ជំនាញ​នវានុវត្តន៍​ឌីជីថល និង​សហគ្រិនភាព ជំរុញ​ការ​វិនិយោគ និង​ការ​បង្កើត​ថ្មី

ក្នុង​ទិដ្ឋភាព​សង្គម​ឌីជីថល ដែល​បរិបទ​នៃ​ការ​រស់នៅ និង​ធ្វើ​អាជីវកម្ម​ប្រែប្រួល​យ៉ាង​ឆាប់រហ័ស ជំនាញ​នវានុវត្តន៍​ឌីជីថល និង​សហគ្រិនភាព ត្រូវ​គេ​មើល​ឃើញ​ថា គឺ​ជា​ជំនាញ​ដែល​នឹង​មាន​កំណើន​តម្រូវ​ការ​ជា​លំដាប់ ព្រោះ​ជា​ជំនាញ​ជំរុញ​ក្នុង​ការ​បង្កើតថ្មី និង​ដោះស្រាយ​បញ្ហា​ស្មុគស្មាញ​ក្នុង​បរិបទ​សេដ្ឋកិច្ច​ឌីជីថល។

លោក អិន បញ្ញាប្ញទ្ធិ អ្នក​សម្របសម្រួល​អភិវឌ្ឍ​អាជីវកម្ម នៃ​បណ្ឌិត្យ​សភា​បច្ចេកវិទ្យា​ឌីជីថល​កម្ពុជា (CADT) បាន​ឱ្យ​ដឹង​ថា ការ​សិក្សា​ជំនាញ​នវានុវត្តន៍​ឌីជីថល និង​សហគ្រិនភាព គឺ​ជា​ការ​សិក្សា​ដែល​ផ្ដោត​លើ​ការអភិវឌ្ឍន៍​ចំណេះដឹង និង​ផ្នត់គំនិត​ទាក់ទង​នឹង​ជំនាញ​ផ្សេងៗ ដើម្បី​ជំរុញ​ការ​បង្កើតថ្មី បង្កើន​ការ​វិនិយោគ ការ​បណ្ដាក់​ទុនថ្មីៗ និង​ជំរុញ​ភាព​ជោគជ័យ​របស់​សហគ្រិន។

លោក អិន បញ្ញាប្ញទ្ធិ ជាអ្នកសម្របសម្រួលអភិវឌ្ឍអាជីវកម្ម នៃបណ្ឌិត្យសភាបច្ចេកវិទ្យាឌីជីថលកម្ពុជា (CADT) ។

លោក​បន្ត​ថា សម្រាប់​ទីផ្សារ​ការងារ​អ្នក​ដែល​ចេះ​ជំនាញ​នេះ​នៅ​ប្រទេស​កម្ពុជា និស្សិត​ដែល​បញ្ចប់​ការ​សិក្សា​ភ្លាម ពួក​គេ​អាច​ធ្វើ​ការងារ និង​ប្រកប​មុខរបរ​បាន​ច្រើន​ផ្នែក ដោយ​អ្នកខ្លះ អាច​ក្លាយ​ជា​សហគ្រិន​បច្ចេកវិទ្យា អ្នក​អភិវឌ្ឍ​ផលិតផល​បច្ចេកវិទ្យា អ្នក​គ្រប់គ្រង​បច្ចេកវិទ្យា​ក្នុង​ក្រុមហ៊ុន និង​ជា​អ្នក​គ្រប់គ្រង​នវានុវត្តន៍ ដែល​មាន​ន័យ​ថា គាត់​អាច​ជា​អ្នក​គិតគូរ​ថា ក្រុមហ៊ុន គួរ​មាន​ផែន​ការ​ការងារ​បែប​ណា​ទាក់ទង​នឹង​បច្ចេកវិទ្យា​ឌីជីថល ដើម្បី​ដោះស្រាយ​បញ្ហា​ក្នុង​ក្រុមហ៊ុន។ លើស​ពីនេះ និស្សិត​ដែល​បញ្ចប់​ការសិក្សា​លើ​ជំនាញ នវានុវត្តន៍​ឌីជីថល និង​សហគ្រិនភាព ក៏​អាច​ក្លាយ​ជា​មន្ត្រី​ផ្នែក​អភិវឌ្ឍ និង​ធ្វើ​បរិវត្ត​កម្ម​ឌីជីថល​ក្នុង​ក្រុមហ៊ុន ដែល​គាត់​ជា​អ្នកដឹកនាំ​ផ្នែក​បរិវត្ត​កម្ម​ឌីជីថល។

