ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ កន្លងទៅសិស្សានុសិស្សមួយចំនួនតែងយល់ថា មុខវិជ្ជាគណិតវិទ្យាលំបាកនិងស្មុគស្មាញក្នុងការសិក្សា។ ការយល់ឃើញនេះក្លាយជាចំណុចរារែកចិត្តក្នុងការជ្រើសរើសមុខវិជ្ជាគណិតវិទ្យាដើម្បីបន្តការសិក្សានៅមហាវិទ្យាល័យ។ សម្រាប់និស្សិតដែលបានបន្តការសិក្សាមុខវិជ្ជានេះនៅសាកលវិទ្យាល័យ យល់ថា គណិតវិទ្យាមិនមែនជាមុខវិជ្ជាលំបាករៀននោះទេ ប៉ុន្តែទាមទារពេលវេលាអនុវត្តលំហាត់ឱ្យបានច្រើន។
កញ្ញា ពេញ ស្រីណាក់ និស្សិតកំពុងសិក្សាមុខវិជ្ជាគណិតវិទ្យានៃសាកលវិទ្យាល័យភូមិន្ទភ្នំពេញបាននិយាយថា៖
“ចំណង់ចំណូលចិត្តធ្វើលំហាត់គណិតវិទ្យាបានច្រើនតាំងពីរៀននៅថ្នាក់វិទ្យាល័យ ជំរុញចិត្តកញ្ញាឱ្យចាប់យកមុខវិជ្ជាគណិតវិទ្យាសិក្សាបន្តថ្នាក់បរិញ្ញាបត្រ។ មេរៀនសំខាន់ៗក្នុងគណិតវិទ្យាមានលក្ខណៈវិទ្យាសាស្ត្រ សមហេតុផល និងប្រើប្រាស់បានទូលំទូលាយក្នុងជីវភាពប្រចាំថ្ងៃ។ រៀនគណិតវិទ្យាសំខាន់ហាត់រៀនធ្វើលំហាត់ឱ្យបានច្រើន ធ្វើលំហាត់ជួយឱ្យការគិតស្ទាត់ជំនាញ គិតរហ័ស ចងចាំរូបមន្តបានច្រើន ព្រមទាំងមានភាពវ័យឆ្លាតក្នុងការគណនាលេខ”
កញ្ញា ពេញ ស្រីណាក់
ចំណែក កញ្ញា ចក់ ស៊ិនី កំពុងសិក្សាថ្នាក់បរិញ្ញាបត្រគណិតវិទ្យានៅសាកលវិទ្យាល័យភូមិន្ទភ្នំពេញក៏បាននិយាយថា៖
“មុខវិជ្ជាគណិតវិទ្យាពាក់ព័ន្ធគ្រប់វិស័យទាំងអស់នៅក្នុងសង្គម រាប់ទាំងការគណនាចំណូលចំណាយផ្ទាល់ខ្លួននិងនៅតាមស្ថាប័នការងារ ហើយងាយស្រួលរៀនជាងមុខវិជ្ជាផ្សេងៗ។ គណិតវិទ្យាជាមុខវិជ្ជាវិទ្យាសាស្រ្ត ហើយជាមុខវិជ្ជាមូលដ្ឋាននៃការសិក្សាមុខវិជ្ជាដទៃ។ ខ្ញុំស្រឡាញ់មុខវិជ្ជាគណិតវិទ្យា ហើយចង់ធ្វើជាគ្រូបង្រៀនពេលរៀនចប់ ព្រោះមុខវិជ្ជាគណិតជួយសិស្សឱ្យមានចំណេះដឹងទូលាយក្នុងការគណនាលេខ ហើយខ្ញុំជឿថានៅពេលដែលសិស្សស្រឡាញ់នោះនឹងឱ្យតម្លៃមុខវិជ្ជាគណិតវិទ្យាមិនខាន”
កញ្ញា ចក់ ស៊ិនី
សម្រេចចិត្តរៀនបន្តថ្នាក់មហាវិទ្យាល័យជារឿងសំខាន់ព្រោះវាជាការចាប់ផ្ដើមក្ដីស្រមៃដែលយើងបានរំពឹងទុកបន្ទាប់ពីបញ្ចប់ថ្នាក់វិទ្យាល័យ។ គណិតវិទ្យាជាមុខវិជ្ជាដែលមិនអាចខ្វះបាន និងត្រូវការប្រើចាំបាច់គ្រប់វ័យ គ្រប់ការងារ និងការប្រាស្រ័យទាក់ទង។
និយាយក្នុងនាមអតីតនិស្សិតសិក្សាមុខវិជ្ជាគណិតវិទ្យា កញ្ញា ជា ស្រីនិច ដែលបានបញ្ចប់ការសិក្សាថ្នាក់បរិញ្ញាបត្រកាលពីឆ្នាំ២០១៨ យល់ថា គណិតវិទ្យាសំខាន់មិនអាចខ្វះបានទាំងជីវភាពរស់នៅ ការសិក្សា ការប្រាស្រ័យទាក់ទងផ្សេងៗ។ ជំនាញសិក្សាដែលសុទ្ធតែមានការពាក់ព័ន្ធជាមួយគណិតវិទ្យា។ កញ្ញាបានបន្ថែមទៀតថា រៀនជំនាញគណិតវិទ្យាមិនមានអ្វីពិបាកទេ ប្រសិនបើអ្នកមានមូលដ្ឋានគ្រឹះខ្លាំងពីថ្នាក់វិទ្យាល័យ។
