ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិកឆ្នាំសិក្សា២០២៤-២០២៥ ។
ដើម្បីមានសិទ្ធិក្នុងការដាក់ពាក្យ បេក្ខជនត្រូវមានសញ្ជាតិខ្មែរ មានប្រវត្តិការសិក្សាល្អ មានភាពជាអ្នកដឹកនាំ បានបញ្ចប់ថ្នាក់បរិញ្ញាបត្រ ឬបរិញ្ញាបត្រជាន់ខ្ពស់(មានសញ្ញាបត្រ ឬវិញ្ញាប័នបត្របណ្ដោះអាសន្ន) ។ លើសពីនេះ ត្រូវមានជំនាញភាសាអង់គ្លេស TOEFL ពិន្ទុអប្បបរមា៥៧០ ឬ TOEFL ITP ២៣០ ដែលមានមូលដ្ឋានលើកុំព្យូរទ័រនិងអ៊ីនធើណិត និងពិន្ទុ IELTS ៧.០ ។ គួរបញ្ជាក់ថា រាល់ការចំណាយទាំងអស់ដែលទាក់ទងនឹងការធ្វើតេស្តភាសាអង់គ្លេស បេក្ខជនត្រូវចេញថ្លៃដោយខ្លួនឯង ។
ជាមួយគ្នានេះ បេក្ខជនត្រូវមានភាពក្លាហាន និងឈ្លាសវៃក្នុងការបង្ហាញសមត្ថភាពជំនាញទន់របស់ខ្លួនដូចជា ការចេះបត់បែន និងសម្របខ្លួនទៅនឹងបរិយាកាសបរទេស ជាបេក្ខជនមានសុខភាពល្អ មានការប្ដេជ្ញាចិត្តក្នុងការសិក្សាឱ្យបានខ្ជាប់ខ្ជួន និងមិនមានបទពិសោធន៍ធ្លាប់បានសិក្សានៅសហរដ្ឋអាមេរិក ។
បេក្ខជនដែលទទួលបានអាហារូបករណ៍នឹងទទួលបានការគាំទ្រដូចជា ថ្លៃធ្វើដំណើរទៅមកពីប្រទេសកំណើតទៅសហរដ្ឋអាមេរិក ថ្លៃសិក្សា ថ្លៃស្នាក់នៅ (ថវិការជំនួយមិនរាប់បញ្ជូលអ្នកក្នុងបន្ទុកទេ) ។
សម្រាប់ការដាក់ពាក្យស្នើសុំ និងការណែនាំលម្អិតសូមចូលទៅកាន់ https://apply.iie.org/ffsp2024 ។ បេក្ខជនត្រូវបញ្ជូនឯកសារទាំងអស់ និងរបាយការណ៍ពិន្ទុតេស្តដោយផ្ទាល់ទៅតាមរយៈ Online ។ សម្រាប់ព័ត៌មានបន្ថែម សូមទំនាក់ទំនងការិយាល័យកិច្ចការសាធារណៈ Email: PASExchanges@state.gov ។ ផុតកំណត់ទទួលពាក្យថ្ងៃទី០១ ខែឧសភា ឆ្នាំ២០២៣ ៕
