ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍ធនាគាអ៊ូរីសម្រាប់និស្សិតកំពុងសិក្សានៅសាកលវិទ្យាល័យភូមិន្ទភ្នំពេញ។ អាហារូបករណ៍ផ្ដល់ជូនសម្រាប់ស្សិតឆ្នាំទី២ ទី៣ និងទី៤ នៃឆ្នាំសិក្សា២០២៣-២០២៤ នៃដេប៉ាតឺម៉ង់សិក្សាចំនួនបួន។
ជំនាញសិក្សាដែលអាហារូបករណ៍ផ្ដល់ជូនរួមមានការសិក្សានៅ ដេប៉ាតឺម៉ង់អភិវឌ្ឍសហគមន៍, ដេប៉ាតឺម៉ង់អភិវឌ្ឍសេដ្ឋកិច្ច, ដេប៉ាតឺម៉ង់វិទ្យាសាស្ត្រកុំព្យូទ័រ, ដេប៉ាតឺម៉ង់គ្រប់គ្រង់ពាណិជ្ជកម្មអន្តរជាតិ និងដេប៉ាតឺម៉ង់គណិតវិទ្យា។
លក្ខខណ្ឌនៃការជ្រើសរើសត្រូវមានពិន្ទុសិក្សាអប្បបរុមា GPA ៣.០០ឡើង និងជានិស្សិតដែលមិនកំពុងទទួលបានអាហារូបករណ៍ពីស្ថាប័នផ្សេងៗទៀតលើកលែងតែអាហារូបករណ៍ផ្ដល់ជូនដោយក្រសួងអប់រំ យុវជន កីឡា។ ជាមួយគ្នានេះ និស្សិតត្រូវភ្ជាប់ជាមួយ ជីវប្រវត្តិរូបសង្ខេប (CV) ចំនួន១ច្បាប់, សំណេរអំពីចំណាប់អារម្មណ៍របស់និស្សិតចំពោះអាហារូបករណ៍ ធនាគា អ៊ូរីចំនួន១ច្បាប់, ព្រឹត្តិបត្រពិន្ទុដែលមានបញ្ជាក់ពិន្ទុរាល់ឆមាស (ច្បាប់ដើម) ចំនួន០១ច្បាប់, វិញ្ញាបនបត្របញ្ជាក់ការសិក្សា (Emrolment Verification Certificate ច្បាប់ដើម) ចំនួន០១ច្បាប់ និងឯកសារបញ្ជាក់កម្រិតភាសាអង់គ្លេស (បើមាន) ចំនួន០១ច្បាប់។
អត្ថប្រយោជន៍ដែលបេក្ខជនទទួលបានរួមមាន ជាទឹកប្រាក់ចំនួន៥០០ដុល្លារសម្រាប់និស្សិតម្នាក់ក្នុងមួយឆ្នាំ និងឱកាសការងារជាមួយធនាគារអ៊ូរី។ បញ្ជាក់ដែរថា និស្សិតដែលទទួលបានអាហារូបករណ៍នឹងតម្រូវឱ្យមកបម្រើការនៅធនគារ អ៊ូរី រយៈពេលពីរឆ្នាំបន្ទាប់ពីការសិក្សា។
សម្រាប់ព័ត៌មានបន្ថែមអាចទំនាក់ទំនងទៅកាន់ការិយាល័យទំនាក់ទំនងអន្តរជាតិតាមរយៈទំព័រ Facebook ផ្ទាល់របស់ការិយាល័យ ឬតាមរយៈ Telegram ( @iro_rupp) រៀងរាល់ម៉ោងធ្វើការ។ សូមបេក្ខជនភ្ជាប់សំណៅឯកសារដែលបានបញ្ជាក់ខាងលើទៅការិយាល័យទំនាក់ទំនងអន្តរជាតិចាប់ពីថ្ងៃផ្សាយដំណឹងរហូតដល់ថ្ងៃទី០១ ខែកក្កដា ឆ្នាំ២០២៤៕
