ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កំហឹងជាធម្មជាតិ នៃអារម្មណ៍កើតឡើងដោយសាររូបភាព ឬសកម្មភាពអ្វីមួយជះលើការគិតរបស់មនុស្សម្នាក់ៗ ហើយមនុស្សគ្រប់គ្នាអាចមានកំហឹងតិច ឬច្រើនទៅលើនរណាម្នាក់ ឬទៅលើអ្វីមួយ អាស្រ័យដោយការគិត និងការវាយតម្លៃរបស់ខ្លួនទៅលើហេតុការណ៍ទាំងនោះ។ កំហឹងជាអាការៈអាចរំសាយបានប្រសិនបើបុគ្គលមានវិធីសាស្ត្រទប់កំហឹង និងអាចយកឈ្នះលើកំហឹង ប៉ុន្តែវាក៏អាចបង្កជាបញ្ហាបានដែរនៅពេលដែលមនុស្សគ្រប់គ្រងកំហឹងផ្ទាល់ខ្លួនមិនបាន។ ខាងក្រោមនេះ ជាវិធីសាស្ត្រ ៤ចំណុចដើម្បីរំសាយកំហឹងកុំឱ្យរីកដាលធ្ងន់ធ្ងរ ព្រមទាំងឈានទៅបំបាត់កំហឹងផ្ទាល់ខ្លួនដោយទន់ភ្លន់បំផុត។
១. ពាក្យពេចន៍សន្ទនាទន់ភ្លន់ ៖ កិច្ចសន្ទនាប្រកបដោយភាពទន់ភ្លន់កម្រធ្វើឱ្យមនុស្សកើតមានកំហឹងណាស់ បើទោះបីស្ថានការណ៍ ឬហេតុការណ៍នោះធ្ងន់ធ្ងរយ៉ាងណាក៏ដោយ។ ពាក្យពេចន៍សន្ទនាទន់ភ្លន់អមដោយស្នាមញញឹមជាវិធីសាស្ត្រដែលជួយធ្វើឱ្យដៃគូរម្ខាងទៀតយល់ពីចេតនារបស់អ្នក និងមិនវាយតម្លៃអ្នកនៅក្នុងស្ថានភាពអាក្រក់ណាមួយ។ ទន្ទឹមគ្នានេះ បញ្ចៀសកំហឹងដោយគិតឱ្យបានច្បាស់លាស់មុននឹងនិយាយចេញមក ដោយសារពាក្យពេចន៍សន្ទនានីមួយៗជាចំណុចចាប់អារម្មណ៍ខ្លាំងបំផុតរបស់ដៃគូរសន្ទនា។
២. បញ្ចេញអារម្មណ៍ស្របតាមស្ថានភាព ៖ នៅពេលជួបបញ្ហាអ្វីមួយ ឬទទួលរឿងពុំគាប់ចិត្តណាមួយ អារម្មណ៍របស់មនុស្សអាចប្រែប្រួលបានមួយរំពេច។ ការប្រែប្រួលអារម្មណ៍អាចឱ្យមនុស្សមានកំហឹងកើតឡើងភ្លាមៗ ប៉ុន្តែកំហឹងអាចតិច ឬច្រើនទៅតាមស្ថានការណ៍ដែលបានជួប។ រៀនបញ្ចេញអារម្មណ៍ផ្ទាល់ខ្លួនឱ្យស្របនឹងស្ថានភាពផ្លូវចិត្ត ឬអារម្មណ៍របស់អ្នកដទៃ នោះនឹងអាចរំលាយកំហឹងបានទាំងសងខាង។ ផ្ទុយទៅវិញ ប្រសិនបើនិយាយទាំងកំហឹងកើតឡើង នោះនឹងអាចធ្វើឱ្យភាគីម្ខាងទៀតកាន់តែយល់ថា កិច្ចសន្ទនារវាងគ្នានិងគ្នាកាន់តែលែងត្រូវប្រធានបទ ឬត្រូវបញ្ចប់ដោយគ្មានលទ្ធផល។
៣. ដកឃ្លាសន្ទនាបន្តិច ជៀសវាងធ្វើទាំងកំហឹង ៖ ដកឃ្លាពីកិច្ចសន្ទនាបន្តិចនៅពេលស្ថានការណ៍កាន់តែធ្ងន់ទៅៗ ឬប្រធានបទនៃកិច្ចសន្ទនាពុំស៊ីចង្វាក់គ្នា។ គំនិតច្នៃប្រតិដ្ឋអាចកើតមាននៅពេលដែលមនុស្សបោះបង់ភាពតានតឹងនៅក្នុងគំនិតផ្ទាល់ខ្លួនចេញ។ ដំណាក់កាលនេះ អាចបង្វែរកិច្ចសន្ទនា ទៅជាពេលវេលាសម្រាកបន្តិច នាំជជែកលេងពីរឿងផ្សេង ផឹកទឹក ឬកាហ្វេសិន ឬអាចដើរចេញទៅបរិយាកាសខាងក្រៅបន្ទប់សិនប្រជុំមួយភ្លែតសិនក៏បាន។ រំលឹកខ្លួនឯងឱ្យដកឃ្លាសន្ទនាមិនមែនមានន័យថា បដិសេដគំនិតអ្នកដទៃ ឬស្អប់អ្នកដទៃទេ តែជាវិធីមួយជួយបន្ធូរបរិយាកាសតានតឹង រួចចាំផ្តើមសន្ទនាសាជាថ្មីម្តងទៀត។
៤. ស្វែងរកជំនួយ ៖ ក្លាហានរកជំនួយនៅពេលដែលមានតម្រូវការ។ ប្រសិនបើអារម្មណ៍តានតឹងកើតឡើង គួររកនរណាម្នាក់ជួយប្រឹក្សាយោបល់ ឬសន្ទនាគ្នារកគំនិតថ្មីៗ ហេតុផល និងដំណោះស្រាយសមស្រប មុននឹងទៅនិយាយជាមួយដៃគូរសន្ទនា។ ជំនួយមតិយោបល់តាមរយៈការពិភាក្សាជាមួយនរណាម្នាក់អាចជាមូលដ្ឋានទប់កំហឹង ឬរំសាយកំហឹងបានមួយកម្រិត។ ស្របគ្នានេះ រៀនពីសិល្បៈគ្រប់គ្រងអារម្មណ៍ និងរៀនបន្ធូរអារម្មណ៍ក៏ជាវិធីមួយជួយរំសាយកំហឹងបានមួយផ្នែកផងដែរ។ អានសៀវភៅ ស្តាប់តន្ត្រី លេងកីឡា ដើរលម្ហែ ឬធ្វើកិច្ចការអ្វីមួយដែលខ្លួនពេញចិត្ត ក៏ជាវិធីសាស្ត្រសាងទំនុកចិត្តរំសាយកំហឹងដ៏មានប្រសិទ្ធភាព៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាជំនាញបច្ចេកទេសនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃចំនួន ៦៦០កន្លែង
ព័ត៌មានអាហារូបករណ៍, ព្រឹត្តិការណ៍
• 18/03/2024
ឱកាសសិក្សាជំនាញវិជ្ជាជីវៈនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃចំនួន៦៦០កន្លែងសម្រាប់ឆ្នាំសិក្សា២០២៣-២០២៤ ជំហានទី២។ អា...
