យុវជនតាមមហាវិទ្យាល័យ បង្ហាញពីសកម្មភាពប្រចាំថ្ងៃ ក្នុងការចូលរួម

យុវជន៣រូបដែលមកពីមហាវិទ្យាល័យផ្សេងៗគ្នា សុទ្ធតែបានបង្ហាញទស្សនៈស្រដៀងៗគ្នាក្នុងការចូលរួមថែរក្សាបរិស្ថាន ដើម្បីភពផែនដីកាន់តែប្រសើរ, ពួកគេសុទ្ធតែបានបង្ហាញថា បរិស្ថានគឺជាអ្វីៗគ្រប់យ៉ាងនៅជុំវិញខ្លួនយើង ដែលយើងគួរតែចេះថែរក្សា ដើម្បីអាចបន្តរស់នៅលើភពផែនដីនេះបន្តទៀត ហើយថា អ្នកមិនសូវខ្វាយខ្វល់ពីបញ្ហាបរិស្ថាន អាចបណ្តាលមកពីពួកគេមិនទាន់បានដឹងអំពីភាពពាក់ព័ន្ធគ្នា រវាងដំណើរជីវិតប្រចាំថ្ងៃ និងបរិស្ថាន។ តើមានសកម្មភាពអ្វីខ្លះដែលយើងទាំងអស់គ្នាអាចធ្វើបាន និងចូលរួមការពារបរិស្ថាន?

លោក វ៉ាន កុម្ភៈ ជានិស្សិតដែលបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិ នៅសកលវិទ្យាល័យបញ្ញាសាស្រ្តកម្ពុជា និយាយថា បរិស្ថានគឺជាអ្វីៗ នៅជុំវិញខ្លួនយើង ដោយរួមមានដូចជា ទឹក ដី ភ្លើង ខ្យល់ និងរបស់គ្រប់យ៉ាងដែលជាធាតុធ្វើឱ្យជីវិតមនុស្សអាចរស់រានមានជីវិតបន្តបាន។

លោក វ៉ាន កុម្ភៈ

“ខ្ញុំយល់ថាបរិស្ថានប្រៀបដូចជា ជីវិតរបស់មនុស្សអញ្ចឹង ។ បើយើងមិនបានយកចិត្តទៅលើបរិស្ថាន ប្រៀបបានទៅនឹងមិនបានយកចិត្តទុកដាក់ចំពោះជីវិតយើងយ៉ាងដូចគ្នាដែរ”

លោកបន្តថា ទាក់ទិននឹងបរិស្ថាន ត្រូវមានសំណួរបំផុសឱ្យបានច្រើនជុំវិញបញ្ហានេះ ដូចជា តើបរិស្ថានផ្តល់អត្ថប្រយោជន៍អ្វីខ្លះដល់ការរស់នៅប្រចាំថ្ងៃរបស់យើង? ប្រសិនបរិស្ថានបាត់បង់ ឬក៏មានផលប៉ះពាល់ តើវាបង្កអសញ្ញកម្មទៅដល់ជីវិតយ៉ាងណាខ្លះ? តើគួរតែស្វែងយល់អំពីវិធីគាំពារបែបណាទើបមានប្រសិទ្ធភាព? សំណួរខាងលើជាសញ្ញាណបង្ហាញពីការយកចិត្តទុកដាក់ យល់ពីផលប៉ះពាល់នៃសកម្មភាពប្រចាំថ្ងៃរបស់យើង រួមនឹងស្វែងរកដំណោះស្រាយ ហើយចូលរួមទៅតាមលទ្ធភាព។

តាមរយៈបទពិសោធន៍របស់ លោក កុម្ភៈ ក្នុងការចូលរួមចំណែកការពារបរិស្ថាន លោកបានអនុវត្តន៍នូវគោលការណ៍ចំនួនបីគឺ ការប្រើប្រាស់ឡើងវិញ (Reuse) ការកាត់បន្ថយ (Reduce) និងការកែច្នៃរបស់ចាស់ៗឡើងវិញ(recycle)។ លោកបានលម្អិតបន្ថែមថា លោកព្យាយាមកាត់បន្ថយទៅលើការប្រើប្រាស់ផ្លាស្ទិក ឬក៏ថាមពលផ្សេងៗដូចជា ការបើកភ្លើងចោល ការប្រើប្រាស់ទឹកលើសកំណត់ជាដើម។ លោកតែងតែប្រើប្រាស់ឡើងវិញនូវរបស់ចាស់ៗ ទៅតាមលទ្ធភាព និងសមត្ថភាពដែលអាចធ្វើទៅបាន។ ដូចជាតែងប្រើប្រាស់ថង់ដែលធ្វើពីក្រណាត់ (Eco bag) រៀងរាល់ពេលដែលទៅទិញរបស់របរនៅផ្សារ។

