ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – គម្រោងគាំទ្រនិរន្តភាពហេដ្ឋារចនាសម្ព័នជនបទដើម្បីទៅផ្សារកសិករ និងពាណិជ្ជូបនីយកម្ម(SAAMBAT) សហការណ៍ជាមួយវិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសផ្ដល់អាហារូបករណ៍សិក្សាឥតគិតថ្លៃលើជំនាញបច្ចេកទេសវគ្គខ្លី ចំនួន១៧៩កន្លែង ។
ជំនាញ ដែលអាហារូបករណ៍ផ្ដល់ជូនរួមមាន ការថែទាំ និងជួសជុលរថយន្ត៣០នាក់(១វគ្គ), ការឆុងកាហ្វេ៣០នាក់(១វគ្គ), ការថែរក្សាសម្ផស្ស និងសម្អាងកាយ៦០នាក់(២វគ្គ) និង ការកែច្នៃបន្លែផ្លែឈើ៥៩នាក់ (២វគ្គ) ដោយក្នុងមួយវគ្គសិក្សាមានរយៈពេល៤ខែ ។
លក្ខខណ្ឌសម្រាប់ការជ្រើសរើស បេក្ខជនត្រូវជា ក្មេងកំព្រា ស្ត្រីម៉េមាយ យុវនារី សិស្សបោះបង់ការសិក្សា ជនក្រីក្រ ជនជាតិដើមភាគតិច ជនពិការ និងសិក្ខាកាមរស់នៅតំបន់ដាច់ស្រយាលដែលមានអាយុចាប់ពី១៦ឆ្នាំ ដល់៣០ឆ្នាំ ។ ជាមួយគ្នានេះ សិក្ខាកាមដែលទទួលបានសិទ្ធសិក្សាវគ្គនេះនឹងទទួលបានប្រាក់ឧបត្ដម្ភចំនួន៦០ដុល្លារក្នុងមួយខែផងដែរ ។
បេក្ខជនដែលមានចំណាប់អារម្មណ៍ការសិក្សាខាងលើសូមទៅទទួលពាក្យ និងដាក់ពាក្យនៅការិយាល័យចុះឈ្មោះនៃ វិទ្យាស្ថានពហុបច្ចេកទេសភូមិភាគតេជោសែនតាកែវ រៀងរាល់ម៉ោងធ្វើការ ដែលមានអាសយដ្ឋាននៅភូមិIII សង្កាត់រកាក្នុង ក្រុងដូនកែវ ខេត្តតាកែវ (ខាងកើតរបងវិទ្យាល័យជាស៊ីមតាកែវ) ។
សម្រាប់ព័ត៌មានបន្ថែមសូមទំនាក់ទំនងទៅកាន់ ០៧៧ ៨៥៧ ៥១៨ / ០១៥ ៨៥៧ ៥១៨ / ០៧៨ ៨៩២ ៥៩៩ ៕
