ឱកាសកម្មសិក្សាអន្តរជាតិសម្រាប់សិស្សថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រនៅសាកលវិទ្យាល័យវិទ្យាសាស្ត្រ និងបច្ចេកវិទ្យា King Abdullah ចំនួន១៣០កន្លែងសម្រាប់ឆ្នាំសិក្សា២០២៣-២០២៤​។ ឱកាសកម្មសិក្សាផ្ដល់សារប្រយោជន៍ដល់សិស្សានុសិស្សទទួលបានបទពិសោធន៍ថ្មីៗ មានរយៈពេល ៣ខែ ទៅ៦ខែ។

ជំនាញដែលកម្មវិធីកម្មសិក្សាផ្ដល់ជូនរួមមាន អាហារ បរិយាកាស (Ambient) នាយកដ្ឋានវិទ្យាសាស្ត្របរិស្ថាន នាយកដ្ឋានកុំព្យូទ័រ គណិតវិទ្យា វិស្វកម្មគីមី វិទ្យាសាស្ត្រសមុទ្រ មហាវិទ្យាល័យវិទ្យាសាស្ត្ររូបវិទ្យា អគ្គិសនី និងកម្មសិក្សានៅ នាយកដ្ឋានថាមពល នាយកដ្ឋានវិទ្យាសាស្ត្រ វិស្វករ​អគ្គិសនី មហាវិទ្យាល័យជីវវិទ្យា វិទ្យាសាស្ត្រសម្ភារៈ និងវិស្វកម្ម រូបវិទ្យាអនុវត្ត មហាវិទ្យាល័យវិទ្យាសាស្ត្ររុក្ខជាតិ បច្ចេកវិទ្យា ផ្នែក​វិស្វកម្ម ជីវវិទ្យា និង មហាវិទ្យាល័យស្ថិតិជាដើម។

លក្ខណៈវិនិច្ឆ័យសិទ្ធិទទួលបានសម្រាប់កម្មវិធីកម្មសិក្សាអន្តរជាតិ KAUST ២០២៣-២០២៤ បេក្ខជនមិនកំណត់អាយុ ភេទ ឬជាតិសាសន៍ឡើយ។ ជាបេក្ខជនដែលកំពុងសិក្សាឆ្នាំទី៣ថ្នាក់បរិញ្ញាបត្រ ឬនិស្សិតកំពុងសិក្សាថ្នាក់បរិញ្ញាបត្រជាន់ខ្ពស់ ។ ជាមួយគ្នានេះនេះ បេក្ខជនត្រូវមានពិន្ទុ CGPA ៣.៥នៃ៤.០, មានជំនាញភាសាអង់គ្លេសល្អ ។

បេក្ខជនជ័យលាភីអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ឱកាសហាត់ការ​ និងទទួលបានប្រាក់ខែ១០០០ដុល្លារ មានកន្លែងស្នាក់នៅ សំបុត្រយន្តហោះ ការចំណាយលើការរស់នៅ និងការធានារ៉ាប់រងសុខភាព។ លើសពីនេះ បេក្ខជននឹងទទួលបានឱកាសចូលរួមក្នុងពិធីបុណ្យវប្បធម៌ និងរៀនពីបទដ្ឋាន និងតម្លៃផ្សេងៗនៃសង្គមជាមួយនិស្សិតបរទេសជាច្រើន និងបទពិសោធន៍ជាក់ស្ដែងជាច្រើន ។

ឯកសារចាំបាច់សម្រាប់កម្មវិធីកម្មសិក្សាអន្តរជាតិ KAUST ២០២៣-២០២៤ មានដូចជា៖ លិខិតឆ្លងដែន ប្រតិចារិក លិខិតអនុសាសន៍ ថ្លែង​ការ​ជា​បុគ្គល និង Vaccination Certificate ។

ដើម្បីធ្វើការស្នើពាក្យអាហារូបករណ៍ និងព័ត៌មានបន្ថែមអាចចូលទៅកាន់ https://vsrp.kaust.edu.sa/internship/search ។

កាលបរិច្ឆេទកំណត់ស្នើពាក្យអាហារូបករណ៍ទៅតាមមុខវិជ្ជាដែលបានចែកជូនខាងលើ ៕