បើ​តាម​លោក បញ្ញារិទ្ធ និស្សិត​ដែល​បាន​បញ្ចប់​ការ​សិក្សា​ជំនាញ​នេះ អាច​ទទួល​បាន​បៀវត្សរ៍​ប្រចាំ​ខែ​យ៉ាងតិច​៤៥០​ដុល្លារ ខណៈ​និស្សិត​ដែល​បាន​បញ្ចប់​ការ​សិក្សា​លើ​ជំនាញ​នេះ ទទួល​បាន​ឱកាស​ការងារ​ទាំង​អស់។

សម្រាប់​អ្នក​ដែល​ចង់​រៀន​ជំនាញ​នវានុវត្តន៍​ឌីជីថល និង​សហគ្រិនភាព​ តើ​ត្រូវ​មាន​លក្ខណៈ​សម្បត្តិ​អ្វីខ្លះ?

បើ​តាម​លោក អិន បញ្ញាប្ញទ្ធិ យុវជន​ដែល​ទើប​តែ​បញ្ចប់​ការ​សិក្សា​កម្រិត​បាក់ឌុប និង​អ្នក​ដែល​ចង់​បន្ត​ការ​សិក្សា​លើ​ជំនាញ​នវានុវត្តន៍​ឌីជីថល និង​សហគ្រិនភាព គួរ​មាន​លក្ខណៈសម្បត្តិ​មួយ​ចំនួន ដូច​ជា ទី១ ជា​អ្នក​ចូលចិត្ត​ជំនាញ STEM មានន័យថា គាត់​ជា​មនុស្ស​ដែល​ចូលចិត្ត​រៀនសូត្រអ្វី ដែល​ថ្មី ទាក់ទង​នឹង​វិទ្យសាស្ត្រ បច្ចេកវិទ្យា វិស្វកម្ម និង​គណិតវិទ្យា និងទី២ ជា​បុគ្គល ដែល​ចូលចិត្ត​ដោះស្រាយ​បញ្ហា ព្រោះ​នៅ​ពេល​រក​ឃើញ​សមិទ្ធផល​នៃ​ការ​បង្កើតថ្មី​មួយ គឺ នវានុវត្តន៍​ដែល​គាត់​បាន​រក​ឃើញ​នោះ បង្កើត​ឡើង​សម្រាប់​ដោះស្រាយ​បញ្ហា​ក្នុង​ស្ថាប័ន និង​សង្គម។

ជាមួយ​គ្នានេះ ដើម្បី​ចូលរៀន​ជំនាញ​នវានុវត្តន៍​ឌីជីថល និង​សហគ្រិនភាព សិស្ស​និស្សិត​ត្រូវ​ឆ្លងកាត់​ការ​ប្រឡង​ធ្វើ​តេស្ត​ជា​មុន​សិន ដោយ​វិញ្ញាសា​មាន​ដូចជា​មុខវិជ្ជា​គណិតវិទ្យា តក្កវិទ្យា និង​ភាសា​អង់គ្លេស។ ខណៈ​ការ​សិក្សា​ជំនាញ​នេះ និស្សិត​ត្រូវ​ប្រើពេល ៣ឆ្នាំ​កន្លះ នៅ CADT, នេះ​បើ​តាម​ការ​បញ្ជាក់​របស់​លោក អិន បញ្ញាប្ញទ្ធិ។

