ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ អាហារូបករណ៍ផ្ដល់ជូនជាសាច់ប្រាក់សម្រាប់សិក្សាចំនួន១៥០០ដុល្លារក្នុង១ឆ្នាំ ។
អាហារូបករណ៍អភិវឌ្ឍន៍ជំនាញសិល្បៈផ្ដល់ជូនសម្រាប់សិស្សថ្នាក់វិទ្យាល័យសិក្សានៅសាលាមធ្យមសិក្សាវិចិត្រសិល្បៈរយៈពេល៣ឆ្នាំដែលមានជំនាញ តូរ្យតន្ត្រី សូនរូប របាំ ល្ខោន សៀក ។ សម្រាប់ថ្នាក់បរិញ្ញាបត្រនៅសាកលវិទ្យាល័យភូមិន្ទវិចិត្រសិល្បៈរយៈពេល៤ឆ្នាំ មានជំនាញ តូរ្យតន្ត្រី សិល្បៈនាដសាស្ត្រ សិល្បៈសូនរូប លើសពីនេះឱកាសហ្វឹកហាត់ជាមួយគ្រូឯកជនក្រៅម៉ោងរយៈពេល២ឆ្នាំលើជំនាញ សម្ភោរ ស្មូត ប៉ីពត អក្សរភ្លេង ព្យាណូ ជាដើម ។
ជាមួយគ្នានេះ អាហារូបករណ៍អភិវឌ្ឍន៍ជំនាញមិនមែនសិល្បៈសម្រាប់ថ្នាក់វិទ្យាល័យ៣ឆ្នាំ ជំនាញភាសាអង់គ្លេសទូទៅ(ក្រៅម៉ោង ឬពេញម៉ោង) ៣ឆ្នាំ ជំនាញកុំព្យូទ័រទូទៅ១ឆ្នាំ ។ សម្រាប់ថ្នាក់មហាវិទ្យាល័យ៤ឆ្នាំលើជំនាញ ភាសាអង់គ្លេស បដិសណ្ឋារកិច្ចនិងទេសចរណ៍ គណនេយ្យ និងជំនាញផ្សេងៗ និងថ្នាក់បរិញ្ញាបត្រជាន់ខ្ពស់២ឆ្នាំលើជំនាញបុរាណវិទ្យានិងជំនាញជាច្រើនទៀត ។ គួរបញ្ជាក់ដែរថា អាហារូបករណ៍បន្តផ្ដល់ជូនដល់និស្សិតអាស្រ័យលើលទ្ធផលការសិក្សារបស់បេក្ខជន ។
លក្ខខណ្ឌសម្រាប់បេក្ខជនដែលអាចស្នើពាក្យអាហារូបករណ៍នេះបាន ត្រូវជាសិល្បៈករអាជីព លោកគ្រូអ្នកគ្រូសិល្បៈ និងអ្នកធ្វើការក្នុងវិស័យសិល្បៈនិងវប្បធម៌ អ្នកមិនមែនជាសិល្បករតែធ្វើការក្នុងវិស័យសិល្បៈ និងវប្បធម៌ដូចជា ផលិតករ អ្នកគ្រប់គ្រង អ្នករចនាពិព័ណ៌ អ្នកស្រាវជ្រាវ អ្នកនិពន្ធជាដើមដែលមានទម្រង់សិល្បៈបែបបុរាណ និងសម័យ ។
បេក្ខជនត្រូវមានអាយុយ៉ាងតិច ១៨ឆ្នាំ ជាជនជាតិខ្មែរ ឬមានសញ្ជាតិខ្មែរ ធ្លាប់បានរៀនសិល្បៈខ្មែរបុរាណ ឬសម័យ ឬទម្រង់សិល្បៈដទៃដូចជា របាំ ចម្រៀង ភាពយន្ត ស្ថាបត្យកម្ម ចម្លាក់ គំនូរ សិល្បៈដទៃទៀត ឬមានបទពិសោធន៍ការងារក្នុងវិស័យសិល្បៈ យ៉ាងតិច៣ឆ្នាំ ។
បេក្ខជនដែលទទួលបានអាហារូបករណ៍នឹងទទួលបានអត្ថប្រយោជន៍ពីកម្មវិធីអាហារូបករណ៍ដូចជា ការកសាងសមត្ថភាពតាមរយៈការចូលរួមវគ្គបណ្ដុះបណ្ដាលគុណតម្លៃ សម្រាប់ការអភិវឌ្ឍខ្លួន ភាពជាអ្នកដឹកនាំនិងអាជីពការងារ ។ ឱកាសចូលរួមទស្សនកិច្ចសិក្សា សិក្ខាសាលា ព្រឹត្តិការណ៍ និងគម្រោងស្ម័គ្រចិត្តនានា ឱកាសជំនួយស្មារតី និងប្រឹក្សាយោបល់ពីក្រុមការងារសិល្បៈខ្មែរអមតៈ និងប្រាក់ឧបត្ថម្ភប្រចាំ ១៥០០ដុល្លារក្នុងមួយឆ្នាំ ។
សម្រាប់បេក្ខជនដែលមានចំណាប់អារម្មណ៍ក្នុងការដាក់ពាក្យ សូមទាញយកពាក្យ https://bit.ly/43eumTq ក្រោយបំពេញហើយសូមផ្ញើទៅកាន់ sormanak@cambodianlivingarts.org ។ សម្រាប់ព័ត៌មានលម្អិតអាចចូលទៅកាន់ https://bit.ly/3MPJ4es ។ ផុតកំណត់ទទួលពាក្យថ្ងៃទី៣១ ខែឧសភា ឆ្នាំ២០២៣ ៕
