ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ អាហារូបករណ៍ផ្ដល់ជូនដោយមិនតម្រូវលិខិតបញ្ជាក់កម្រិតភាសា IELTS ឬ TOEFL ឡើយ ។
ជំនាញដែលអាហារូបករណ៍ផ្ដល់ជូនរួមមាន កសិកម្មនិងវិទ្យាសាស្ត្របសុពេទ្យ, វិស្វកម្ម, វិទ្យាសាស្ត្រសង្គម, មនុស្សធម៌, វិទ្យាសាស្ត្រសុខាភិបាល, គណិតវិទ្យា រូបវិទ្យា និងវិទ្យាសាស្ត្រធម្មជាតិ ។ អាហារូបករណ៍ជាការគាំទ្ររបស់រដ្ឋាភិបាលនៃប្រទេសអ៊ីតាលី ជាមួយនឹងកម្មវិធីមូលនិធីអាហារូបករណ៍ផ្សេងទៀត ។
លក្ខខណ្ឌសម្រាប់ជ្រើសរើសរួមមាន ជានិស្សិតមកពីគ្រប់សញ្ជាតិ បេក្ខជនត្រូវមានសញ្ញាបត្រថ្នាក់បរិញ្ញាបត្រសម្រាប់កម្មវិធីសិក្សាថ្នាក់បរិញ្ញាបត្រជាន់ខ្ពស់ សញ្ញាបត្រមធ្យមសិក្សាទុតិយភូមិសម្រាប់កម្មវិធីសិក្សាថ្នាក់បរិញ្ញាបត្រ ។ ជាមួយគ្នានេះ បេក្ខជនត្រូវមានឯកសារចាំបាច់មួយចំនួនដូចជា ពាក្យសុំអាហារូបករណ៍ពីសាកលវិទ្យា Pisa អត្តសញ្ញាណប័ណ្ណជាតិ ប្រតិចារិកអប់រំដែលធ្លាប់បានសិក្សា លិខិតអនុសាសន៍ពីសាស្ត្រាចារ្យ ប័ណ្ណធានារ៉ាប់រងសុខភាពដែលមានសុពលភាព និងជាបុគ្គលដែលមានសុខភាពល្អទាំងផ្លូវការ និងផ្លូវចិត្ត ។
សម្រាប់ព័ត៌មានបន្ថែមសូមចូលទៅកាន់តំណភ្ជាប់ https://www.unipi.it/index.php/tuition-fees-and-financial-support ។ ផុតកំណត់ទទួលពាក្យថ្ងៃទី១៥ ខែឧសភា ឆ្នាំ២០២៣ ៕
