ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ស.ន.ក.ច) បានប្រកាសជូនដំណឹងដល់សាធារណៈជន ជាពិសេសសិស្ស-និស្សិតអំពីអាហារូបករណ៍ថ្នាក់ភាសាចិនចំនួន៥០កន្លែង។ អាហារូបករណ៍ផ្ដល់ការសិក្សារយៈពេល១ឆ្នាំ និងការឧបត្ថម្ភផ្សេងៗ។
ឯកសារតម្រូវក្នុងការស្នើសុំអាហារូបករណ៍រួមមាន លិខិតឆ្លងដែន រូបថតអេឡិចត្រូនិច ៤x៦(ផ្ទៃពណ៌ស) សញ្ញាបត្រ ព្រឹត្តិបត្រពិន្ទុ ប្រវត្តរូប CV ផែនការសិក្សា លិខិតអនុសាសន៍២ច្បាប់ លិខិតថ្កោលទោស និងឯកសារពិនិត្យសុខភាព។ បេក្ខជនជ័យលាភីអាហារូបករណ៍នឹងទទួលបានថ្លៃសិក្សាពេញ១ឆ្នាំ សម្រាប់ការស្នាក់នៅ ថ្លៃចាយវាយ ចំពោះថ្លៃធ្វើដំណើរសាម៉ីខ្លួនជាអ្នកទទួលបន្ទុក។
បេក្ខជនដែលមានបំណងក្នុងការស្នើសុំពាក្យអាហារូបករណ៍ សូមយកឯកសារទៅដាក់ផ្ទាល់នៅការិយាល័យប្រឹក្សាយោបល់អាហារូបករណ៍នៅប្រទេសចិន នៃ ស.ន.ក.ច (ជាន់ទី៣ បន្ទប់០០៥/០០៦) នៅក្នុងអាគារទីស្នាក់ការកណ្ដាលសមាគមសម្ព័ន្ធខ្មែរចិននៅកម្ពុជា ចាប់ពីថ្ងៃផ្សាយដំណឹងរហូតដល់ថ្ងៃទី០១ ខែមីនា ឆ្នាំ២០២៤។
សម្រាប់ព័ត៌មានបន្ថែមអាចទាក់ទងទៅកាន់ ACSC Telegram: ០៩៩ ៩៨៥ ៩៨៧។
គួរបញ្ជាក់ដែរថា សមាគមនិស្សិតកម្ពុជាប្រចាំសាធារណរដ្ខប្រជាមានិតចិន ជាសមាគមដែលនៅចាំជួយប្រឹក្សា បង្ហាញផ្លូវ និងគាំទ្រដល់យុវជន-យុវតីដែលមានបំណងទៅសិក្សាអាហារូបករណ៍នៅប្រទេសចិន។ កន្លងមកសមាគមន៍បានជួយនិស្សិតទៅបន្តសិក្សា និងកំពុងសិក្សានៅប្រទេសចិនជាច្រើននាក់៕