លោក កុម្ភៈ បន្ថែមអំពីបទពិសោធន៍ នៃការចូលរួមការពារបរិស្ថាននៅក្នុងសហគមន៍វិញ អាចនិយាយបានថា លោកសកម្មនៅក្នុងកម្មវិធីជជែកពិភាក្សាក៏ច្រើន ដូច្នេះលោកបានប្រើប្រាស់ឱកាសនេះ ដើម្បីបញ្ចេញគំនិតរបស់លោកតាមរយៈប្រធានបទមួយចំនួនទាក់ទងនឹងបញ្ហាបរិស្ថានផ្សេងៗ ។

លោក វ៉ាន កុម្ភៈ

“ខ្ញុំយល់ថា ការគិតទៅដល់បរិស្ថានវាប្រៀបដូចជាការគិត និងខ្វល់ខ្វាយអំពីជីវិតរបស់យើងផ្ទាល់តាមរយៈសកម្មភាពតូចៗប្រចាំថ្ងៃ”

លោកកុម្ភៈ រំលេចបន្ថែមថា រាល់ការស្វែងយល់ពីដំណោះស្រាយ បរិស្ថាន លោកទទួលស្គាល់ថា វាទាមទារការចូលរួមពីសំណាក់ តួអង្គផ្សេងៗជាច្រើនទៀត ក៏ប៉ុន្តែគួរតែចាប់ផ្តើមពីខ្លួនយើងផ្ទាល់ ដោយចាប់ផ្តើមពីចំណុចតូចៗ ដែលយើងអាចធ្វើបាន។ ដោយរាប់ចាប់តាំងពីនៅផ្ទះរបស់យើង ហើយបន្តទៅកាន់សង្គម និងបញ្ហាធំៗនៅលើពិភពលោក។

ចំណែក លោក ដេន ណៃ បញ្ចប់ថ្នាក់បរិញ្ញាបត្រផ្នែកអក្សរសាស្រ្តអង់គ្លេសនៅសកលវិទ្យាល័យបញ្ញាសាស្រ្តកម្ពុជា ក៏បានលើកឡើងដែរថា បញ្ហាបរិស្ថាននឹងផ្ដល់ផលប៉ះពាល់ចំពោះមនុស្សគ្រប់វ័យ ប៉ុន្តែយុវជនជាមនុស្សដែលមានកម្លាំពេញលេញ ហើយជួយបណ្ដុះគំនិតស្រលាញ់បរិស្ថានដល់យុវជនដទៃៗទៀត ដូច្នេះតម្រូវឱ្យមានការចូលរក្សាទាំងអស់គ្នា ។ ចំពោះបទពិសោធន៍លោក ក្នុងការចូលរួមការពារបរិស្ថានគឺតាមរយៈកាត់បន្ថយថង់ផ្លាស្ទិក ជំនួសដោយប្រើការប្រើកន្រ្តកយួរ និងបានចូលរួមដាំដើមឈើនៅខេត្តតាកែវ ។ បានទៅអប់រំដល់កុមាតូចៗ ឱ្យចេះស្រលាញ់បរិស្ថាន និងកាត់បន្ថយការបំពុលក្នុងសង្គម។ ចូលរួមសន្សំសំចៃ ការប្រើប្រាស់ យានយន្ត ។ល។

លោក ដេន ណៃ

“ខ្ញុំយល់ថា ដើម្បីការពារបរិស្ថាន យើងទាំងគ្នាត្រូវចូលរួមចំណែក កាត់បន្ថយការបំពុល មិនត្រូវត្រូវកាប់បំផ្លាញព្រៃឈើ ហើយត្រូវដាំដើមឈើបន្ថែម “

