ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានបច្ចេកទេស ហ្សី វ៉េ សេ ចំនួន៣០០កន្លែង។ អាហារូបករណ៍ផ្ដល់ជូនការសិក្សាជំនាញបច្ចេក និងវិជ្ជាជីវៈ១ ជំហានទី២ ដល់យុវជន និងសាធារណជនមកពីគ្រួសារក្រីក្រ និងងាយរងហានិភ័យ។
ជំនាញដែលអាហារូបករណ៍ផ្ដល់ជូនសិក្សារួមមាន ជំនាញថែទាំ និងជួសជុលរថយន្ត វេនចន្ទ-សុក្រ(ព្រឹក-ល្ងាច)៦០នាក់, វេនចន្ទ-សុក្រ(យប់)៣០នាក់ និងវេន(សៅរ៍-អាទិត្យ)៣០នាក់។ ជំនាញការថែទាំ និងជួសជុលអគ្គិសនីរថយន្ត វេនចន្ទ-សុក្រ(ព្រឹក-ល្ងាច)៣០នាក់ វេនចន្ទ-សុក្រ(យប់)៣០នាក់ និងវេន(សៅរ៍-អាទិត្យ)៣០នាក់។ ជំនាញការថែទាំ និងជួសជុលម៉ាស៊ីនត្រជាក់រថយន្ត វេនចន្ទ-សុក្រ(ព្រឹក-ល្ងាច)៣០នាក់ វេនចន្ទ-សុក្រ(យប់)៣០នាក់ និងវេន(សៅរ៍-អាទិត្យ)៣០នាក់។
រយៈពេលសិក្សាសម្រាប់វេន ចន្ទ-សុក្រ(ព្រឹក-ល្ងាច) មានរយៈពេល៤ខែ វេនចន្ទ-សុក្រ(យប់) មានរយៈពេល៨ខែ និងវេន សៅរ៍-អាទិត្យ(ពេញថ្ងៃ) មានរយៈពេល១០ខែ។
លក្ខខណ្ឌចុះឈ្មោះសិក្សា ៖ ជាយុវជន យុវនារីដែលមានអាយុចាប់ពី១៥ឆ្នាំ ដល់ ៥៥ឆ្នាំ មកពីគ្រួសារមានបណ្ណសមធម៌ក្រីក្រ១,២ ឬគ្រួសារងាយរងហានិភ័យ យុវជនមកពីគ្រួសារដែលមានសមាជិកមាន “បណ្ណសំគាល់ជនមានពិការភាព” និង “បណ្ណមូលនិធិសមធម៌សុខាភិបាល” និងជាយុវជនដែលឧទ្ទេសនាមដោយ ឃុំ/សង្កាត់។ ជាមួយគ្នានេះ បេក្ខភាពសិក្សានឹងទទួលបានប្រាក់ឧបត្ថម្ភចំនួន២៨ម៉ឺនរៀលក្នុងមួយខែដោយសិក្សាពេញម៉ោង។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចទៅកាន់វិទ្យាស្ថានផ្ទាល់ដែលមានទីតាំងនៅផ្លូវលេខ៦A ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ(ចម្ងាយ៣០០ម៉ែត្រពីខណ្ឌជ្រោយចង្វារ)។
សម្រាប់ព័ត៌មានបន្ថែមអាចទំនាក់ទំនងទៅកាន់ ០៩៧ ៧១ ១៨ ៦៥៨ / ០៧៦ ៣៥ ១៩ ១៨៩ / ០១៦ ៨១០ ៣៧៨ / ០១១ ៧៣៣ ២៨៣ ។ ចាប់ទទួលពាក្យពីថ្ងៃផ្សាយដំណឹងរហូតគ្រប់ចំនួនកំណត់ និងចូលរៀនថ្ងៃទី០១ ខែឧសភា ឆ្នាំ២០២៤៕
