ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនចំនួន៤កន្លែង សម្រាប់តែនិស្សិតឆ្នាំទី១ ក្នុងឆ្នាំសិក្សា២០២២-២០២៣ នៃសាកលវិទ្យាល័យភូមិន្ទភ្នំពេញ។
ជំនាញសិក្សាដែលអាហារូបករណ៍ផ្ដល់ឱ្យរួមមាន ជីវបច្ចេកវិទ្យា វិទ្យាសាស្ត្រដំណាំ បសុសត្វ វិស្វកម្មបច្ចេកវិទ្យាបរិស្ថាន ការគ្រប់គ្រងធនធានធម្មជាតិ និងបរិស្ថាន ការសិក្សាវប្បធម៌វៀតណាម និងភាសាវៀតណាម ។ លើសពីនេះ អាហារូបករណ៍នឹងផ្ដល់ជូនការគាំទ្រការសិក្សាមួយចំនួនដូចជា ការសិក្សាដោយឥតបង់ថ្លៃរួមជាមួយការសិក្សាបំប៉នភាសាអង់គ្លេស ទឹកប្រាក់ឧបត្ថម្ភ១លានដុងរៀងរាល់ខែ កន្លែងស្នាក់នៅ និងការធានារ៉ាប់រង ។
បេក្ខជនដែលមានចំណាប់អារម្មណ៍ក្នុងការដាក់ពាក្យត្រូវភ្ជាប់ជាមួយឯកសារចាំបាច់មួយចំនួនដូចជា ពាក្យសុំអាហារូបករណ៍១ច្បាប់(មានស្រាប់នៅការិយាល័យទំនាក់ទំនងអន្តរជាតិ) សំបុត្របញ្ជាក់កំណើត១ច្បាប់ សញ្ញាបត្រមធ្យមសិក្សាទុតិយភូមិ ឬវិញ្ញាបនបត្រមធ្យមសិក្សាទុតិយភូមិបណ្ដោះអាសន្ន១ច្បាប់ ព្រឹត្តិបត្រពិន្ទុនៅវិទ្យាល័យ១ច្បាប់ ច្បាប់ចម្លងលិខិតឆ្លងដែន១ច្បាប់ និងឯកសារបញ្ជាក់សុខភាព១ច្បាប់ (ក្នុងរយៈពេល៦ខែចុងក្រោយ) ។ គួរបញ្ជាក់ដែរថា គ្រប់ឯកសារភ្ជាប់ទាំងអស់ត្រូវធ្វើឡើង ឬបកប្រែជាភាសាអង់គ្លេស ។
សិស្ស-និស្សិតអាចទំនាក់ទំនងសួរបន្ថែមតាមរយៈតេឡេក្រាម ( https://t.me/iro_rupp ) រៀងរាល់ម៉ោងធ្វើការ និងដាក់ពាក្យនៅការិយាល័យទំនាក់ទំនងអន្តរជាតិ បន្ទប់២១៩A អគារA ចាប់ពីថ្ងៃផ្សាយដំណឹងរហូតដល់ថ្ងៃទី១៩ ខែឧសភា ឆ្នាំ២០២៣ ៕