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់មុនបណ្ឌិតនៅប្រទេសសឹង្ហបុរីឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 06/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យល្បីៗនៅប្រទេសសឹង្ហបុរីរយៈពេល៤ឆ្នាំ សម្រាប់ឆ្នាំសិក្សា២០២៤។...
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
អាហារូបករណ៍ ១០០% ចំនួន ១៥កន្លែង លើជំនាញអប់រំកុមារតូច នៅសាកលវិទ្យាល័យសិល្បៈភ្នំពេញ
ព័ត៌មានអាហារូបករណ៍, ព្រឹត្តិការណ៍
• 15/09/2026
សាកលវិទ្យាល័យសិល្បៈភ្នំពេញ បានប្រកាសផ្ដល់អាហារូបករណ៍ពេញលេញ (១០០%) ក្រោមការឧបត្ថម្ភដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន
អាហារូបករណ៍ KOICA’s 2026 សម្រាប់មន្រ្តីរាជការកម្ពុជា សិក្សាថ្នាក់បរិញ្ញាបត្រជាន់ខ្ពស់ នៅប្រទេសកូរ៉េ
ព័ត៌មានអាហារូបករណ៍, ព្រឹត្តិការណ៍
• 07/11/2025
កម្មវិធីអាហារូបករណ៍ KOICA (SP) ដែលត្រូវបានបង្កើតឡើងដើម្បីបណ្ដុះបណ្ដាលភាពជាអ្នកដឹកនាំដល់នៅក្នុងប្រទេសដៃគូ ដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម នៃប្រទេសកំណើតរបស់ខ្លួន...
អាហារូបករណ៍សម្រាប់ជំនាញសិល្បៈ និងតន្រ្តី នៅសាកលវិទ្យាល័យ Edith Cowan ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 30/07/2024
កម្មវិធីអាហារូបករណ៍ Greg Benjamin WAAPA Music Entrance បានប្រកាសផ្តល់អាហារូបករណ៍ដែលមានតម្លៃរហូតដល់ ១ម៉ឺនដុល្លារ សម្រាប់និស្សិតភ្លេងព្យាណូ ...
កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry
ព័ត៌មានអាហារូបករណ៍, ព្រឹត្តិការណ៍
• 20/05/2026
សាធារណរដ្ឋកូរ៉េ កំពុងប្រកាសជ្រើសរើសបេក្ខភាពចំនួន ២០ រូប ពីតំបន់ និងស្ថាប័នខុសៗគ្នា ដើម្បីឱ្យទៅចូលរួមកម្មវិធីK-POP as Global Cultural Industry របស់ Korea Development Institute (KDI) សម្រាប់ឆ្នាំ២០២៦ នេះ។
ឱកាសសិក្សាជំនាញបច្ចេកទេសវិជ្ជាជីវៈចំនួន២១០០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 23/11/2023
វិទ្យាស្ថានពហុបច្ចេកទេសខេត្តបន្ទាយមានជ័យប្រកាសជ្រើសរើសយុវជន យុវនារី និងសាធារណជនសិក្សាវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០...
សាកលវិទ្យាល័យភូមិន្ទវិចិត្រសិល្បៈ ផ្តល់អាហារូបករណ៍ ១០០% ជូនដល់កូនៗរបស់វីរយុទ្ធជនដែលបានពលីជីវិត ដើម្បីបុព្វហេតុការពារបូរណភាពទឹកដី
ព័ត៌មានអាហារូបករណ៍, ព្រឹត្តិការណ៍
• 04/08/2025
សាកលវិទ្យាល័យភូមិន្ទវិចិត្រសិល្បៈ សម្រេចផ្តល់ជូនអាហារូបករណ៍សិក្សាឥតបង់ថ្លៃ ១០០% រយៈពេល៤ និង៥ឆ្នាំ ក្នុងកម្រិតសិក្សាថ្នាក់បរិញ្ញាបត្រ គ្រប់ជំនាញសិក្សាទាំង៥មហាវិទ្យាល័យ ជូនដល់កូនៗរបស់វីរៈយុទ្ធជន
កម្មវិធីពិសេសរបស់ AMS EDUCATION
ព័ត៌មានសង្ខេប