ចំណែក លោក រ៉ាត់ ទី ជានិស្សិតបញ្ចប់ថ្នាក់បរិញ្ញាបត្រផ្នែកវេជ្ជសាស្ត្រថែទាំ នៃសាកលវិទ្យាល័យន័រតុន យល់ឃើញមិនខុសគ្នាទៅនឹងមតិយុវជនខាងលើប៉ុន្មានឡើយ ប៉ុន្តែលោកបន្ថែមថា បរិស្ថានត្រូវតែជាការគិតគូរជាជម្រើសទី១ ព្រោះបើបរិស្ថានមានបញ្ហា វាប៉ះពាល់ទៅកាន់អាយុជីវិតទាំងមូលផងដែរ។ លោកសង្កេតឃើញថា មិនថាតែនៅក្នុងពិភពលោក ឬនៅកម្ពុជានោះទេ មនុស្សមួយចំនួនខ្វល់ខ្វាយតែបញ្ហាសេដ្ឋកិច្ចប្រចាំថ្ងៃរបស់ខ្លួន ឬក៏ចាប់អារម្មណ៍ទៅនឹងសេដ្ឋកិច្ចប្រែប្រួលជាដើម។ ប៉ុន្តែបរិស្ថានក៏ជាចំណែកមួយ នៃការអភិវឌ្ឍ សេដ្ឋកិច្ច នឹងធ្វើឱ្យសេដ្ឋកិច្ចល្អប្រសើរសម្រាប់មនុស្សជាតិដែរ។

លោក រ៉ាត់ ទី

“ដើម្បីចូលរួមឱ្យបរិស្ថានប្រសើរ ខ្ញុំចាប់ផ្តើមពីសកម្មភាពក្នុងផ្ទះដោយគិតគូរអំពីរុក្ខជាតិបៃតង និងការកាត់បន្ថយការប្រើប្រាស់ផ្លាស្ទិក និងសកម្មភាពសាមញ្ញនានា “

លោកបន្ថែមថា ត្បិតបច្ចុប្បន្នមានសកម្មភាពមួយចំនួនប៉ះពាល់ដល់បរិស្ថានហាក់ខ្លាំងខ្លាដែរ ប៉ុន្តែវានៅមិនទាន់ហួសពេលនោះទេក្នុងការចាប់ផ្តើម។

យោងតាមផែនការយុទ្ធសាស្រ្តឆ្លើយតបនឹងការប្រេប្រួលអាកាសធាតុកម្ពុជា ២០១៤-២០២៣ បច្ចុប្បន្ន ការប្រែប្រួលអាកាសធាតុបានក្លាយជាហានិភ័យធ្ងន់ធ្ងរមួយ ដែលមនុស្សជាតិបាននិងកំពុងជួបប្រទះ ហើយក៏ជាប្រធានបទអាទិភាពដែលពិភពលោកកំពុងព្រួយបារម្ភនៅក្នុងសតវត្សរ៍ទី២១នេះ។ ស្របពេល ដែលភពផែនដីកំពុងឡើងកំដៅ ផលប៉ះពាល់ជាអវិជ្ជមាននៃការប្រែប្រួលអាកាសធាតុ មកលើការអភិវឌ្ឍសេដ្ឋកិច្ច សង្គម និងចីរភាពបរិស្ថាននៅទូទាំងពិភពលោក នឹងបន្តកើតមានឡើងកាន់តែញឹកញាប់និងខ្លាំងឡើងៗដែលទាមទារឱ្យយើងទាំងអស់គ្នាត្រូវបង្កើនការយកចិត្តទុកដាក់ ក្នុងការស្វែងរកដំណោះស្រាយបន្ទាន់។ តំបន់អាស៊ីអាគ្នេយ៍នឹងជួបប្រទះនូវការគំរាមកំហែងពីឥទ្ធិពលនៃការប្រែប្រួលអាកាសធាតុកាន់តែច្រើនឡើង ដែលនាំឱ្យបាត់បង់ជីវិតមនុស្ស ធ្វើឱ្យខូចខាតដល់ការអភិវឌ្ឍសេដ្ឋកិច្ច និងធនធានធម្មជាតិ ។ គេសង្កេតឃើញមាននិន្នាការគួរឱ្យព្រួយបារម្ភនៃគ្រោះទឹកជំនន់ គ្រោះរាំងស្ងួត ការជ្រាបចូលនៃទឹកប្រៃ និងធាតុអាកាស មិនប្រក្រតីកាន់តែញឹកញាប់និងធ្ងន់ធ្ងរ ជាពិសេសនៅក្នុងទសវត្សរ៍កន្លងទៅ។ ការសិក្សាស្រាវជ្រាវបានបង្ហាញថា និន្នាការនេះនឹងកាន់តែកើនឡើងថែមទៀតរហូតដល់ចុងសតវត្សរ៍នេះ។ ប្រការនេះ បានធ្វើឱ្យការប្រែប្រួល អាកាសធាតុក្លាយជាបញ្ហាចម្បងមួយ ដែលតម្រូវឱ្យមានការយកចិត្តទុកដាក់លើការរៀបចំគោលនយោបាយ ផែនការយុទ្ធសាស្ត្រ និងសកម្មភាពឆ្លើយតបនឹងការប្រែប្រួលអាកាសធាតុសមស្របនៅថ្នាក់ជាតិ ថ្នាក់ក្រោមជាតិ ថ្នាក់តំបន់ និងអន្តរជាតិ៕

