប់នៃការចូលគេងដែលមានម៉ោងពេលត្រឹមត្រូវ និងអនុវត្តទម្លាប់នៃការក្រោកពីគេងបានល្អ នឹងធ្វើឱ្យយើងក្លាយជាមនុស្សមានវិន័យ ទម្លាប់ល្អ និងមានភាពសកម្ម។
៥. ពង្រឹងសមត្ថភាពផ្ដោតអារម្មណ៍ ៖ យោងតាមការស្រាវជ្រាវបានបង្ហាញថា ក្រោយពីភ្ញាក់ពីគេង ខួរក្បាលរបស់យើងមិនភ្ញាក់ភ្លាមៗទេ។ ក្រោយពីក្រោកពីគេង អ្នកអាចមានអារម្មណ៍ធីធោង និងអួរអាប់ចាប់បី ៣០នាទី ទៅដល់ ២ម៉ោង។ ហេតុនេះ ការភ្ញាក់ពីដំណេកនៅម៉ោង ៥ព្រឹក នឹងធានាថា អ្នកត្រៀមខ្លួនបានល្អ ដើម្បីបំពេញការងារ និងមានសមត្ថភាពផ្ដោតអារម្មណ៍៕
