ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តបន្ទាយមានជ័យ ប្រកាសផ្ដល់ការសិក្សាឥតគិតថ្លៃលើជំនាញវិជ្ជាជីវៈចំនួន៤០កន្លែង ។ ការសិក្សាវគ្គបណ្ដុះបណ្ដាលនឹងចាប់ផ្ដើមចំនួន២វគ្គ សម្រាប់អ្នកដែលមានបំណងសិក្សាវគ្គជំនាញវិជ្ជាជីវៈនេះ ។
កម្មវិធីអាហារូបករណ៍ជាការផ្ដល់ជូនរបស់ វិទ្យាស្ថានពហុបច្ចេកទេសខេត្តបន្ទាយមានជ័យ និងមានការគាំទ្រពីអង្គភាពអនុវត្តគម្រោង SAAMBAT នៃក្រសួងសេដ្ខកិច្ច និងហិរញ្ញវត្ថុ (MEF-PIU) ដោយផ្ដល់ជូនការសិក្សាជំនាញ តបណ្ដាញអគ្គិសនីក្នុងអគារ ១១នាក់ និងជំនាញ ជួសជុលទោចក្រយានយន្ត ២៩នាក់ ។ ជាមួយគ្នានេះ សិក្ខាកាមនឹងទទួលបានការងារសមរម្យក្រោយបញ្ចប់ការសិក្សាបានជោគជ័យ ។
លក្ខខណ្ឌជ្រើសរើស ៖ ជាយុវជន យុវនារីមកពីទីជនបទ ដែលមានអាយុចាប់ពី១៨ឆ្នាំ ដល់៣០ឆ្នាំ ។ បេក្ខជនដែលមានប័ណ្ណក្រីក្រ រស់នៅតំបន់ដាច់ស្រយាល និងស្ត្រី ត្រូវទទួលបានអាទិភាពសិក្សា ។
សម្រាប់ព័ត៌មានបន្ថែមសូមទំនាក់ទំនងទៅកាន់ ០១២ ៣៩៦ ៩៥៦/ ០៦៧ ៧៥០ ៥០៥/ ០១១ ៦៧៦ ០៩៦ ឬទៅកាន់វិទ្យាស្ថានសិក្សាផ្ទាល់ដែលមានអាសយដ្ឋាននៅភូមិកងវ៉ា សង្កាត់កំពង់ស្វាយ ក្រុងសេរីសោភណ្ឌ ខេត្តបន្ទាយមានជ័យ(ជាប់មន្ទីរកិច្ចការនារី) ។
កាលបរិច្ឆេទចូលរៀនសម្រាប់វគ្គមាន២គឺ ចូលរៀនលើកទី១ ថ្ងៃទី១១ ខែកញ្ញា ឆ្នាំ២០២៣ និងលើកទី២ ថ្ងៃទី២៥ ខែកញ្ញា ឆ្នាំ២០២៣ ។ ទទួលពាក្យសិក្សាចាប់ពីថ្ងៃផ្សាយដំណឹងរហូតដល់ថ្ងៃទី២៤ ខែកញ្ញា ឆ្នាំ២០២៣ ៕
