ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ៦០កន្លែង និងថ្នាក់បរិញ្ញាបត្រជាន់ខ្ពស់ ១០កន្លែង ។
សម្រាប់ជំនាញសិក្សា អាហារូបករណ៍ផ្ដល់ជូនបរិញ្ញាបត្រគ្រប់គ្រងពាណិជ្ជកម្មទំនើប(Modern Trade Business Management, Thai Program) ភាសាថៃចំនួន៥០កន្លែង និងជំនាញគ្រប់គ្រងពាណិជ្ជកម្មទំនើប ជាភាសាអន្តរជាតិ ចំនួន ១០កន្លែង (Modern Trade Business Management, International Program) ។ សម្រាប់ថ្នាក់បរិញ្ញាបត្រជាន់ខ្ពស់ជំនាញអាជីវកម្មអន្តរជាតិ ជាភាសាអន្តរជាតិ (International Business, International Program)ចំនួន១០កន្លែង ។
លក្ខណៈវិនិច្ឆ័យ នៃការដាក់ពាក្យអាហារូបរកណ៍ ពិនិត្យលើកំណត់ត្រានៃការសិក្សា លទ្ធផលនៃការសម្ភាសន៍ ហើយសម្រាប់សិស្សដែលសិក្សាកម្មវិធីភាសាអន្តរជាតិត្រូវមានជំនាញលើភាសាអង់គ្លេស និងជំនាញភាសាថៃសម្រាប់សិស្សសិក្សាកម្មវិធីជាភាសាថៃ ។ សម្រាប់សិស្សដែលជាប់ជាបេក្ខភាពអាហារូបករណ៍នឹងទទួលបានទៅតាមកម្រិតដែលជ្រើសរើស ក្នុងនោះ ការសិក្សាបរិញ្ញាបត្រកម្មវិធីភាសាថៃទទួលបានថ្លៃបង់សាលា និងប្រាក់ឧបត្ថម្ភ ៤សែនបាត ថ្នាក់បរិញ្ញាបត្រកម្មវិធីភាសាអន្តរជាតិ ជាង៦សែនបាត និងថ្នាក់បរិញ្ញាបត្រជាន់ខ្ពស់ ជាង៤សែន ក្នុងម្នាក់ ។
យ៉ាងណាក៏ដោយ បុគ្គលខ្លួនឯងត្រូវប្រាកដថាអាចចំណាយផ្សេងៗដែលអាហារូបករណ៍មិនបានផ្ដល់ជូនដូចជា ថ្លៃទិដ្ឋាការ(Visa extension fee) ការចំណាយលើការស្នាក់នៅ (កន្លែងស្នាក់នៅ ម្ហូបអាហារ និងថ្លៃធ្វើដំណើរ ប្រហែល១ម៉ឺនទៅ១ម៉ឺន២ពាន់បាតក្នុងមួយខែ) ធានារ៉ាប់រងសុខភាពការចំណាយលើសៀវភៅសិក្សា និងការចំណាយផ្សេងទៀតផ្ទាល់ខ្លួន ។ គួរបញ្ជាក់ដែរថាប្រសិនបើបេក្ខភាពអាហារូបករណ៍បានប្រឡងធ្លាក់នូវមុខវិជ្ជាណាមួយ បេក្ខជនត្រូវចំណាយ និងទទួលខុសត្រូវលើការសិក្សាជំនាញនោះម្ដងទៀតដោយខ្លួនឯងផ្ទាល់ ។
បេក្ខជនដែលមានចំណាប់អារម្មណ៍ក្នុងការដាក់ពាក្យចុះឈ្មោះតាមតំណភ្ជាប់ https://bit.ly/3KMpAF3 ។ ផុតកំណត់ទទួលពាក្យថ្ងៃទី៣០ ខែមេសា ឆ្នាំ២០២៣ ៕
