ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
របបអាហារល្អ គឺជាចំណែកមួយដ៏សំខាន់ក្នុងការបង្កើតរបៀបរស់នៅ ដែលនាំឱ្យមានសុខភាពល្អ និងភាពជោគជ័យក្នុងជីវិត។ ទន្ទឹមនឹងនេះ អ្នកជំនាញជាច្រើនលើកឡើងថា មានរបបអាហារមួយចំនួន ដែលសម្បូរសារធាតុចិញ្ចឹម និងល្អសម្រាប់សុខភាពទូទៅ។
អ្នកជំនាញផ្នែកអាហាររូបត្ថម្ភមកពីសាកលវិទ្យាល័យហាវឺត បានណែនាំអាហារ ៥ ប្រភេទ ដែលពួកគាត់បរិភោគរាល់ថ្ងៃ ដើម្បីទទួលបានខួរក្បាលឈ្លាសវៃ សុខភាពបេះដូងល្អ អាយុវែង និងសុខភាពទូទៅកាន់តែប្រសើរ។
១. ស្លឹកបៃតង ៖ សារៈសំខាន់នៃស្លឹកបន្លែបៃតងក្នុងរបបអាហារប្រចាំថ្ងៃ គឺមិនអាចមើលរំលងនោះទេ ព្រោះអ្នកជំនាញតែងតែណែនាំឱ្យបរិភោគម្តងហើយម្ដងទៀត។ ការបរិភោគស្លឹកបៃតង ជួយដល់សុខភាពខួរក្បាល ហើយអាហារដែលសម្បូរជាតិសរសៃក៏មានទំនាក់ទំនងទៅនឹងការកាត់បន្ថយជំងឺបាក់ទឹកចិត្តទៀតផង។ អាហារប្រភេទនេះ សម្បូរទៅដោយសារធាតុចិញ្ចឹមសំខាន់ៗ ដូចជា វីតាមីន A ហ្វូឡាត វីតាមីន C ជាតិដែក វីតាមីនK ជាតិដែក ប៉ូតាស្យូម និងកាល់ស្យូម។
២. ផ្លែប៊ឺរី ៖ អ្នកជំនាញណែនាំថា អ្នកគួរតែញ៉ាំផ្លែឈើរាល់ថ្ងៃបើអាច។ ថ្លែឈើដែលផ្ដល់អត្ថប្រយោជន៍សម្រាប់សុខភាពល្អបំផុតគឺ ផ្លែប៊ីរី។ ផ្លែឈើមួយប្រភេទនេះ សម្បូរទៅដោយវីតាមីន និងសារធាតុប្រឆាំងអុកស៊ីតកម្ម ដែលការពាររាងកាយរបស់អ្នកពីការឆ្លងរោគ។ ជាពិសេស ល្អសម្រាប់សុខភាពភ្នែក សាច់ដុំ សុខភាពខួរក្បាល ពង្រឹងកោសិកា។ លើសពីនេះ ពណ៌របស់ផ្លែប៊ឺរីទាំងអស់ មានសារជាតិ Flavonoids ដែលជាក្រុមសារធាតុ phytonutrients ជួយឱ្យសុខភាពខួរក្បាលប្រសើរឡើង និងកាត់បន្ថយការចុះខ្សោយនៃមុខងារយល់ដឹងរបស់ខួរក្បាល។
៣. ត្រី និងប្រូតេអ៊ីនគ្មានខ្លាញ់ ៖ វេជ្ជបណ្ឌិត និងអ្នកជំនាញអាហារូបត្ថម្ភ លើកទឹកចិត្តឱ្យអ្នកកំណត់ការទទួលទានសាច់ក្រហម ហើយងាកមកញ៉ាំប្រូតេអ៊ីនគ្មានខ្លាញ់ ដូចជា ត្រីសាម៉ុន ស៊ុត ត្រីធូណា និងតៅហ៊ូ។ ត្រីសាលម៉ុន ជាប្រភេទអាហារ ដែលអ្នកជំនាញភាគច្រើនណែនាំ ព្រោះវាសម្បូរទៅដោយវីតាមីន B ដែលល្អសម្រាប់សុខភាពខួរក្បាល។
៤. គ្រាប់សណ្ដែក ៖ គ្រាប់សណ្ដែក ជាអាហារដែលជួយឱ្យមានអាយុវែង ហើយការទទួលទានក្នុងកម្រិតសមរម្យរាល់ថ្ងៃ វានឹងបង្កើនប្រព័ន្ធភាពស៊ាំរបស់អ្នក។ គ្រាប់សណ្ដែកសម្បូរទៅដោយប្រូតេអ៊ីន ជាតិសរសៃ សារធាតុប្រឆាំងអុកស៊ីតកម្ម និងសារធាតុរ៉ែដូចជា ម៉ាញេស្យូម និងជាតិដែក។
៥. គ្រាប់ផ្លែឈើ និងធញ្ញជាតិ ៖ គ្រាប់ផ្លែឈើ និងគ្រាប់ធញ្ញជាតិ គឺជាប្រភេទអាហារ ដែលយើងមើលរំលង ខណៈវាជាអាហារមួយប្រភេទដែលផ្ទុកអាស៊ីតខ្លាញ់អូមេហ្គា ៣ ដែលជួយរក្សាកោសិកាខួរក្បាលរបស់យើងមានសុខភាពល្អ និងកាត់បន្ថយបញ្ហារលាក។ នេះបើយោងតាមអ្នកវិទ្យាសាស្ត្រផ្នែកសរសៃប្រសាទ ដែលបានទទួលការបណ្ដុះបណ្ដាលពីសាកលវិទ្យាល័យ Harvard លោកស្រី Lisa Genova ៕
