ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើរហាត់ប្រាណក្រោយពេលអាហារ ជួយសម្រួលប្រព័ន្ធរំលាយអាហារ គ្រប់គ្រងគីឡូនិងរក្សាកម្រិតជាតិស្ករ ថែមទាំងធ្វើឱ្យស្រស់ស្រាយសប្បាយចិត្ត។ យោងតាម គេហទំព័រ The Manual បានឱ្យដឹងថា ការហាត់ប្រាណមានច្រើនទម្រង់ ចំណែកឯការដើរវិញគឺជាផ្នែកមួយដែលល្អនិងងាយស្រួលក្នុងចំណោមទម្រង់ទាំងនោះ រួមទាំងរក្សាទម្លាប់ទាំងនេះបានយូរអង្វែង និងទាញបាននូវអត្ថប្រយោជន៍ជាច្រើនរាប់មិនអស់ទៅកាន់សុខភាពផ្លូវកាយនិងផ្លូវចិត្តឱ្យមានការវិវឌ្ឍន៍ពីមួយពេល ទៅមួយពេល។
សកម្មភាពហាត់ប្រាណដោយដើរ វាសាមញ្ញទេ ប៉ុន្តែរួមចំណែកទៅដល់ការពង្រឹងសន្លាក់អវយវៈ កាត់បន្ថយស្រ្តេស កម្សាន្ត និងគុណសម្បត្តិនានាផ្អែកទៅតាមបទពិសោធន៍នៃបុគ្គលម្នាក់ៗ។
មនុស្សភាគច្រើនសុទ្ធតែបានដឹងអំពីអត្ថប្រយោជន៍នៃការដើរ ប៉ុន្តែសំណួរជាច្រើនចោទឡើងថា ដើរពេលណាទើបល្អ ? ការពិតទៅការដើរ វាមានទាំងផលវិជ្ជមាន និងអវិជ្ជមាន មិនថាដើរពេលព្រឹក ឬរសៀល និងពេលល្ងាចនោះទេ ប៉ុន្តែការដើរដែលបានផ្តល់នូវគុណប្រយោជន៍យ៉ាងល្អនោះ គឺ ដើរបន្ទាប់ពីទទួលទានអាហាររួច មិនថាដើរក្នុងរយៈពេលវែង ឬខ្លីក៏ដោយ គឺអាចជំរុញឱ្យរាងកាយមានចលនា សម្រួលដល់ប្រព័ន្ធរំលាយអាហារ បន្ថយកម្រិតជាតិស្ករក្នុងឈាម និងជំរុញទៅកាន់សុខភាពរាងកាយទាំងមូល។
ការដើរបន្ទាប់ពីទទួលទានអាហារ លោកអ្នកនឹងទទួលបាននូវអត្ថប្រយោជន៍គោលៗដូចជា ធ្វើឱ្យល្បឿននៃការរំលាយអាហារកាន់តែផ្តល់នូវដំណើរល្អជាងមុន បង្កើនអារម្មណ៍ល្អចំពោះខ្លួនឯង ស្រស់ស្រាយស្រឡះខ្លួន និងធ្វើឱ្យកម្រិតនៃជាតិស្ករក្នុងឈាមមានតុល្យភាព។
តើត្រូវប្រើរយៈពេលប៉ុន្មានក្នុងការហាត់ប្រាណបន្ទាប់ពីទទួលទានអាហាររួច ? ការពិតទៅដើរកាន់តែច្រើនគឺកាន់តែល្អ ប៉ុន្តែបើចង់បង្កើតជាទម្លាប់ ឬការកំណត់គោលដៅឱ្យបានជាក់លាក់មួយដើម្បីអនុវត្តន៍ឱ្យបានទៀងទាត់ នោះសូមដើរក្នុងល្បឿនមធ្យម ឬធម្មតាៗ ឱ្យបានយ៉ាងហោចណាស់ចាប់ពី ១៥ ទៅ ៣០នាទីក្នុងមួយដង៕
