ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅសាកលវិទ្យាល័យធនធានមនុស្សចំនួន៤៥កន្លែង ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។

កម្មវិធីអាហារូបករណ៍ផ្ដល់ជូន៤៥កន្លែងសម្រាប់ការសិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ លើជំនាញគណនេយ្យ គ្រប់គ្រង ទីផ្សារ(Marketing) សណ្ឋាគារនិងទេសចរណ៍ ធុរកិច្ចឌីជីថល(សិក្សាលក្ខណៈអន្តរជាតិ) ហិរញ្ញវត្ថុនិងធនាគារ អភិវឌ្ឍន៍សេដ្ឋកិច្ច អប់រំភាសាអង់គ្លេស ទំនាក់ទំនងអន្តរជាតិ ភាសាអង់គ្លេសសម្រាប់ទំនាក់ទំនង វិស្វកកម្មកុំព្យូទ័រ កុំព្យូទ័រប្រូក្រាមីង វិទ្យាសាស្ត្រកុំព្យូទ័រ នីតិសាស្ត្រ និងរដ្ឋបាលសាធារណៈ។

អាហារូបករណ៍ផ្ដល់ជូនការសិក្សា១០០%លើថ្លៃសិក្សាសម្រាប់ថ្នាក់បរិញ្ញាបត្ររងចំនួន១០កន្លែង និងសម្រាប់ថ្នាក់បរិញ្ញាបត្រចំនួន៣០កន្លែង។

លក្ខខណ្ឌជ្រើសរើស ៖ បេក្ខជនក្នុងការដាក់ពាក្យស្នើសុំអាហារូបករណ៍ ជាសិស្ស-និស្សិតទូទាំងប្រទេស ជាបុគ្គលដែលធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត និងជាសិស្សដែលមកពីខេត្តព្រៃវែង បាត់ដំបង និងបន្ទាយមានជ័យមានសិទ្ធទទួលបានអាទិភាព។ សិស្ស-និស្សិតត្រូវបំពេញពាក្យស្នើសុំ ប្រវត្តិរូបសង្ខេប សលាកបត្រឯកត្តជន (មានគំរូ) និងត្រូវបំពេញកិច្ចសន្យាខិតខំរៀនសូត្រ និងគោរពតាមវិធានបទបញ្ជាផ្ទៃក្នុងរបស់ក្រុមការងារ។ ជាមួយគ្នានេះ បេក្ខជនត្រូវមានសញ្ញាបត្រមធ្យមសិក្សាទុតិយភូមិ (ជាប់ ឬធ្លាក់) សម្រាប់ថ្នាក់បរិញ្ញាបត្ររង និងត្រូវមានសញ្ញាបត្រថ្នាក់មធ្យមសិក្សាទុតិយភូមិ ឬសញ្ញាបត្រមានតម្លៃសមមូលសម្រាប់ថ្នាក់បរិញ្ញាបត្រ។

ដើម្បីធ្វើការដាក់ពាក្យបេក្ខជនដែលមានចំណាប់អារម្មណ៍អាចស្នើសុំអាហារូបករណ៍បានតាមរយៈ ការដាក់ពាក្យផ្ទាល់នៅទីស្នាក់ការអាហារូបករណ៍អភិសន្តិបណ្ឌិត ស សុខា ដែលមានអាសយដ្ឋានផ្ទះលេខ៤៤ ផ្លូវលេខ៤៣២ សង្កាត់ទួលទំពូងទី១ ខណ្ឌចំការមន រាជធានីភ្នំពេញ (បណ្ណាគារកម្ពុជា)។ បេក្ខជនអាចស្នើពាក្យដោយបំពេញបែបបទស្នើសុំអាហារូបករណ៍ និងបញ្ជូលឯងសារភ្ជាប់តាមរយៈ https://docs.google.com/forms/d/e/1FAIpQLSeBUEnr6_IlIq0ShJdJbHI4BH2Gkc4nKHxR2GELI36A6H8-Fg/viewform?usp=sf_link ​ ។

សិស្ស-និស្សិតក៏អាចស្វែងរកព័ត៌មាននៃការដាក់ពាក្យតាមរយៈ ​Telegram របស់ក្រុមការងារអាហារូបករណ៍អភិសន្តិបណ្ឌិត ស សុខា ដោយបំពេញពាក្យស្នើសុំ និងភ្ជាប់ជាមួយនឹង​ឯកសារតម្រូវScan ឬថត(ថតឱ្យបានច្បាស់) ផ្ញើទៅកាន់Telegram របស់ក្រុមការងារតាមរយៈ កញ្ញា លី សុគន្ធា៖ ០១៧ ៦៨៤ ៨៨១, លោក ម៉ៅ រិទ្ធច័ន្ទសំណាង៖ ០៩៦ ៥៩១ ៦៩៤២ និងកញ្ញា វីន បញ្ញាធីតាវល័ក្ខណ៍៖ ០៩៦ ៥៤៩ ០៧៣៣ ។

គួរបញ្ជាក់ដែរថាវិទ្យាស្ថានសិក្សាមានទីតាំងនៅអគារលេខ១៧ ផ្លូវ១៦៣ សង្កាត់អូឡាំពិក ខណ្ឌបឹងកេងកង(ខាងត្បូងវត្តមហាមន្ត្រី រាជធានីភ្នំពេញ) ឬអាចទំនាក់ទំនទៅកាន់គ្រឹះស្ថានឧត្ដមសិក្សាផ្ទាល់តាមរយៈ ០៩៧ ៧៧៣ ៣៣៣៩/ ០១២ ៩៧១ ៧១៦។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែមករា ឆ្នាំ២០២៤៕