ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា ប្រកាសជ្រើសរើសសាធារណជនប្រឡងប្រជែងយកអាហារូបករណ៍ ទៅសិក្សាថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគុយបា សម្រាប់ឆ្នាំសិក្សា២០២៥-២០២៦។ ការប្រឡងជ្រើសរើសបេក្ខជនចំនួន ១នាក់ សម្រាប់ការទៅសិក្សាក្នុងថ្នាក់នេះ។
លក្ខខណ្ឌនៃការជ្រើសរើស សាធារណជនមានសញ្ជាតិខ្មែរ មានអាយុក្រោម២៥ឆ្នាំ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ និងជាបេក្ខជនដែលមានសុខភាពល្អ ទាំងកាយសម្បទា និងសតិបញ្ញា។
សំណុំឯកសារដែលបេក្ខជនត្រូវបំពេញរួមមាន ៖ បង្កាន់ដៃទទួលពាក្យប្រឡង១ច្បាប់ ពាក្យសុំអាហារូបករណ៍១ច្បាប់ ជីវប្រវត្តិសង្ខេប១ច្បាប់ រូបថត៤x៦ ចំនួន៤សន្លឹក (ផ្ទៃខាងក្រោយពណ៌ស ថតថ្មី) សញ្ញាបត្រមធ្យមសិក្សាទុតិយភូមិ (ច្បាប់ចម្លង) ១ច្បាប់ដោយភ្ជាប់ជាមួយច្បាប់ដើមដើម្បីពិនិត្យផ្ទៀងផ្ទាត់។ ជាមួយគ្នានេះ ត្រូវភ្ជាប់លិខិតបញ្ជាក់ពីគ្រឹះស្ថានសិក្សា ប័ណ្ណសម្គាល់ខ្លួននិស្សិត (ថតចម្លង១ច្បាប់) ចំពោះបេក្ខជនជានិស្សិត និងលិខិតបញ្ជាក់ពីអង្គភាពចំពោះបេក្ខជនជាមន្ត្រីរាជការ វិញ្ញាបនបត្រពិនិត្យរាងកាយសម្បទា និងជំងឺអេដស៍ និងលិខិតថ្កោលទោស (បំពេញក្រោយពេលប្រឡងជាប់)។
ការប្រឡងជ្រើសរើស នឹងប្រឡងលើវិញ្ញាសាចំនួនពីរ គឺ គណិតវិទ្យា រយៈពេល៩០នាទី និងភាសាអង់គ្លេសរយៈពេល៩០នាទី ដោយការប្រឡងនៅថ្ងៃទី២០ ខែមេសា ឆ្នាំ២០២៥។
បេក្ខជនដែលមានចំណាប់អារម្មណ៍លើការដាក់ពាក្យប្រឡងអាហារូបករណ៍ នឹងទទួលពាក្យចាប់ពីថ្ងៃផ្សាយដំណឹងរហូតដល់ថ្ងៃទី១ ខែមេសា ឆ្នាំ២០២៥ នៅនាយកដ្ឋានសហប្រតិបត្តិការអន្តរជាតិ និងកិច្ចអាស៊ាន ដែលមានអាស័យដ្ឋាន អគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាធានីភ្នំពេញ៕
