ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ផលិតភាព (effectiveness) ជាចំណុចសំខាន់មិនអាចខ្វះបានសម្រាប់អភិវឌ្ឍក្រុមហ៊ុន ស្ថាប័ន រហូតដល់ប្រទេសទាំងមូល។ ហេតុនេះហើយទើបគ្រប់ស្ថាប័នទាំងអស់យកចិត្តទុកដាក់ជំរុញបុគ្គលិករបស់ខ្លួនឱ្យក្លាយជាបុគ្គលដែលមានផលិតភាពខ្ពស់ដើម្បីចូលរួមអភិវឌ្ឍស្ថាប័នប្រកបដោយនិរន្តរភាព។
ពាក់ព័ន្ធនឹងបញ្ហានេះ ឧកញ៉ា ប៉ិច បូឡែន អគ្គនាយកក្រុមហ៊ុនវេសឡាញ អេឌ្យូខេសិន គ្រុប បានលើកឡើងថា ផលិតភាពជាកត្តាសំខាន់ក្នុងការជំរុញជីវិតយើងឱ្យក្លាយជាមនុស្សមានសក្តានុពលខ្ពស់។ ហេតុនេះ ដើម្បីលើកកម្ពស់ផលិតភាព លោកសូមបង្ហាញចំណុចគន្លឺះចំនួន៤ដែលត្រូវបានលើកឡើងដោយអ្នកនិពន្ធ Eric Papp ក្នុងសៀវភៅ Leadership by choice។ ចំណុចសំខាន់ទី១ នៅក្នុងកត្តាគន្លឹះទាំង៤នោះ គឺ ការរៀបចំផែនការ។ លោកឧកញ៉ា បញ្ជាក់ថា មនុស្សម្នាក់ៗចាំបាច់ត្រូវតែដឹងឱ្យបានច្បាស់ពីទីតាំងដែលខ្លួនត្រូវទៅ តំណែងបន្ទាប់ដែលចង់ទទួលបាន និងត្រៀមជាស្រេចដើម្បីបំពេញលក្ខខណ្ឌតម្រូវនានាក្នុងតួនាទីដែលយើងចង់ទៅឱ្យដល់នោះ។
ឧកញ៉ា ប៉ិច បូឡែន បានមានប្រសាសន៍ថា
“ទន្ទឹមនឹងមានផែនការ ក៏ត្រូវតាមដានពីការអភិវឌ្ឍផ្ទាល់ខ្លួនផងដែរ ទើបធានាថាដំណើរការវិវឌ្ឍន៍ខ្លួនរបស់យើងអាចធ្វើទៅបានប្រកបដោយគុណភាព”។
ស្ថាបនិកស្ថាប័នអប់រំខាងលើបានបញ្ជាក់ផងដែរថា ការតាមដានដំណើរវិវឌ្ឍន៍ជាវិជ្ជមាននេះមានន័យថា យើងត្រូវតែខិតខំប្រឹងប្រែងអភិវឌ្ឍផែនការសកម្មភាពដែលយើងកំពុងធ្វើឱ្យកាន់តែឆ្លាតវៃ និងកាន់តែមានប្រសិទ្ធភាពខ្ពស់។ ជាឧទាហរណ៍ ការងារមួយដែលធ្លាប់ធ្វើរយៈពេល២ម៉ោងកាលពីមុន ត្រូវតែព្យាយាមធ្វើឱ្យលឿនជាងមុន និងធ្វើបានច្រើនជាងមុនទើបរាប់ថាមានផលិតភាព។
ចំណុចសំខាន់ទី២ ដែលអ្នកអប់រំខាងលើបានលើកឡើងគឺ ការគ្រប់គ្រងពេលវេលា។ ចំណុចនេះឧកញ៉ា បានសង្កត់ធ្ងន់ថា ប្រសិនបើយើងមិនព្រមគ្រប់គ្រងពេលវេលាឱ្យបានល្អទេ យើងនឹងលង់ខ្លួនជាមួយទម្លាប់រញ៉េរញ៉ៃ និងបាត់បង់ផលិតភាព។ ជាក់ស្តែង មានបុគ្គលិកមួយចំនួនគាត់មិនបានត្រៀមទុកនូវផែនការប្រចាំខែ ប្រចាំសប្តាហ៍ និងប្រចាំថ្ងៃ ធ្វើឱ្យគាត់លង់លក់ជាមួយនឹងភាពគ្មានរបៀប ដោយក្រោកយឺត ខ្ជះខ្ជាយពេលវេលា និងបន្ទោសតែកត្តាផ្លូវស្ទះ និងផ្ទះឆ្ងាយដដែលៗមិនព្រមផ្លាស់ប្តូរ ស្របពេលដែលបុគ្គលជាច្រើនគេអាចធ្វើការប្រកបដោយផលិតភាព និងលឿនជាងគាត់បើទោះបីជាគេមានផ្ទះឆ្ងាយជាងក៏ដោយ។ លោកឧកញ៉ាថា តាមពិតទៅប្រសិនបើយើងមានទម្លាប់គ្រប់គ្រងពេលវេលាបានល្អ យើងនឹងធ្វើរឿងរ៉ាវបានជាច្រើនក្នុងមួយថ្ងៃៗ ដោយគេបានត្រៀមទុកជាស្រេចនូវផែនការដែលគ្រោងនឹងធ្វើក្នុងមួយថ្ងៃៗ ហើយគេចូលការិយាល័យប្រកបដោយថាមពល ព្រោះគេដឹងច្បាស់ពីបេសកកម្មក្នុងមួយថ្ងៃនីមួយៗរបស់គេ។ មនុស្សប្រភេទនេះខុសពីមនុស្សខ្ជះខ្ជាយដែលត្រូវចំណាយពេលចូល Facebook ឬនៅមុខអេក្រង់រាប់ម៉ោងទើបរកឃើញថា ខ្លួនត្រូវធ្វើអ្វីឱ្យពិតប្រាកដ។
ដំបូន្មានសំខាន់ទី៣ ដែលឧកញ៉ា ប៉ិច បូឡែន ចង់ឱ្យគ្រប់គ្នាអនុវត្តគឺ ការផ្តោត (focus)។ អំណាចនៃការផ្តោតជាថាមពលដ៏សំខាន់ដើម្បីសម្រេចកិច្ចការងារប្រកបដោយប្រសិទ្ធភាពខ្ពស់។ ប្រសិនបើយើងមិនព្រមកំណត់អាទិភាពសម្រាប់ខ្លួនឯង និងផ្តោតលើវាឱ្យខ្លាំង យើងនឹងក្លាយជាមនុស្សដែលធ្វើការងារច្រើនតែគ្មានគុណភាព។ ជាក់ស្តែង មានមនុស្សខ្លះធ្វើការងារផង និងរកស៊ីផងក្នុងពេលតែមួយ ដោយមិនព្រមផ្តោតលើចំណុចណាមួយឱ្យប្រាកដ ឬបែងចែកអាទិភាពឱ្យបានត្រឹមត្រូវ ធ្វើឱ្យគាត់បាត់បង់លំនឹង ហើយក្លាយជាមនុស្សដែលមិនច្បាស់លាស់ទាំងការងារ និងការរកស៊ី។
ឧកញ៉ា ប៉ិច បូឡែន បាននិយាយថា
“យើងមានជម្រើសច្រើនដើម្បីធ្វើឱ្យខ្លួនឯងក្លាយជាមនុស្សដែលមានចំណុចផ្តោត ជាឧទាហរណ៍ យើងអាចផ្តោតការងារសំខាន់ ៨០% ហើយអាជីវកម្មត្រឹម ២០% ទៅ៣០% ឬកំណត់ខ្លួនឯងថារយៈពេលប៉ុន្មានឆ្នាំទៀតទើបបង្កើតអាជីវកម្ម ដោយទុកពេលបច្ចុប្បន្ននេះផ្តោតលើការងារឱ្យបានច្បាស់លាស់ជាមុនសិនក៏បាន”
ចំណុចសំខាន់ទី៤ គឺការកសាង និងបណ្តុះបណ្តាលក្រុម ។ លោកឧកញ៉ាថា កត្តាប្រឈមរបស់យើងបច្ចុប្បន្ននេះ គឺខ្វះអ្នកបន្តវេន។ ពេលខ្លះយើងអាចនឹងពិបាក នៅពេលដែលយើងត្រូវឡើងតំណែង តែគ្មានអ្នកបន្តវេន។ ហេតុនេះហើយទើបសម្រាប់ស្ថាប័នរបស់លោកផ្ទាល់ តែងតែព្យាយាមបង្កើតកម្មវិធីបណ្តុះបណ្តាលអ្នកបន្តវេន ដើម្បីស្នងតំណែងសម្រាប់ជួយជ្រោងស្ថាប័ទាំងមូលឱ្យរីកចម្រើន និងកាន់តែរឹងមាំ៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់បរិញ្ញាបត្រនៅប្រទេសថៃ ពីកម្មវិធីអាហារូបករណ៍ Child’s Dream University Scholarship ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 15/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យជាច្រើននៅក្នុងប្រទេសថៃពីកម្មវិធីអាហារូបករណ៍ Child’s Dream University Scholarship ...
