គុណតម្លៃទាំង ៥ ទទួលបានពីកីឡាជួយពង្រឹងគុណភាពជីវិតយុវជន

ភ្នំពេញ – ស្របពេលកម្ពុជាកំពុងរៀបចំប្រកួតកីឡាជាតិលើកទី៣ និងត្រៀមខ្លួនសម្រាប់រៀបចំការប្រកួតស៊ីហ្គេម ២០២៣ ចំណេះដឹងពីកីឡាសំខាន់បំផុតសម្រាប់យុវជន ។ ប្រសិនបើយុវជនម្នាក់មានកីឡាមួយនៅក្នុងខ្លួន នោះរឹតកាន់តែសំខាន់ថែមទៀត ។ ដូច្នេះ ហេតុអ្វីបានជាកីឡាសំខាន់សម្រាប់យុវជន ? តើកីឡាផ្តល់អត្ថប្រយោជន៍អ្វីខ្លះ? ចម្លើយ អ្វីដែលមើលឃើញលឿនបំផុត គឺកីឡាជួយដល់សុខភាពចិត្ត សុខភាពរាងកាយ និងស្មារតីរបស់មនុស្សយ៉ាងប្រសើរ ។ ខាងក្រោមនេះ ជាគុណតម្លៃទាំង ៥ចំណុចប្រសិនបើជីវិតមានកីឡា ។

១. កីឡាជួយដល់សុខភាពរាងកាយ ៖ ការលេងកីឡាទាមទារពេលវេលា និងថាមពលច្រើន ។ ប៉ុន្តែតាមរយៈពេលវេលាបញ្ចេញថាមពលនេះ រាងកាយរបស់មនុស្សនឹងសកម្មជានិច្ច ។ ភាពស្វាហាប់ និងស្មារតីរហ័សរហួនកើតមាននៅពេលដែលមនុស្សបានហ្វឹកហាត់រាល់ថ្ងៃ ។ ចលនាដៃ ជើង និងដងខ្លួន អាចបត់បែនលឿនរហ័ស ព្រមទាំងផ្តល់តុល្យភាពលំនឹងឱ្យគ្នាបានល្អ ។ គេអាចសម្គាល់បានថា អ្នកលេងកីឡាមានសាច់ឈាមស្រស់ថ្លាជាងអ្នកគ្មានកីឡា ឬអ្នកមិនចូលចិត្តហាត់កីឡា ។

២. កីឡាជួយសុខភាពផ្លូវចិត្ត ៖ ស្ថានភាពផ្លូវចិត្តរបស់មនុស្សមានសភាពស្ងប់សុខ ឬសន្តិភាពផ្លូវចិត្តតែងកើតមានច្រើនទៅលើមនុស្សដែលមានកីឡានៅក្នុងខ្លួន ។ អ្នកហាត់កីឡា ឬអ្នកលេងកីឡារមែងមានភាពអត់ធ្មត់ច្រើន ដោយសារពួកគេបានបង្វឹកហាត់រាងកាយឱ្យទទួលរងការឈឺចាប់រួចទៅហើយ ។ ប្រសិនបើរាងកាយរងសម្ពាធ ដូចជា ដើរច្រើនខុសពីធម្មតា ឡើងភ្នំ ឬធ្វើការងារផ្សេងៗ ផ្លូវចិត្តរបស់អ្នកមានកីឡាអាចទ្រាំទ្របានគ្រប់ស្ថានភាព ។ គ្រប់ប្រភេទកីឡាទាំងអស់មានទំនាក់ទំនងយ៉ាងជិតស្និទទៅនឹងសុខភាពផ្លូវចិត្តរបស់មនុស្ស ។

៣. កីឡាជួយឱ្យមនុស្សមានស្មារតីក្រុម ៖ ឈ្នះ ឬចាញ់នៅក្នុងស្មារតីកីឡា គឺជាឃ្លាដែលគេតែងប្រើរាល់ការប្រកួតកីឡា ដើម្បីរំលឹកដល់កីឡាករគ្រប់រូបមិនត្រូវគុំគួន ឬបំពានលើគូប្រកួតដោយចេតនាណាមួយឡើយ ។ ទន្ទឹមគ្នានេះ តាមរយៈកីឡាធ្វើឱ្យមនុស្សមានស្មារតីសហការគ្នាជានិច្ច ។

