ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ ១០០% ចំនួន៧៥កន្លែង ជំនាន់ទី២ ពីមូលនិធី ស.អ នៃក្រសួងប្រៃសណីយ៍ និងទូរគមនាគមន៍ លើមុនជំនាញសន្តិសុខសាយប័រ (CyberSecurity) នៅ ANT Technology Training Center។ អាហារូបករណ៍ផ្ដល់ជម្រើសវេនសិក្សាចំនួនពីរ គឺវេនព្រឹក (៨:៤០ព្រឹក ដល់ ១១:០០ព្រឹក) និង វេនយប់ (៥:៤០ល្ងាច ដល់ ៨:០០យប់)។
លក្ខខណ្ឌនៃការជ្រើសរើស ៖ បេក្ខជនត្រូវឆ្លងកាត់ការរៀនសាកល្បងមួយខែដោយជោគជ័យ អាចប្រើប្រាស់ភាសាអង់គ្លេសបានបង្គួរ (ទាំងការស្ដាប់ និងនិយាយ) មានអាយុមិនលើសពី៣៥ឆ្នាំ និងសិក្សារយៈពេល៨ខែ ពីថ្ងៃចន្ទ ដល់ថ្ងៃសុក្រ សិក្សា២ម៉ោង២០នាទីក្នុងមួយថ្ងៃ។
បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ជាច្រើនដូចជា ៖ ការបង្ហាត់បង្រៀនពីគ្រូបរទេសដែលជំនាញ និងបទពិសោធន៍ Cybersecurity និងការណែនាំបន្ថែមពីគ្រូជំនួយខ្មែរដែលមានបទពិសោធន៍លើជំនាញ Cybersecurity, ការសិក្សាពីបច្ចេកវិទ្យាថ្មី ឱកាសការងារក្នុងវិស័យ Cybersecurity នៅតាមស្ថាប័នរដ្ឋ និងឯកជន និងក្លាយជាអ្នកជំនាញអាជីព Cybersecurity ដូចជា Penetration tester, Security Engineer, Security Specialist, IT Auditor, Security systems administrator, Cryptography engineer, Cybersecurity Analyst, Computer forensic analyst, Security consultant, Network security engineer និងជាច្រើនទៀត។
លើសពីនេះ បេក្ខជននឹងទទួលបាន ឯកសណ្ឋានសាលា រង្វាន់លើកទឹកចិត្តកំឡុងពេលសិក្សា និងបញ្ចប់វគ្គសម្រាប់សិស្សឆ្នើម និងទទួលបានការចែករំលែកចំណេះដឹង និងបទពិសោធន៍ពីវាគ្មិនដែលមានបទពិសោធន៍លើជំនាញ Cybersecurity ជាច្រើនឆ្នាំ និងសិស្សច្បងផ្សេងៗ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមចុចទីនេះ ។ សម្រាប់ព័ត៌មានលម្អិត អាចចូលទៅកាន់ https://t.me/+dMBFrLzFgKgwMDll ។
ចាប់ទទួលពាក្យពីថ្ងៃផ្សាយដំណឹងរហូត ដល់ថ្ងៃទី០៨ ខែសីហា ឆ្នាំ២០២៥៕
