ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science, Research and Innovation (MHESI)។ អាហារូបករណ៍ផ្ដល់ជូនសម្រាប់សាធារណជនដែលមកពីប្រទេស កម្ពុជា ឡាវ មីយ៉ាន់ម៉ា វៀតណាម ចំនួន១២១កន្លែង។
លក្ខខណ្ឌក្នុងការដាក់ពាក្យ ៖ បេក្ខជនទាំងពីរភេទមានសញ្ជាតិខ្មែរ មានចំណេះដឹងជ្រៅជ្រះក្នុងការប្រើប្រាស់ភាសាអង់គ្លេស មានសុខភាពល្អទាំងកម្លាំងកាយ និងស្មារតី និងគោរពតាមលក្ខខណ្ឌដែលអាហារូបករណ៍កំណត់តាមកម្មវិធីសិក្សានីមួយៗ។
សាកលវិទ្យាល័យដែលអាហារូបករណ៍ផ្ដល់ជូនរួមមាន Burapha University 2 programmes, Chiang Mai University 1 programme, Kasetsart University 11 Programmes, Mae Fah Luang University 15 programmes, Naresuan University 57 programmes, Prince of Songkla University 8 programmes, Suranaree University of Technology 5 programmes, Thammasat Uinverity 5 programmes និង Walaisak University 17 programmes។
បេក្ខជនជ័យលាភីអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ប្រាក់ឧបត្ថម្ភប្រចាំខែ កន្លែងស្នាក់នៅ ថ្លៃធ្វើដំណើរពីប្រទេសកម្ពុជា (ពេលទៅរៀន និងពេលបញ្ចប់ការសិក្សា) ប្រាក់ធានារ៉ាប់រងសុខភាព (ក្នុងកំឡុងពេលសិក្សា) និងថ្លៃសៀវភៅសិក្សាផងដែរ។
សម្រាប់ព័ត៌មានបន្ថែម អាចចូលទៅកាន់ http://mhesi.e-office.cloud/d/5e9e1398 ឬទំនាក់ទំនងទៅកាន់ Ms. Wannee Klomla-ied តាមរយៈ លេខទូរស័ព្ទ +66 2610 5423 ឬតាមរយៈ Fax: +66 2354 5570 និង Email: ts.mhesi@gmail.com ។
បេក្ខជនដែលមានបំណងស្នើពាក្យអាហារូបករណ៍ សូមធ្វើការបំពេញ និងដាក់ពាក្យោ្យបានមុនថ្ងៃទី២១ ខែមីនា ឆ្នាំ២០២៥៕