គួរ​ជម្រាប​ជូន​ដែរ​ថា ជំនាញ​នវានុវត្តន៍ឌីជីថល និង​សហគ្រិនភាព ជា​ជំនាញ​ឌីជីថលមួយ ដែល​ក្រសួង​ប្រៃសណីយ៍ និង​ទូរគមនាគមន៍ លើក​ទឹកចិត្ត ដល់​សិស្សានុសិស្ស​ដែល​ទើប​នឹង​បញ្ចប់​ថ្នាក់ទី១២ ចូល​រៀន​ឱ្យ​បាន​ច្រើន ដើម្បី​មាន​ជំនាញ​ស្រប​តាម​បរិបទ នៃសង្គម ៤.០ ក្នុង​គោល​ដៅ​រក​ការងារ​បាន​ល្អ និង​ចំណូល​ខ្ពស់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍កម្រិតវិស្វករនៅវិទ្យាស្ថានបច្ចេកវិទ្យាកម្ពុជារាជធានីភ្នំពេញ និងខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 12/12/2023

គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សាកម្រិតវិស្វករនៅ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 29/04/2025

មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេស​ក្នុងការ​សិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 29/02/2024

កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...

ក្រសួងទេសចរណ៍ជ្រើសរើសគ្រូជំនាញសម្រាប់សាលាវិជ្ជាជីវៈទេសចរណ៍ចំនួន១០នាក់ ទៅសិក្សានៅប្រទេសបារាំង

ព័ត៌មានអាហារូបករណ៍, ព្រឹត្តិការណ៍

• 20/02/2024

ក្រសួងទេសចរណ៍ប្រកាសជ្រើសរើសគ្រូបណ្ដុះបណ្ដាលជំនាញសម្រាប់សាលាវិជ្ជាជីវៈទេសចរណ៍ចំនួន១០រូប ដើម្បីចូលរួមវគ្គបណ្ដុះបណ្ដាលគ្រូជំនាញនៅ...

ឱកាសសិក្សាអាហារូបករណ៍ពីកម្មវិធីអាហារូបករណ៍រដ្ឋាភិបាលជប៉ុនឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 25/04/2025

តាមរយៈស្ថានទូតជប៉ុនប្រចាំកម្ពុជា កម្មវិធីអាហារូបករណ៍រដ្ឋាភិបាលជប៉ុន MEXT ( Japanese Government Scholarship 2026) ប្រកាសផ្ដល់អាហារូបករណ៍ដល់និស្សិត​កម្ពុជា​សម្រាប់​ការ​សិក្សា​ថ្នាក់ឧត្ដមចំនួន៤កម្រិត​ នៅឆ្នាំសិក្សា២០២៦។

អាហារូបករណ៍ ទៅសិក្សានៅប្រទេសហុងគ្រី (HUNGARY) សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 17/12/2025

សម្រាប់ឆ្នាំសិក្សា​២០២៦-២០២៧ ក្រោម​កម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេស​ហុងគ្រី នឹង​ផ្តល់អាហារូបករណ៍ ចំនួន ៣០កន្លែង ដល់និស្សិត​កម្ពុជា ដើម្បី​ទៅបន្ត​ការ​សិក្សា...

អាហារូបករណ៍ថ្នាក់បណ្ឌិត សិក្សា​នៅសាកលវិទ្យាល័យ Standford សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 01/08/2024

កម្មវិធីអាហារូបករណ៍ Knight-Hennessy បានប្រកាស​ផ្តល់អាហារូបករណ៍​១០០% សម្រាប់ថ្នាក់បណ្ឌិតចំនួន១០០កន្លែង ទៅសិក្សា​នៅសាកលវិទ្យាល័យ Stanford សហរដ្ឋអាមេរិក ដោយ​មានផ្តល់​ថ្លៃសិក្សា...

ឱកាសអាហារូបករណ៍ទៅ​សិក្សានៅប្រទេសហូឡង់ សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 23/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Leiden ពីកម្មវិធីអាហារូបករណ៍ Minerva Scholarship Funds Foundation នៅប្រទេសហូឡង់...