អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍ជាការផ្ដល់ជូនពីក្រុមប្រឹក្សារយុវជនគ្រឹះស្ថានឧត្ដមសិក្សា ផ្នែកបណ្ដុះបណ្ដាល អាហារូបករណ៍ និងរកការងារធ្វើ នៃសហភាពសហព័ន្ធយុវជនកម្ពុជា។

ជំនាញដែលអាហារូបករណ៍ផ្ដល់ជូនសិក្សារួមមាន ជំនាញផែនការអភិវឌ្ឍន៍, ជំនាញស្ថិតិប្រជាសាស្ត្រ, ជំនាញស្ថិតិអនុវត្ត និងជំនាញតាមដានត្រួតពិនិត្យ និងវាយតម្លៃ។ អាហារូបករណ៍ផ្ដល់ជូនថ្នាក់បរិញ្ញាបត្រចំនួន១៥កន្លែង និងថ្នាក់បរិញ្ញាបត្រជាន់ខ្ពស់០៥កន្លែង។

លក្ខខណ្ឌជ្រើសរើសសម្រាប់បេក្ខជន សម្រាប់សិស្ស-និស្សិតទូទាំងប្រទេស សិស្ស-និស្សិតដែលជាសមាជិក-សមាជិកា ស.ស.យ.ក រាជធានី ខេត្ត (ទទួលបានអាទិភាព) បេក្ខជនស្នើពាក្យថ្នាក់បរិញ្ញាបត្រជាន់ខ្ពស់ ត្រូវមានសញ្ញាបត្រថ្នាក់បរិញ្ញាបត្រ, បេក្ខជនស្នើថ្នាក់បរិញ្ញាបត្រត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល។ ជាមួយគ្នានេះ បេក្ខជនត្រូវបំពេញពាក្យស្នើសុំ ប្រវត្តិរូបសង្ខេប សលាកប័ត្រឯកត្តជន(មានគំរូ) និងត្រូវបំពេញកិច្ចសន្យាខិតខំរៀនសូត្រ និងគោរពតាមបទបញ្ជាផ្ទៃក្នុង។

វេនសិក្សាសម្រាប់ជ្រើសរើសមាន២វេន ដោយវេនទី១ សិក្សាចំនួន០២ថ្ងៃក្នុងមួយសប្ដាហ៍ដែលសិក្សាទាំងពេលព្រឹក និងពេលរសៀលដោយមានថ្ងៃ ច័ន្ទ-អង្គារ ឬ ព្រហស្បតិ៍-សុក្រ ឬ សៅរ៍-អាទិត្យ។ វេនទី២ ថ្ងៃច័ន្ទ-សុក្រ សិក្សាតែពេលព្រឹក ឬពេលរសៀល។

គ្រឹះស្ថានសិក្សាមានទីតាំងនៅបណ្ដោយលេខ៥៩៨ ផ្លូវឯកឧត្ដម ជា សុផារ៉ា សង្កាត់ច្រាំងចម្រេះ២ ខណ្ឌឬស្សីកែវ រាជធានីភ្នំពេញ។

ដើម្បីធ្វើការដាក់ពាក្យបេក្ខជនអាចស្នើពាក្យតាម៣របៀបដោយ ទី១ អាចដាក់ពាក្យផ្ទាល់នៅ បណ្ណាគារកម្ពុជា ដែលមានអាសយដ្ឋាន ផ្ទះលេខ៤៤ ផ្លូវលេខ៤៣២ សង្កាត់ទួលទំពូងទី១ ខណ្ឌចំការមន រាជធានីភ្នំពេញ។ ទី២ អាចស្នើពាក្យតាមរយះ Google Form ដោយបំពេញពាក្យស្នើសុំ និងភ្ជាប់ជាមួយនឹងឯកសារតម្រូវ Scan ឬថតឱបានច្បាស់លាស់តាម https://docs.google.com/forms/d/e/1FAIpQLSeBUEnr6_IlIq0ShJdJbHI4BH2Gkc4nKHxR2GELI36A6H8-Fg/viewform?usp=sf_link ។ ទី៣ តាមរយៈ Telegram របស់ក្រុមការងារអាហារូបករណ៍ដោយបំពេញពាក្យស្នើសុំ និងភ្ជាប់ជាមួយនឹងឯកសារតម្រូវ Scan ឬថតឱបានច្បាស់ផ្ញើទៅកាន់ Telegram របស់ក្រុមការងារ កញ្ញា លី សុគន្ធា(០១៧ ៦៨៤ ៨៨១) លោក ម៉ៅ រិទ្ធច័ន្ទសំណាង (០៩៦ ៥៩១ ៦៩៤២) និងកញ្ញា វីន បញ្ញាធីតាវល័ក្ខណ៍(០៩៦ ៥៤៩ ០៧៣៣)។

ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែកុម្ភៈ ឆ្នាំ២០២៤៕