ស្មារតីក្រុមល្អជួយឱ្យក្រុមសម្រេចគោលដៅរួម ប៉ុន្តែប្រសិនបើក្នុងក្រុមគ្មានស្មារតីសហការ នោះលទ្ធផលក៏មិនអាចសម្រេចដូចការរំពឹងទុកដែរ ។ ជាក់ស្តែង ដើម្បីឱ្យមនុស្សយល់ចិត្តគ្នាទៅវិញទៅមក រូបភាពបបួលគ្នាលេងកីឡាជាជម្រើសល្អបំផុតទាំងនៅក្នុងទិដ្ឋភាពទំនាក់ទំនងការងារ និងការសិក្សាជាដើម ។ លើសពីនេះ កីឡាបង្រៀនឱ្យក្មេងជំទង់ក្លាយជាមនុស្សមានទំនួលខុសត្រូវ ចេះលះបង់ដើម្បីប្រយោជន៍រួម បង្កើតភាពជាអ្នកដឹកនាំ និងជំនាញផ្សេងៗទៀត ។

៤. កីឡាជួយជីវភាព ៖ កីឡាមិនមែនប្រកួតគ្រាន់តែកម្សាន្តសប្បាយមួយមុខនោះទេ តែផ្ទុយទៅវិញកីឡាអាចឱ្យមនុស្សទទួលបានចំណូលជាក់លាក់ ប្រសិនបើបុគ្គលបានកំណត់គោលដៅនិងដាក់ចិត្តដាក់កាយជាអ្នកកីឡាអាជីព ។ បច្ចុប្បន្នមានមនុស្សជាច្រើនបានជ្រើសរើសកីឡាជាមុខរបរផ្ទាល់ខ្លួន ។ កីឡាករអាជីពសម្រាប់ក្របខ័ណ្ឌជាតិ និងស្តង់អន្តរជាតិមានជីវភាពល្អប្រសើរ ។ យ៉ាងណាក៏ដោយអាជីពជាកីឡាពឹងលើមហាជនគាំទ្រ ប៉ុន្តែមុននឹងឈានដល់មហាជនទទួលស្គាល់ គឺទាមទារឱ្យយុវជនទទួលស្គាល់សមត្ថភាពខ្លួនជាមុនសិន មុននឹងចាប់អាជីពជាអ្នកជំនាញកីឡាអ្វីមួយ ។

៥. កីឡាបង្ហាញពីកត្តិនាមជាតិលើឆាកអន្តរជាតិ ៖ តាមរយៈជ័យជម្នះពីការប្រកួតលើវេទិកាកីឡាជាតិក្តី ឬអន្តរជាតិក្តី កេរ្តិ៍ឈ្មោះកីឡាករ គឺជាមោទនភាពសម្រាប់ជាតិ ។ មេដាយមាស មេដាយប្រាក់ ឬពានរង្វាន់ផ្សេងៗដែលកីឡាករទទួលបានពីការប្រកួត គឺបានបង្ហាញពីស្មារតីតស៊ូក្នុងជីវិតដើម្បីបុព្វហេតុជាតិសាសន៍របស់ខ្លួន ។ ទន្ទឹមគ្នានេះ ការហ្វឹកហាត់សមត្ថភាពរបស់កីឡាករឱ្យដល់កម្រិតស្តង់ដារ ជាចំណុចគន្លឹះឆ្ពោះទៅរកភាពជោគជ័យរបស់អ្នកកីឡា ហើយស្មារតីកីឡាត្រូវប្រកាន់ខ្ជាប់ជានិច្ចទោះបីឈ្នះ ឬចាញ់ ៕

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ក្រសួងអប់រំជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ ទៅសិក្សានៅប្រទេសចិនចំនួន ៦៥នាក់

ព័ត៌មានអាហារូបករណ៍, ព្រឹត្តិការណ៍

• 27/11/2024

ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាសជ្រើសរើសនិស្សិតចំនួន ៦៥នាក់ ដើម្បីទទួលអាហារូបករណ៍របស់រដ្ឋាភិបាល នៃសាធារណរដ្ឋប្រជាមានិតចិន (CSC) សិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ សម្រាប់ឆ្នាំសិក្សា២០២៥-២០២៦។

ឱកាសចូលរួមវគ្គសិក្សាជាស៊េរី “មេរៀនអតីតកាល មាគ៌ាឆ្ពោះទៅអនាគត” ពី អ.វ.ត.ក.

ព័ត៌មានអាហារូបករណ៍, ព្រឹត្តិការណ៍

• 08/12/2025

ជាឱកាសសម្រាប់គ្រូបង្រៀន សាស្រ្តាចារ្យបង្រៀនលើមុខវិជ្ជាមនុស្សសាស្រ្ត ព្រមទាំងអ្នកដឹកនាំជំនាន់ក្រោយទាំងអស់! ពេលនេះ អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក.) ប្រកាសបើកដាក់ពាក្យ សម្រាប់ការចូលរួមវគ្គសិក្សា...

