ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កង្វះជាតិដែកនៅតែជាបញ្ហាមួយសម្រាប់កុមារមួយចំនួន ជាពិសេសកុមារ ទើបតែចេះដើរ ហើយមានទម្លាប់រើសអាហារ ផឹកទឹកដោះគោច្រើនលើសលប់ ហើយញ៉ាំអាហារសម្បូរជាតិដែកមិនគ្រប់គ្រាន់។ ជាទូទៅ កូនរបស់អ្នកគួរញ៉ាំអាហារសម្បូរជាតិដែក យ៉ាងហោចណាស់ពីរដងក្នុងមួយថ្ងៃ ហើយការស្វែងយល់ និងដឹងថា អាហារណាដែលសម្បូរជាតិដែក ពិតជាមានសារៈសំខាន់ណាស់សម្រាប់ម្ដាយឪពុក។ ជាពិសេស គឺឪពុកម្ដាយ ដែលមានទារកកើតមិនគ្រប់ខែ ព្រោះពួកគេអាចត្រូវការបន្ថែមជាតិដែក ដោយហេតុថាទទួលបានជីវជាតិដែករបស់គេ អំឡុងពេលនៅក្នុងផ្ទៃអាចមានកម្រិតទាប។
អាហារសម្បូរជាតិដែក ដែលម្ដាយអាចបរិភោគ
យោងតាម verywell family អាហារដែលសម្បូរទៅដោយជាតិដែក មានច្រើនខ្លាំងណាស់ រួមមាន ៖ សណ្ដែកសៀង, ស្កររងូ (Blackstrap molasses), សាច់មាន់, ពពួកផ្លែឈើស្ងួត ដូចជា ទំពាំងបាយជូរក្រៀម ផ្លែព្រូនហាល (Prunes) និងផ្លែល្មើ, បន្លែ និងបន្លែបៃតង, ស៊ុតក្រហម (egg yolks), គ្រាប់ធញ្ញជាតិ, សាច់គោក្រហមគ្មានខ្លាញ់ សាច់ជ្រូក និងសាច់ចៀម, ថ្លើម, គ្រាប់ផ្លៃឈើ, អាហារសមុទ្រ ដូចជា អយស្ទ័រ ក្តាម ត្រីធូណា ត្រីសាម៉ុង និងបង្កាជាដើម។
អាហារដែលសម្បូរជាតិដែកសម្រាប់ទារក
ជាធម្មតា កូនរបស់អ្នកនឹងទទួលបានជាតិដែកគ្រប់គ្រាន់ ពីការបៅទឹកដោះម្ដាយ ឬទឹកដោះគោសម្រាប់ទារក ដែលសម្បូរជាតិដែក លុះត្រាតែពួកគេកើតមិនគ្រប់ខែ ឬមានសភាពស្លេកស្លាំង ទើបត្រូវការជាតិដែកបន្ថែម។ នៅពេលដែលពួកគេមានអាយុចាប់ពី ៤ ទៅ ៦ខែ ពួកគេទំនងជាចាប់ផ្ដើមត្រូវការជាតិដែកបន្ថែម ដែលជាតិដែកនោះ មានទម្រង់ជាគ្រប់ធញ្ញជាតិសម្រាប់ទារក។
រឿងមួយចំនួន ដែលអ្នកត្រូវដឹងអំពីអាហារសម្បូរជាតិដែក
- រាងកាយរបស់យើង គឺពិបាកស្រូបយកជាតិដែក ដែលមាននៅក្នុងបន្លែ ផ្លែឈើ និងគ្រាប់ធញ្ញជាតិ ជាងជាតិដែក ដែលមាននៅក្នុងសាច់ ដូចជា សាច់ក្រហម សាច់បក្សី និងត្រីជាដើម។ ប៉ុន្តែនៅពេលដែលយើងទទួលទាន បន្លែ និងសាច់ លាយបញ្ចូលគ្នាក្នុងពេលតែមួយ អាចជំរុញឱ្យរាងកាយរបស់យើងអាចស្រូបយកជាតិដែកពីបន្លែបានច្រើនជាងមុន។
- ត្រូវការជាតិដែកសម្រាប់មនុស្សពេញវ័យក្នុងមួយថ្ងៃគឺ ១៨ mg, ខណៈក្មេងដែលទើបតែចេះដើរ ត្រូវការជាតិដែកប្រហែល ៧ ទៅ ១០ mg ក្នុងមួយថ្ងៃ។ ដូច្នេះ ខណៈពេលដែលស៊ុតមួយគ្រាប់អាចផ្តល់ជាតិដែក ៤ mg ដល់មនុស្សពេញវ័យ មានន័យថា ស៊ុតមួយគ្រាប់ដូចគ្នា អាចផ្ដល់ជាតិដែកប្រហែល ៧ ទៅ ១០ mg សម្រាប់ទារក ដែលទើបតែចេះដើរ។
- គ្រាប់ផ្លែឈើអាចបង្ករគ្រោះថ្នាក់ដល់កុមារតូចៗ ហើយការញ៉ាំអាហារសមុទ្រច្រើនពេក អាចធ្វើឱ្យក្មេងតូចៗមានជាតិបារ៉តក្នុងខ្លួន។ ដូច្នេះ អ្នកត្រូវប្រុងប្រយ័ត្នចំពោះករណីនេះ។
- ហានិភ័យនៃកុមារ ដែលមានបញ្ហាកង្វះជាតិដែករួមមាន កុមារដែលធំឡើង ជាមួយនឹងការផឹកទឹកដោះគោច្រើនពេក កុមារដែលទើបតែចេះដើរ និងកុមារដែលទទួលបានរបបអាហារ មានជាតិដែក និងវីតាមីន C ទាប។
- វីតាមីន C អាចជួយឱ្យរាងកាយរបស់អ្នកស្រូបយកជាតិដែកបានល្អ។ ដូច្នេះ ជាការល្អ ប្រសិនបើអ្នកញ៉ាំអាហារសម្បូរជាតិដែក ជាមួយនឹង វីតាមីន C ដូចជា ផ្លែក្រូច ឬទឹកក្រូចជាដើម៕
