ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងទៅលើអនុស្សរណៈ នៃកិច្ចព្រមព្រៀងស្តីពីកិច្ចសហប្រតិបត្តិការអប់រំ រវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ បណ្តុះបណ្តាល នៃសាធារណរដ្ឋសង្គមនិយមវៀតណាម, ក្រសួងអប់រំ បានប្រកាសជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា និងថ្នាក់បរិញ្ញាបត្រចំនួន ១២០នាក់ ទៅសិក្សានៅតាមសាកលវិទ្យាល័យនានាក្នុងប្រទេសវៀតណាម។
លក្ខខណ្ឌនៃការចុះឈ្មោះ សម្រាប់ថ្នាក់ក្រោយឧត្តមសិក្សា (ថ្នាក់បណ្ឌិត និងថ្នាក់បរិញ្ញាបត្រជាន់ខ្ពស់ ចំនួន២០កន្លែង) ត្រូវមានសញ្ជាតិខ្មែរ, ជានិស្សិតដែលបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ឬថ្នាក់បរិញ្ញាបត្រមកពីសាធារណរដ្ឋសង្គមនិយមវៀតណាម, មានអាយុមិនលើសពី ៤០ឆ្នាំ (គិតត្រឹមខែកញ្ញា ឆ្នាំ២០២៤) សម្រាប់ថ្នាក់បរិញ្ញាបត្រជាន់ខ្ពស់ និងមិនកំណត់អាយុសម្រាប់ថ្នាក់បណ្ឌិត, មានសុខភាពល្អបរិបូរណ៍ទាំងកាយសម្បទា និងសតិបញ្ញា។
សម្រាប់ថ្នាក់បរិញ្ញាបត្រ (ចំនួន១០០កន្លែង ដែលក្នុងនោះក្របខណ្ឌ CLMV ចំនួន២០កន្លែង) បេក្ខជនទាំងពីរភេទត្រូវមានសញ្ជាតិខ្មែរ, មានអាយុមិនលើសពី៣៥ឆ្នាំ គិតត្រឹមខែកញ្ញា ឆ្នាំ២០២៤, មានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល, មានសុខភាពល្អបរិបូរណ៍ទាំងកាយសម្បទា និងសតិបញ្ញា។
កំណត់ចំណាំ ៖ និស្សិតថ្នាក់បរិញ្ញាបត្រ ត្រូវជ្រើសរើសមុខជំនាញសិក្សារបស់ខ្លួន នៅក្រោយពេលប្រឡងជាប់។ ដោយឡែកសម្រាប់ក្របខណ្ឌអាហារូបករណ៍ CLMV មុខជំនាញសិក្សា មានតែផ្នែកសេដ្ឋកិច្ចប៉ុណ្ណោះ។
កាលបរិច្ឆេទ និងទីកន្លែងទទួលពាក្យ ៖ ការទទួលពាក្យនឹងចាប់ផ្តើមពីថ្ងៃផ្សាយដំណឹងនេះ រហូតដល់ថ្ងៃទី១៤ ខែមិថុនា ឆ្នាំ២០២៤ វេលាម៉ោង ១៦:០០នាទី នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានអាសយដ្ឋាន អគារលេខ២៣ ផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ៕