អាហារូបករណ៍ចូលសិក្សាវគ្គបណ្តុះបណ្តាលជំនាញអប់រំភាសាកូរ៉េ នៅសាកលវិទ្យាល័យភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 24/07/2025

សាកលវិទ្យាល័យភូមិន្ទភ្នំពេញ បានប្រកាសដល់និស្សិតដែលកំពុងសិក្សាថ្នាក់បរិញ្ញាបត្រ ឬបញ្ចប់ការសិក្សាថ្នាក់បរិញ្ញាបត្រភាសាកូរ៉េ នៅសាកលវិទ្យាល័យភូមិន្ទភ្នំពេញ និងគ្រប់ស្ថាប័នទាំងអស់ថា សាកលវិទ្យាល័យនឹងផ្តល់អាហារូបករណ៍ចំនួន១៥កន្លែង...

ឱកាសសិក្សាអាហារូបករណ៍ជំនាញវិជ្ជាជីវៈនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី

ព័ត៌មានអាហារូបករណ៍, ព្រឹត្តិការណ៍

• 19/11/2024

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសផ្ដល់អាហារូបករណ៍សិក្សាជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន២៤០កន្លែង។

រៀនជំនាញសេវាកម្មម្ហូបអាហារ និងភេសជ្ជៈ ឥតគិតថ្លៃ សម្រាប់អ្នកសេដ្ឋកិច្ចក្រៅប្រព័ន្ធ

ព័ត៌មានអាហារូបករណ៍, ព្រឹត្តិការណ៍

• 09/02/2026

ដើម្បីពង្រឹងសមត្ថភាព និងបង្កើនឱកាសក្នុងអាជីពផ្នែកបដិសណ្ឋារកិច្ច សមាគមមិត្តយើង (MYA) សហការជាមួយ វិទ្យាស្ថានបច្ចេកវិទ្យា និងកសិកម្មកម្ពុជា (CITA) ក្រុមហ៊ុន ខូហ្វី (KOFI Co., Ltd) និង សមាគមភោជនីយដ្ឋានកម្ពុជា (CRA)

វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន៦៥៥នាក់

ព័ត៌មានអាហារូបករណ៍, ព្រឹត្តិការណ៍

• 24/01/2025

ឱកាសសិក្សាជំនាញបច្ចេកទេស និងវិជ្ជាជីវៈចំនួន៦៥៥កន្លែង នៅវិទ្យាស្ថានពហុបច្ចេកទេសកំពង់ឆ្នាំង សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាជំនាញថ្នាក់សញ្ញាបត្រជាន់ខ្ពស់បច្ចេកទស (បរិញ្ញាបត្ររង)...

អាហារូបករណ៍ថ្នាក់បរិញ្ញាបត្រចក្ខុគិលានុបដ្ឋាក នៅសាកលវិទ្យាល័យវិទ្យាសាស្ត្រសុខាភិបាល ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 19/02/2025

សាកលលវិទ្យាល័យវិទ្យាសាស្ត្រសុខាភិបាល នឹងធ្វើការជ្រើសរើសនិស្សិតចូលសិក្សាថ្នាក់បរិញ្ញាបត្រចក្ខុគិលានុបដ្ឋាក ជំនាន់ទី៩ ចំនួន៥០នាក់ ដោយក្នុងនោះនឹងផ្ដល់អាហារូបករណ៍ចំនួន៥កន្លែងពីកម្មវិធីអាហារូបករណ៍ The Fred Hollows Foundation...

ឱកាសអាហារូបករណ៍សម្រាប់និស្សិតកំពុងសិក្សាឆ្នាំទី១ ឬឆ្នាំទី២ នៅសាកលវិទ្យាល័យចំនួន៩របស់កម្ពុជា

ព័ត៌មានអាហារូបករណ៍, ព្រឹត្តិការណ៍

• 03/04/2026

ឱកាសសម្រាប់និស្សិតដែលកំពុងសិក្សាឆ្នាំទី១ ឬឆ្នាំទី២ ថ្នាក់បរិញ្ញាបត្រ ក្នុងការទទួលបានអាហារូបករណ៍ពេញលេញក្នុងការសិក្សា ពីកម្មវិធីអាហារូបករណ៍ Maybank។

វិទ្យាស្ថានជាតិពហុបច្ចេកទេសអង្គរ ជ្រើសរើសសិស្សចូលរៀនជំនាញបច្ចេកទេសចំនួន៦០០នាក់

ព័ត៌មានអាហារូបករណ៍, ព្រឹត្តិការណ៍

• 30/10/2023

សម្រាប់សិស្សនិស្សិតនៅខេត្តសៀមរាប ពេលនេះ វិទ្យាស្ថានជាតិពហុបច្ចេកទេសអង្គរ (NPIA) ប្រកាសទទួលពាក្យសម្រាប់ការសិក្សាជំនាញបច្ចេកទេស និងវិជ្ជាជីវៈ ដោយទទួលបានអាហារូបករណ៍១០០ភាគរយ ចំនួន ៦០០នាក់...