ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី Youth of Excellence Scheme of China (YES China) នៅវិទ្យាស្ថានបច្ចេកវិទ្យា Harbin ក្រោមការឧបត្ថម្ភរបស់ក្រសួងអប់រំ នៃសាធារណៈរដ្ឋប្រជាមានិតចិន។ ការសិក្សានឹងផ្ដោតទៅលើតុល្យភាពរវាងចំណេះដឹងទ្រឹស្ដី និងការអនុវត្តន៍ជាក់ស្ដែងទាំងជំនាញទន់ និងជំនាញរឹង។
លក្ខខណ្ឌក្នុងការដាក់ពាក្យ បេក្ខជនទាំង២ភេទមិនមានសញ្ជាតិចិន ជាមន្ត្រីសាធារណៈក្នុងនាយកដ្ឋានរដ្ឋាភិបាល ឬជាបុគ្គលិកគ្រប់គ្រងជាន់ខ្ពស់ក្នុងស្ថាប័ន និងសហគ្រាស ឬជាបុគ្គលិករដ្ឋបាលនៅក្នុងសាកលវិទ្យាល័យ និងស្ថាប័នស្រាវជ្រាវវិទ្យាសាស្ត្រ ឬជាបេក្ខជនដែលមានបទពិសោធន៍ការងារ ឬកម្មសិក្សាពាក់ព័ន្ធនៅក្នុងអង្គការអន្តរជាតិ។ លើសពីនេះបេក្ខជនមានអាយុក្រោម៤៥ឆ្នាំ និងមានសុខភាពល្អទាំងផ្លូវកាយ និងផ្លូវចិត្ត មានសញ្ញាបត្របរិញ្ញាបត្រ បទពិសោធន៍ការងារយ៉ាងតិច៣ឆ្នាំ។
ដើម្បីស្នើពាក្យអាហារូបករណ៍ បេក្ខជនត្រូវភ្ជាប់ពាក្យស្នើសុំអាហារូបករណ៍រដ្ឋាភិបាលចិន (បំពេញតាម Internet) ច្បាប់ចម្លងនៃលិខិតឆ្លងដែន សញ្ញាបត្រថ្នាក់បរិញ្ញាបត្រ ប្រតិចារិកសិក្សា (ដោយភ្ជាប់ជាមួយការបកប្រែជាភាសាចិន និងភាសាអង់គ្លេសដែលមានបញ្ជាក់)។ វិញ្ញាបនបត្រជំនាញភាសាអង់គ្លេស ផែនការសិក្សា/ស្រាវជ្រាវជាភាសាអង់គ្លេស (ច្រើនជាង១០០០ពាក្យ) លិខិតអនុសាសន៍ចំនួន២ ជាភាសាចិន ឬជាភាសាអង់គ្លេសពីសាស្ត្រចារ្យ ឬសាស្ត្រាចារ្យរង លិខិតពិនិត្យសុខភាព (មានសុពលភាពក្នុងរយៈពេល៦ខែ) កំណត់ត្រាគ្មានទោស និងលិខិតបញ្ជាក់ការងារ ឬកម្មសិក្សា។
ដំណាក់កាលក្នុងការដាក់ពាក្យ ជំហានទី១ បេក្ខជនត្រូវដាក់ពាក្យស្នើសុំសំបុត្រចូលរៀននៅវិទ្យាស្ថានបច្ចេកវិទ្យា Harbin តាមរយៈ Email: shaowei@hit.edu.cn ។ ជំហានទី២ សូមចូលទៅកាន់ ប្រព័ន្ធព័ត៌មានអាហារូបករណ៍រដ្ឋាភិបាលចិន CSC ៖ http://studyinchina.csc.edu.cn រួចបំពេញពាក្យសុំតាម Internet ។ គួរបញ្ជាក់ថា បេក្ខជនត្រូវជ្រើសរើស ប្រភេទ A (ប្រភេទអាហារូបករណ៍) Code លេខ 1563 និង Apply for “Youth of Excellence Scheme of China Program អាហារូបករណ៍រដ្ឋាភិបាលចិន”។
អត្ថប្រយោជន៍ដែលជ័យលាភីអាហារូបករណ៍ទទួលបានរួមមាន ថ្លៃសិក្សាពេញលេញរយៈពេល២ឆ្នាំ ការចំណាយរស់នៅមានរយៈពេលមួយឆ្នាំ។
សម្រាប់ព័ត៌មានបន្ថែមសូមចូល https://studyathit.hit.edu.cn/Scholarships/list.htm?fbclid=IwAR1iPM4VCY8mi17FIiEUhsIxT98C_YjStARQLsnxSJ6tSZQBMENgiwLKROI ៕
