ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សហភាពសហព័ន្ធយុវជនកម្ពុជារាជធានីភ្នំពេញ ក្រោមកិច្ចសហប្រតិបត្តិការជាមួយសាកលវិទ្យាល័យអន្តរជាតិ បានប្រកាសផ្តល់ជូនអាហារូបករណ៍ថ្នាក់បរិញ្ញាបត្រជាន់ខ្ពស់ជំនាញ សុរិយោដី និងអភិរក្ស ១០០% ចំនួន ២កន្លែង និង ៥០% ចំនួន ២៥កន្លែង។
អាហារូបករណ៍ផ្ដល់ជូនសម្រាប់មន្ត្រីរាជការកម្ពុជាដែលកំពុងបម្រើការងារផ្នែកសុរិយោដី និងអភិរក្ស និងជំនាញទាក់ទង។ លក្ខខណ្ឌនៃការស្នើសុំពាក្យអាហារូបករណ៍សម្រាប់មន្ត្រីរាជការដែលមានសញ្ញាបត្រប្រកាសនីយបត្រជាន់ខ្ពស់កសិកម្ម ផ្នែកសុរិយោដី ឬប្រកាសនីយបត្រអ្នកបច្ចេកទេស ឬសញ្ញាបត្រមធ្យមផ្នែកសុរិយោដី ត្រូវមានបទពិសោធន៍ការងាររដ្ឋយ៉ាងតិច៦ឆ្នាំ(ក្រោយតាំងស៊ប់) សិក្សាបំប៉ន់ថ្នាក់ត្រៀមចំនួន១ឆមាស លើផ្នែកគណិតវិទ្យាមួយចំនួន មានធរណីមាត្រ កុំព្យូទ័រ ច្បា់ដែនដី និង Topography ដែលមានចំនួន១៥ក្រេឌីត (សមមូលនិង១៥ក្រេឌីត គុណនឹង១៥ម៉ោង=២២៥ម៉ោង)។
សម្រាប់មន្ត្រីរាជការដែលមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ ត្រូវមានបទពិសោធន៍ការងាររដ្ឋយ៉ាងតិច៨ឆ្នាំ (ក្រោយតាំងស៊ប់) សិក្សាបំប៉នថ្នាក់ត្រៀមចំនួន២ឆមាសមានចំនួន១៥ក្រេឌីត (សមមូលនិង៣០ក្រេឌីត គុណនឹង១៥ម៉ោង=៤៥០ម៉ោង)។
ជាមួយគ្នានេះ បេក្ខជនត្រូវមានវិញ្ញាបនបត្ររដ្ឋបាលបញ្ជាក់ពីក្រសួង ស្ថាប័នខ្លួនថា ជាមន្ត្រីរាជការពេញសិទ្ធ និងត្រូវឆ្លងកាត់ការប្រកួតប្រជែងជ្រើសរើសដែលរៀបចំដោយក្រុមការងារកម្មវិធីសាបព្រោះគ្រាប់ពូជនៃសហភាពសហព័ន្ធយុវជនកម្ពុជា រាជធានីភ្នំពេញ។ ក្រោយចេញលទ្ធផលស្ថាពរ បេក្ខជនជ័យលាភីត្រូវបង់ថ្លៃសេវារដ្ឋបាលនៅសាកលកវិទ្យាអន្តរជាតិដោយផ្ទាល់ ដោយអាហារូបករណ៍១០០%ត្រូវបង់៣០០ដុល្លារក្នុងមួយឆ្នាំ និងអាហារូបករណ៍៥០% ត្រូវបង់១០០០ដុល្លារក្នុងមួយឆ្នាំ។ បេក្ខជនជ័យលាភីទាំងអស់ត្រូវបង់ថ្លៃប្រឡងគល់បញ្ជីនៅសាកលវិទ្យាល័យចំនួន៥០ដុល្លារ។
ឯកសារ និងលិខិតដែលត្រូវភ្ជាប់ស្នើសុំអាហារូបករណ៍រួមមាន ពាក្យសុំអាហារូបករណ៍១ច្បាប់ បង្កាន់ដៃទទួលពាក្យស្នើសុំអាហារូបករណ៍១ច្បាប់ ជីវប្រវត្តិសង្ខេបដែលមានបិទរូបថតថ្មី៤x៦ ១ច្បាប់។ សញ្ញាបត្រមធ្យមសិក្សាទុតិយភូមិ (BacII) ឬឯកសារបញ្ជាក់ដែលមានតម្លៃស្មើ១ច្បាប់ ថតចម្លងអត្តសញ្ញាណប័ណ្ណ សេចក្ដីចម្លងសំបុត្របញ្ញជាក់កំណើត ឬសំបុត្របញ្ជាក់កំណើត១ច្បាប់ រូបថតទំហំ(៤x៦) ថតថ្មីចំពីមុខមិនមានវែនតា និងមានផ្ទៃខាងក្រោយពណ៌ស ចំនួន៣សន្លឹក។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមទាញយកឯកសារស្នើសុំអាហារូបករណ៍តាមរយៈ https://bit.ly/46737uV ដើម្បីបំពេញ។ សម្រាប់ព័ត៌មានបន្ថែមអាចទំនាក់ទំនងទៅកាន់ ០៧០ ៩០៩ ៩០៩ (Telegram)។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២៤ ខែកុម្ភះ ឆ្នាំ២០២៤៕
