ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- កម្មវិធីអាហារូបករណ៍ ASEAN-Maybank Scholarship ឬហៅកាត់ថា AMS Programme 2023 ប្រកាសផ្ដល់អាហារូបករណ៍សម្រាប់សិស្ស និស្សិត និងសាធារណជនក្នុងប្រទេសតំបន់អាស៊ានសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនសម្រាប់សាធារណជនក្នុងប្រទេស កម្ពុជា មីយ៉ានម៉ា ថៃ ឡាវ ហ្វីលីពីន ប្រ៊ុយណេ ឥណ្ឌូនេស៊ី ម៉ាឡេស៊ី វៀតណាម និង សិង្ហបុរី ។
លក្ខខណ្ឌនៃបេក្ខភាពអាហារូបករណ៍ត្រូវមាន ជាពលរដ្ឋដែលមានសញ្ជាតិក្នុងប្រទេសអាស៊ានទាំង១០ មានប្រវិត្តសិក្សាល្អ ជាបុគ្គលដែលមានភាពសកម្មភាពទាំងក្នុងការសិក្សា និងការងារសង្គម ។ បេក្ខជនត្រូវជ្រើសរើសជំនាញដែលកំណត់ដោយអាហារូបករណ៍ផ្ដល់ជូន លើសពីនេះបេក្ខជនត្រូវបានមានប្រតិបត្តិពិន្ទុ CGPA ៣.០០ ឡើងទៅ ឬសមមូល ។ បានទទួលសំបុត្រចូលរៀន/លិខិតផ្តល់ជូនពីសាកលវិទ្យាល័យក្នុងសមាជិកភាពបណ្តាញសាកលវិទ្យាល័យអាស៊ាន។
ជំនាញដែលអាហារូបរកណ៍ផ្ដល់ជូនរួមមាន គណនី វិទ្យាសាស្ត្រគណិតវិទ្យា ការគ្រប់គ្រងអាជីវកម្ម វិទ្យាសាស្ត្រទិន្នន័យ សេដ្ឋកិច្ច សហគ្រិនភាព ហិរញ្ញវត្ថុ បច្ចេកវិទ្យាព័ត៌មាន ពាណិជ្ជកម្មអន្តរជាតិ គណិតវិទ្យា នយោបាយ និងជំនាញមួយចំនួនទៀត ។
បេក្ខភាពជាប់អាហារូបករណ៍នឹងទទួលបានការគាំទ្រពីកម្មវិធីសិក្សាដូចជា ថ្លៃសិក្សាពេញលេញ កុំព្យូទ័រយូរដៃ ថ្លៃស្នាក់នៅ កន្លែងស្នាក់នៅ ថ្លៃសៀវភៅសិក្សា ការធានារ៉ាប់រងទូទៅ ប្រាក់ប្រចាំខែ និងថ្លៃសំបុត្រយន្តហោះក្រោយបញ្ចប់ការសិក្សា ។
សម្រាប់ព័ត៌មានបន្ថែមសូមចូលទៅកាន់ https://www.maybankfoundation.com/index.php/what-we-do/our-pillars/education/item/asean-maybank-scholaship-programme ។ បើកទទួលពាក្យពីថ្ងៃផ្សាយដំណឹងរហូតដល់ថ្ងៃទី២៨ ខែកុម្ភៈ ឆ្នាំ២០២៣ ៕
