ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្រ្តេស (ការតានតឹងក្នុងចិត្ត) គឺជាប្រតិកម្មរបស់រាងកាយចំពោះសម្ពាធពីស្ថានភាព ឬព្រឹត្តិការណ៍ណាមួយ ។ ជាការពិតស្រ្តេស អាចប៉ះពាល់ដល់រាងកាយ គំនិត អារម្មណ៍ និងអាកប្បកិរិយារបស់អ្នក ។ នៅក្នុងសម័យឌីជីថលនេះ អ៊ីនធឺណិតអាចជាប្រភពមួយនៃស្រ្តេសផងដែរ ។ ខាងក្រោមនេះ គឺជាវិធីទាំង៥ ដើម្បីពង្រឹងសុខភាព និងសុខុមាលភាពផ្លូវចិត្តរបស់លោកអ្នកនៅលើប្រព័ន្ធអ៊ីនធឺណិត ដែលត្រូវដែលនាំដោយអង្គការ UNICEF ៖
គន្លឹះទី១ ដកដង្ហើមយឺតៗ ៖ ដកដង្ហើមយឺតៗ និងស្រូបខ្យល់អ៊ុកស៊ីសែនចូលក្នុងសួត ហើយសម្រាកខួរក្បាលកុំគិតរឿងអ្វី ។ លោកអ្នកអាចដកដង្ហើមចូលវែងៗតាមច្រមុះ រហូតដល់ខ្យល់ពេញពោះ បន្ទាប់មកដកដង្ហើមចេញវិញតាមមាត់យឺតៗ ឱ្យអស់ខ្យល់ពីពោះ, ព្យាយាមអនុវត្តវិធីសាស្រ្តដដែលឱ្យបានបីដង ដោយដកដង្ហើមចូលតាមច្រមុះ និងបញ្ចេញតាមមាត់ ។ លោកអ្នកអាចប្រើវិធីសាស្រ្តនេះបាន នៅពេលមានអារម្មណ៍តានតឹង។
គន្លឹះទី២ ធ្វើចលនាខ្លួនប្រាណ ៖ ធ្វើសកម្មភាពឱ្យខ្លួនប្រាណអ្នកមានចលនា វាអាចជួយបញ្ចេញជាតិពុលពីខួរក្បាលដែលធ្វើឱ្យអ្នកអាចកាត់បន្ថយស្រ្តេស និងភាពតានតឹង ។ គ្រប់លំហាត់ប្រាណទាំងអស់ មិនថា លោតចុះឡើង រាំ ឬដើរ សុទ្ធតែផ្តល់ផលទាំងអស់ ។
គន្លឹះទី៣ ធ្វើសកម្មភាពកម្សាន្តណាមួយដែលមានប្រយោជន៍ ៖ មានសកម្មភាពកម្សាន្តមានសុវត្ថិភាពច្រើនណាស់ដែលអ្នកអាចធ្វើបាន ដូចជា ការស្តាប់បទចម្រៀង ឬផតខាស គូរគំនូរ រាំ មើលការសម្តែងផ្សេងៗ អានសៀវភៅ ឬចំណាយពេលនិយាយមួយមិត្តភក្តិ ។ សូមចងចាំថា សកម្មភាពកម្សាន្ត គឺអាចជួយកាត់បន្ថយកម្រិតនៃស្រ្តេសបានមួយចំនួន ប៉ុន្តែមិនអាចលុបបំបាត់វាតែម្តងបាននោះទេ។
គន្លឹះទី៤ និយាយចេញពីរឿងក្នុងចិត្ត ៖ និយាយជាមួយមនុស្សដែលអ្នកទុកចិត្ត ពួកគាត់អាចជាមិត្តិភក្តិ សមាជិកគ្រួសារ គ្រូកីឡា គ្រូបង្រៀន ឬអ្នកជំនាញផ្នែកសុខភាព ។ វាទាមទារឱ្យអ្នកមានភាពក្លាហាន និងស្មោះត្រង់ ដើម្បីនិយាយចេញមកនូវអារម្មណ៍ពិតរបស់ខ្លួន ។ ការហ៊ាននិយាយចេញពីរឿងក្នុងចិត្ត អាចធ្វើឱ្យអ្នកព្រួយបារម្ភ ប៉ុន្តែវាជាជំហានដ៏សំខាន់ដើម្បីស្វែងរកការគាំទ្រដែលអ្នកត្រូវការ។
គន្លឹះទី៥ តាមដានកម្រិតស្រ្តេសរបស់អ្នក ៖ សូមគិតពីកម្រិតស្រ្តេសចាប់ពីកម្រិត ០ មុន ដែលមានន័យថា អ្នកគ្មានស្រ្តេសអ្វីទាំងអស់ និងកម្រិត ១០ មានន័យថា អ្នកមានស្រ្តេសខ្លាំង។ ប្រសិនបើអ្នកត្រូវដាក់លេខលើកម្រិតស្រ្តេសរបស់អ្នក តើអ្នកដាក់លេខវាប៉ុន្មាន? មនុស្សជាច្រើនមានអារម្មណ៍ស្រ្តេសជាប្រចាំ ប៉ុន្តែបើកម្រិតរបស់វាតានតឹងខ្លាំងគ្រប់ពេល វាជាសញ្ញាថា អ្នកត្រូវស្វែងរកជំនួយពីអ្នកណាម្នាក់ដែលអ្នកទុកចិត្ត ដូចជា សមាជិកគ្រួសសារ មិត្តភក្តិ គ្រូបង្រៀន ឬអ្នកជំនាញផ្នែកសុខភាព៕