Ms. Thay Thanit | កញ្ញា ថី ថានិត

ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ជំនាញវិស្វកម្មឧស្សាហកម្ម នៅវិទ្យាស្ថានពហុបច្ចេកទេសខេត្តកំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 09/10/2025

ជាឱកាសសម្រាប់សិស្សានុសិស្សដែលទើបប្រឡងបាក់ឌុបរួច ដោយវិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសផ្តល់អាហារូបករណ៍ ១០០%

ក្រសួងអប់រំ ប្រកាសជ្រើសរើសសិស្សចូលរៀនផ្នែកអប់រំបច្ចេកទេស

ព័ត៌មានអាហារូបករណ៍, ព្រឹត្តិការណ៍

• 04/07/2024

ក្រសួងអប់រំ យុវជន និងកីឡា កាលពីសប្តាហ៍កន្លងទៅនេះ ប្រកាសដល់សិស្សានុសិស្សដែលប្រឡងជាប់សញ្ញាបត្រមធ្យមសិក្សាបឋមភូមិ ឬសញ្ញាបត្រមានតម្លៃសមមូល ពីការជ្រើសរើសសិស្សឱ្យចូលរៀននៅតាម...

អាហារូបករណ៍សាច់ប្រាក់ពីកម្មវិធីអាហារូបករណ៍ធនាគារអ៊ូរីសម្រាប់និស្សិត នៃសាកលវិទ្យាល័យភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 13/06/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍ធនាគាអ៊ូរីសម្រាប់កំពុងសិក្សានៅសាកលវិទ្យាល័យភូមិន្ទភ្នំពេញ។ អាហារូបករណ៍ផ្ដល់ជូន...

អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ បច្ចេកវិទ្យាឌីជីថល ចំនួន៥០កន្លែង នៅ CADT

ព័ត៌មានអាហារូបករណ៍, ព្រឹត្តិការណ៍

• 20/02/2026

ក្រសួងប្រៃសណីយ៍និងទូរគមនាគមន៍ (ក.ប.ទ.) បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT)។

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ជំនាញវិស្វកម្មនុយក្លេអ៊ែរពីរដ្ឋាភិបាលចិន

ព័ត៌មានអាហារូបករណ៍, ព្រឹត្តិការណ៍

• 25/04/2025

កម្មវិធីអាហារូបករណ៍រដ្ឋាភិបាលចិនប្រភេទ B ឬ CSC Type B បើកជ្រើសរើស សិស្ស និស្សិតសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យវិស្វកម្ម Habin សម្រាប់ឆ្នាំសិក្សា២០២៥។ អាហារូបករណ៍ផ្តល់ជូន សិស្ស...

អាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 22/01/2026

សាកលវិទ្យាល័យ Muhammadiyah Purwokerto (UMP) ប្រកាសជ្រើសរើសនិស្សិតអន្តរជាតិឱ្យចូលរៀនក្នុងកម្មវិធីសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ សម្រាប់ឆ្នាំសិក្សា២០២៦...

វិទ្យាស្ថាន PSE ផ្តល់អាហារូបករណ៍ដល់សិស្សានុសិស្សក្រីក្រចូលរៀនថ្នាក់ជំនាញចំនួន៣៥០នាក់

ព័ត៌មានអាហារូបករណ៍, ព្រឹត្តិការណ៍

• 28/06/2024

អង្គការដើម្បីភាពញញឹម នៃកុមារ (PSE) ប្រកាសជ្រើសរើសសិស្សានុសិស្សក្រីក្រ ដើម្បីចូលរៀនថ្នាក់ត្រៀម និងថ្នាក់ជំនាញចំនួន ៣៥០នាក់ សម្រាប់ឆ្នាំសិក្សា២០២៤-២០២៥ខាងមុខ។

អាហារូបករណ៍ថ្នាក់បរិញ្ញាបត្រពីកម្មវិធី អាហារូបករណ៍ស្ថាបនា ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 10/10/2025

ឱកាសទទួលបានអាហារូបករណ៍១០០% សិក្សាថ្នាក់បរិញ្ញាបត្ររយៈពេល៤ឆ្នាំពីកម្មវិធីអាហារូបករណ៍ស្ថាបនា ឆ្នាំសិក្សា២០២៦។ អាហារូបករណ៍ផ្ដល់ជូនសម្រាប់សិស្សានុសិស្សដែលទើបបញ្ចប់ថ្នាក់មធ្យមសិក្សាទុតិយភូមិឆ្នាំ២០២៥។