Handmade chemist and mathematical drawings on blackboard background 
mathematics formulas on a blackboard
លោក នាង បូ គ្រូបង្រៀនគណិតវិទ្យានៃវិទ្យាល័យបាក់ទូក មានប្រសាសន៍ថា គន្លឹះសិក្សាគណិតវិទ្យាឱ្យបានពូកែ សិស្សត្រូវចេះរៀបចំផែនការសិក្សាឱ្យបានល្អ និងរៀបចំឯកសារមេរៀនតាមលំដាប់លំដោយ រម្លឹកមេរៀនគ្រប់មុខវិជ្ជា រៀនដោះស្រាយលំហាត់ឡើងវិញឱ្យបានច្រើនដង។ ទន្ទឹមគ្នានេះ សិស្សត្រូវរៀនស្រាវជ្រាវវិញ្ញាសាឆ្នាំកន្លងទៅយ៉ាងតិចបួនឆ្នាំ ដើម្បីពង្រីកគំនិតឱ្យទូលំទូលាយ និងរៀនបន្ថែមជាមួយលោកគ្រូអ្នកគ្រូតាមរយៈអ៊ីនធឺណេតជាដើម។
“សិស្សមួយចំនួនតែងគិតថាគណិតវិទ្យាជាមុខវិជ្ជាពិបាករៀន ពិបាកយកពិន្ទុពេលប្រឡង ប៉ុន្តែការពិតគណិតងាយស្រួលយកពិន្ទុបំផុតពេលប្រឡង ប្រសិនបើសិស្សបានធ្វើលំហាត់ស្រដៀងៗច្រើន។ ទន្ទឹមគ្នានេះ សិស្សត្រូវទន្ទេញឱ្យចេះចាំស្ទាត់រូបមន្តគណិតវិទ្យាព្រោះមុខវិជ្ជានេះត្រូវប្រើរូបមន្តប្រហែល៦០ភាគរយក្នុងពេលប្រឡង” លោក នាង បូ គ្រូបង្រៀនគណិតវិទ្យានៃវិទ្យាល័យបាក់ទូក”
គួរបញ្ជាក់ថា គណិតវិទ្យាជាមុខវិជ្ជាសំខាន់មួយក្នុងការចំណោមមុខវិជ្ជាសំខាន់ៗដែលត្រូវបានគេចាត់បញ្ជូលក្នុងមុខវិជ្ជា STEM និង STEAM ហើយស្ទើតែគ្រប់មុខវិជ្ជាសំខាន់ៗទាំងអស់ក្នុងការសិក្សាដោយការគណនា។ ការសិក្សាទាំងនោះតែងយកគណិតវិទ្យាជាមូលដ្ឋានរកហេតុផល ហើយរាប់ទាំងការងារសាមញ្ញៗមួយចំនួននៅក្នុងជីវភាពរស់នៅប្រចាំថ្ងៃផងដែរ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍សំខាន់
ព័ត៌មានទូទៅ
បទពិសោធន៍ឪពុកម្ដាយ ៖ រៀបចំបណ្ណាល័យនៅផ្ទះរួមចំណែកបណ្ដុះទម្លាប់អានរបស់កូន
ក្រសួងការងារប្រកាសពីតម្រូវការកម្លាំងពលកម្មជាង៤ម៉ឺន៧ពាន់កន្លែង សម្រាប់វិស័យចំនួន៣
លោក គឹម សុរ៉ន ចាប់ជំនាញកុំព្យូទ័រ និងរចនាក្រាហ្វិក ក្នុងមហិច្ឆតាចែករំលែកចំណេះដឹងបន្តដល់កុមារនៅសហគមន៍
មតិកែលម្អ គឺជាមូលដ្ឋានគ្រឹះ នៃការពង្រឹងសមត្ថភាពត្រិះរិះពិចារណា (Critical thinking)
វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍ដល់យុវជន៣៦០នាក់រៀនជំនាញបច្ចេកទេសឥតគិតថ្លៃ
វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និងវិជ្ជាជីវៈ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
កម្មវិធីពិសេសរបស់ AMS EDUCATION
ព័ត៌មានសង្ខេប