អាហារូបករណ៍ ១ ៤០០កន្លែង លើ២១មុខជំនាញ ពីវិទ្យាស្ថានជាតិវិជ្ជាជីវៈបាត់ដំបង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ
ព័ត៌មានអាហារូបករណ៍, ព្រឹត្តិការណ៍
• 20/10/2025
វិទ្យាស្ថានជាតិវិជ្ជាជីវៈបាត់ដំបង ប្រកាសផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពី...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី British Wellcome Scholarships 2025
ព័ត៌មានអាហារូបករណ៍, ព្រឹត្តិការណ៍
• 27/05/2025
កម្មវិធីអាហារូបករណ៍ British Wellcome Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យផ្សេងៗក្នុងចក្រភពអង់គ្លេស។ អាហារូបករណ៍ផ្ដល់ជូនការសិក្សាពេញលេញ សម្រាប់និស្សិតអន្តរជាតិ...
ឱកាសសិក្សាអាហារូបករណ៍១៥០កន្លែង នៅបណ្ឌិតសភាបច្ចេកវិទ្យាឌីជីថលកម្ពុជាឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 13/11/2023
បណ្ឌិតសភាបច្ចេកវិទ្យាឌីជីថលកម្ពុជាប្រកាសប្រលងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជំនាញឯកទេសនានាចំនួន១៥០កន្លែងក្នុងឆ្នាំសិក្សា២០២៣-២០២៤។ អាហារូបករណ៍....
អាហារូបករណ៍ TVET ចំនួន ១២០៥កន្លែង នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 02/10/2025
សម្រាប់ឆ្នាំសិក្សា២០២៥-២០២៦ វិទ្យាស្ថានពហុបច្ចេកទេសខេត្តបន្ទាយមានជ័យ នឹងជ្រើសរើសសិស្សនិស្សិតរហូតដល់ចំនួន ១២០៥នាក់ សម្រាប់ទទួលអាហារូបករណ៍ទៅតាមមុខជំនាញ និងកម្រិតសញ្ញាបត្រ។
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តត្បូងឃ្មុំប្រកាសជ្រើសរើសសិស្សចូលរៀនបច្ចេកទេសវិជ្ជាជីវៈ១
ព័ត៌មានអាហារូបករណ៍, ព្រឹត្តិការណ៍
• 15/12/2023
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តត្បូងឃ្មុំប្រកាសជ្រើសរើសចូលរៀនជំនាញបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យជាច្រើនកន្លែង...
វិទ្យាស្ថានពហុបច្ចេកទេសភូមិភាគតេជោសែនតាកែវ ផ្តល់អាហារូបករណ៍ ៨៧០កន្លែង សម្រាប់ថ្នាក់សញ្ញាបត្រជាន់ខ្ពស់បច្ចេកទេស
ព័ត៌មានអាហារូបករណ៍, ព្រឹត្តិការណ៍
• 03/10/2025
នៅក្នុងឆ្នាំសិក្សា២០២៥-២០២៦នេះ វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការផ្តល់អាហារូបករណ៍រហូតដល់ ៨៧០កន្លែង សម្រាប់ថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា។
សាកលវិទ្យាល័យភូមិន្ទវិចិត្រសិល្បៈ ផ្តល់អាហារូបករណ៍ ១០០% ជូនដល់កូនៗរបស់វីរយុទ្ធជនដែលបានពលីជីវិត ដើម្បីបុព្វហេតុការពារបូរណភាពទឹកដី
ព័ត៌មានអាហារូបករណ៍, ព្រឹត្តិការណ៍
• 04/08/2025
សាកលវិទ្យាល័យភូមិន្ទវិចិត្រសិល្បៈ សម្រេចផ្តល់ជូនអាហារូបករណ៍សិក្សាឥតបង់ថ្លៃ ១០០% រយៈពេល៤ និង៥ឆ្នាំ ក្នុងកម្រិតសិក្សាថ្នាក់បរិញ្ញាបត្រ គ្រប់ជំនាញសិក្សាទាំង៥មហាវិទ្យាល័យ ជូនដល់កូនៗរបស់វីរៈយុទ្ធជន
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែក STEM នៅសាកលវិទ្យាល័យ Manchester ប្រទេសអង់គ្លេស ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 27/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសាកលវិទ្យាល័យ Menchester ពីកម្មវិធី ASEAN-UK SAGE ដែលផ្ដល់ឱ្យការសិក្សានៅក្នុងវិស័យ STEM។ អាហារូបករណ៍ផ្តល់មូលនិធិសម្រាប់ស្ត្រីដើម្បីសិក្សាថ្នាក់អនុបណ្ឌិតរយៈពេលមួយឆ្នាំនៅចក្រភពអង់គ្លេស។
កម្មវិធីពិសេសរបស់ AMS EDUCATION
ព័ត៌មានសង្ខេប
