ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់ប្អូនៗសិស្សានុសិស្សដែលកំពុងរៀនថ្នាក់ទី១២ ក្នុងឆ្នាំសិក្សា២០២៥-២០២៦ ដែលមានជីវភាពលំបាក និងមិនមានលទ្ធភាពរៀនបន្ត ហើយមានបំណងចង់បានអាហារូបករណ៍ទៅសិក្សានៅសាកលវិទ្យាល័យ សាលាជំនាញឯកទេស និងសាលាបណ្តុះបណ្តាលវិជ្ជាជីវៈ, ពេលនេះ អង្គការកុមារមេគង្គបានប្រកាសជ្រើសរើសនិស្សិតអាហារូបករណ៍សម្រាប់ឆ្នាំសិក្សា២០២៦-២០២៧ហើយ។
លក្ខខណ្ឌក្នុងការជ្រើសរើស ៖ សិស្សក្រីក្រ និងមានឆន្ទៈខ្ពស់ក្នុងការសិក្សា, សិស្សមានពិការភាព និងមកពីតំបន់ដាច់ស្រយាល ត្រូវបានអាទិភាព, សិស្សដែលមានសុជីវធម៌ និងចេះគោរពវិន័យ និងច្បាប់សង្គម, មកពីគ្រួសារជួបការលំបាក តែឪពុកម្តាយ និងអាណាព្យាបាលឱ្យតម្លៃលើការសិក្សា, មិនមានសមាជិកគ្រួសារដែលធ្លាប់ទទួលបានអាហារូបករណ៍ពីអង្គការកុមារមេគង្គ, យល់ព្រមអនុវត្តតាមគោលការណ៍ និងនិតិវិធីនៃការជ្រើសរើសរបស់អង្គការកុមារមេគង្គ។
ប្រសិនបើប្អូនៗ សិស្សានុសិស្សដែលកំពុងរៀនថ្នាក់ទី១២ ក្នុងឆ្នាំសិក្សា២០២៥-២០២៦ ត្រូវតាមលក្ខខណ្ឌ ដូចដែលបាន រៀបរាប់ខាងលើ ប្អូនៗអាចស្នើសុំអាហារូបករណ៍ពីអង្គការកុមារមេគង្គបានតាមរយៈ ការដាក់ពាក្យស្នើសុំតាមប្រព័ន្ធអនឡាញ (Google Form: http://tiny.cc/gwrw001) ដែលនឹងបើកឱ្យដាក់ពាក្យចាប់ពីម៉ោង ៣.០០ រសៀល ថ្ងៃទី ២៣ ខែធ្នូ ឆ្នាំ២០២៥ ដល់ថ្ងៃទី ១០ ខែមករា ឆ្នាំ ២០២៦ វេលាម៉ោង ៥.០០ ល្ងាច។
សូមជំរាបថា និតិវិធីនៃការជ្រើសរើស មាន៦ដំណាក់កាល គឺ ១.ការដាក់ពាក្យអាហារូបករណ៍តាមប្រព័ន្ធអនឡាញ (Google Form), ២. ការប្រឡងជ្រើសរើស ចំនួន ២លើក, ៣. ការចូលរួមការណែនាំ និងការសម្រេចជ្រើសជំនាញ និងសាលា, ៤. ការចុះមើលស្ថានភាពជាក់ស្តែងរបស់គ្រួសារបេក្ខជន, ៥. ការសម្ភាសន៍ និងរងចាំលទ្ធផលប្រឡងថ្នាក់ជាតិសម្រាប់ថ្នាក់ទី១២ និង៦. ប្រកាសលទ្ធផលសិស្សដែលជាប់អាហារូបករណ៍។
បញ្ជាក់ ៖ ព័ត៌មានមិនគ្រប់ជ្រុងជ្រោយ មានការលាក់លៀម និងមិនត្រូវតាមលក្ខខណ្ឌរបស់អង្គការកុមារមេគង្គ បេក្ខជននឹងមិនត្រូវបានអនុញ្ញាតឱ្យចូលរួមក្នុងការប្រឡងប្រជែងយកអាហារូបករណ៍ឡើយ៕
