ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបំបៅកូនដោយទឹកដោះម្តាយពិតជាមានសារៈសំខាន់ណាស់សម្រាប់ទារក ដោយជួយការពារប្រឆាំងនឹងជំងឺដែលគម្រាមកំហែងដល់អាយុជីវិតផ្សេងៗ ក៏ដូចជាជួយលើកកម្ពស់ដល់ការលូតលាស់របស់កុមារជាដើម។ ចុះនៅពេលដែលអ្នកម្តាយមានជំងឺ តើអ្នកម្តាយអាចបំបៅកូនដោយទឹកដោះបានដែរ ឬទេ?
ចំពោះបញ្ហានេះ អង្គការយូនីេសហ្វ បានបង្ហាញនូវកម្រងសំណួរចម្លើយ ដែលអ្នកម្តាយគួរយល់ដឹងពីការបំបៅដោះកូនប្រកបដោយសុវត្ថិភាព នៅពេលដែលមានជំងឺ ៖
តើអ្នកម្តាយអាចលេបថ្នាំបានដែរ ឬទេ ពេលបំបៅដោះកូន? ប្រសិនបើអ្នកត្រូវលេបថ្នាំ សូមប្រាប់គ្រូពេទ្យឱ្យដឹងថា អ្នកកំពុងបំបៅដោះកូន ដើម្បីឱ្យគ្រូពេទ្យចេញវេជ្ជបញ្ជារឱ្យបានត្រឹមត្រូវ។
តើអ្នកម្តាយអាចបំបៅដោះកូនបានដោយសុវត្ថិភាពដែរ ឬទេ ប្រសិនបើកំពុងមានជំងឺ? សម្រាប់ជំងឺទូទៅដូចជាគ្រុនផ្តាសាយ អ្នកម្តាយអាចបន្តបំបៅដោះកូនបានដោយសុវត្ថិភាព ប៉ុន្តែត្រូវរក្សាអនាម័យឱ្យបានខ្ជាប់ខ្ជួន ដូចជាការលាងដៃជាដើម។ ការបន្តបំបៅដោះកូន នឹងផ្តល់ឱ្យកូនរបស់អ្នកនូវការការពារប្រឆាំងនឹងជំងឺដែលអ្នកកំពុងមាន។
តើអ្នកម្តាយគួរធ្វើដូចម្តេច ប្រសិនបើមិនស្រួលខ្លួន និងមិនអាចបំបៅដោះកូនបាន? សូមព្យាយាមរកវិធីផ្សេងទៀត ដើម្បីផ្តល់ទឹកដោះដល់កូនដោយសុវត្ថិភាព ដូចជាច្របាច់ទឹកដោះទុក និងបញ្ចុកកូនដោយប្រើពែង ឬស្លាបព្រាដែលមានអានម័យ។ សូមពិភាក្សាជាមួយអ្នកផ្តល់ប្រឹក្សាផ្នែកបំបៅដោះកូន ឬគ្រូពេទ្យជំនាញអំពីជម្រើសណាមួយដែលអ្នកអាចអនុវត្តបាន។
តើអ្នកម្តាយគួរបំបៅដោះកូនដែរ ឬទេ ប្រសិនបើកូនឈឺ? សូមបន្តបំបៅដោះកូន ទោះបីជាពួកគេឈឺក៏ដោយ។ ការបំបៅដោះកូនជួយពង្រឹងភាពស៊ាំរបស់កូន ហើយប្រព័ន្ធការពាររាងកាយរបស់អ្នកម្តាយ នឹងត្រូវបញ្ជូនទៅកូនតាមរយៈទឹកដោះ ដែលជួយឱ្យរាងកាយរបស់ពួកគេប្រឆាំងនឹងមេរោគបាន។
តើអ្នកម្តាយគួរបំបៅដោះកូនដែរ ឬទេ ប្រសិនបើមាន ឬសង្ស័យថា មានជំងឺកូវីដ-១៩? អ្នកម្តាយគួរតែបន្តបំបៅដោះកូនដោយមានវិធានការប្រុងប្រយ័ត្នខ្ពស់បំផុត។ ការចម្លងមេរោគកូវីដ-១៩ តាមរយៈទឹកដោះម្តាយ និងការបំបៅដោះកូន មិនត្រូវបានរកឃើញនោះទេ។ វិធានការប្រុងប្រយ័ត្នរួមមាន ការពាក់ម៉ាស់ ការលាងសម្អាតដៃជាមួយសាប៊ូនិងទឹក ឬអាកុល ឬជែលលាងដៃ មុន និងក្រោយប៉ះពាល់កូន និងឧស្សាហ៍លាងសម្អាត និងសម្លាប់មេរោគ សម្ភារៈប្រើប្រាស់។ អ្នកម្តាយត្រូវលាងសម្អាតដើមទ្រូង ប្រសិនបើក្អកបែរចំទ្រូង៕
