ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវជនជនជាតិដើមភាគតិចព្នង ខេត្តរតនគិរីបានលើកឡើងថា ខ្លួនមានក្តីសង្ឃឹមខ្ពស់ក្នុងការបើកអាជីវកម្មដោយខ្លួនឯងបន្ទាប់ពីរូបគេបានបញ្ចប់ការបណ្តុះបណ្តាលជំនាញវិជ្ជាជីវៈ និងបច្ចេកទេសផ្នែកជំនាញសេវាកម្មសម្អាងកាយដែលជាជំនាញមួយមានទីផ្សារការងារល្អសមរម្យនៅក្រុងបានលុង ខេត្តរតនគិរី។
យុវតីជាជនជាតិដើមភាគតិតព្នង កច ស៊ីវ៉ន មកពីក្រុងបានលុង ខេត្តរតនគិរីបានលើកឡើងថា នាងបានជ្រើសរើសយកជំនាញសម្អាងកាយ ព្រោះតែមានគោលបំណងដ៏ធំមួយ គឺបើកកន្លែងរកស៊ីដោយខ្លួនឯង បន្ទាប់ពីសិក្សាជំនាញចប់នៅរយៈពេល៤ខែខាងមុខ។
យុវតីជនជាតិដើមភាគតិចព្នងរូបនេះបន្ថែមថា ការបណ្តុះបណ្តាលជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧នេះ គឺមានសារសំខាន់ណាស់សម្រាប់យុវជនដែលជាជាតិដើមភាគតិច ពីព្រោះពួកគាត់អាចសិក្សាជំនាញរយៈពេលខ្លី ហើយអាចមានជំនាញមួយច្បាស់លាស់ក្នុងការប្រកបរបរ និងស្វែងរកការងារធ្វើនៅក្នុងក្រុងបានលុងនេះជាដើម។ ជនជាតិដើមភាគតិចគ្មានជំនាញទេនាពេលកន្លងមក សម្រាប់ខេត្តរតនគិរីជនជាតិដើមភាគតិចពឹងផ្អែកការអាស្រ័យផលតាមបែបប្រពៃណី។
យុវតីរូបនេះបន្តថា ការបណ្តុះបណ្តាលជំនាញសេវាកម្មសម្អាងកាយនៅមជ្ឃមណ្ឌលវិជ្ជាជីវៈខេត្តរតនគិរីគឺមានការចាប់អារម្មណ៍ណាស់ ពីព្រោះការរៀនដោយភ្ជាប់ជាមួយនិងការអនុវត្តន៍ផ្ទាល់ បូករួមទាំងទ្រឹស្តីនៅក្នុងថ្នាក់ពីសំណាក់គ្រូបង្រៀនដ៏ល្អ និងមានបទពិសោធន៍។
លោក សែម ប៉ាត នាយកនៃមជ្ឈមណ្ឌលបណ្តុះបណ្តាលវិជ្ជាជីវៈខេត្តរតនគីរីបានលើកឡើងថា ជនជាតិដើមភាគតិចខេត្តមណ្ឌលគិរីបានចាប់អារម្មណ៍លើជំនាញសម្អាងកាយជាងគេក្នុងចំណោមជំនាញទាំង៥របស់មជ្ឈមណ្ឌល វិជ្ជាជីវៈបានដាក់ចេញសម្រាប់កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស១,៥ លាននាក់របស់រាជរដ្ឋាភិបាល។
បើតាមលោក សែម ប៉ាត មជ្ឈមណ្ឌលបណ្តុះបណ្តាលវិជ្ជាជីវៈខេត្តរតនគីរីទទួលបានយុវជមកដែលជាជនជាតិដើមភាគតិចចុះឈ្មោះរៀនជំនាញវិជ្ជាជីវៈ និងបច្ចេកទេសប្រមាណ៦១នាក់ ភាគច្រើនបងប្អូនជនជាតិទាំងនោះមកពីជនជាតិព្រៅ កាវ៉ែត ទំពួន គ្រឹង ចារ៉ាយ កាចក់ និងឡាវ។ ពួកគេភាគច្រើនបានចុះឈ្មោះចូលរៀនជំនាញសម្អាងកាយ និងបន្ទាប់មកទៀតមាន មុខជំនាញរចនាក្រាហ្វិកដោយកុំព្យូទ័រ ដំឡើងបណ្ដាញអគ្គីសនី សេវាកម្មសម្អាងកាយ និងសេវាកម្មកាត់សក់៕
