ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុច្ចេកទេសខេត្តកំពង់ឆ្នាំងប្រកាសជ្រើសរើសយុវជន យុវនារីដែលបោះបង់ការសិក្សាព្រោះកត្តាផ្សេងៗឱ្យសិក្សាជំនាញវគ្គខ្លីចំនួន៥៤០កន្លែងសម្រាប់វគ្គសិក្សាថ្មីចូលរៀនក្នុងខែកញ្ញា ឆ្នាំ២០២៤នេះ។
ជំនាញដែលវិទ្យាស្ថានផ្ដល់ជូនការសិក្សារួមមាន ការដំឡើងបណ្ដាញអគ្គិសនីក្នុងអគារ ១៥០កន្លែង, ការរចនាក្រាហ្វិចដោយកុំព្យូទ័រ ១២០កន្លែង, សេវាកម្មបរិក្ខាត្រជាក់ក្នុងគេហដ្ឋាន១៥០កន្លែង, សេវាកម្មកុំព្យូទ័រ៣០កន្លែង, ការថែទាំ និងជួសជុលរថយន្ត ៦០កន្លែង, សេវាកម្មសម្អាងកាយ ៣០កន្លែង។ គួរបញ្ជាក់ដែរថា ជំនាញនីមួយៗមានវេនសិក្សា វេនព្រឹក-ថ្ងៃ វេនព្រឹក វេនថ្ងៃ វេនយប់ និងវេនសៅរ៍-អាទិត្យ ដោយការសិក្សាមានរយៈពេល ៤ខែ ៦ខែ និង ៨ខែទៅតាមវេនដែលបានកំណត់។
លក្ខខណ្ឌចុះឈ្មោះ ជាបេក្ខជនដែលមានអាយុចាប់ពី១៥ឆ្នាំឡើងទៅ ជាយុវជន យុវនារីដែលបានបោះបង់ការសិក្សាដោយកត្តាជីវភាពផ្សេងៗ យុវជនគ្រប់រូបដែលមិនមែនជានិស្សិតកំពុងសិក្សានៅគ្រឹះស្ថានសិក្សាទទួលបានការសិក្សា ជាយុវជនដែលមកពីគ្រួសារមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទទួលបានការសិក្សាដោយមិនគិតថ្លៃ និងបានប្រាក់ឧបត្ថម្ភ២៨ម៉ឺនរៀលក្នុងមួយខែ។
សម្រាប់បេក្ខជនដែលមានចំណាប់អារម្មណ៍ក្នុងការដាក់ពាក្យ អាចចុះឈ្មោះតាមរយៈ https://scholarship.tvet.gov.kh/home ឬអាចទាក់ទងទៅកាន់អាជ្ញាធរមូលដ្ឋាន (ឃុំ/សង្កាត់) ដែលយុវជនរស់នៅផ្ទាល់ ឬអាចទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំង ដោយផ្ទាល់ដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាប់មន្ទីរអប់រំ យុវជន និងកីឡាខេត្តកំពង់ឆ្នាំង។
សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៤៧៤ ៣៤១ / ០១៦ ៨៩១ ៩៨៤ / ០១០ ៥៤៦ ១៧៧ / ០៩៧ ២៦៩ ៥៧១៣ ។ ទទួលពាក្យពីថ្ងៃផ្សាយដំណឹងរហូតដល់ថ្ងៃចូលរៀន ។ វគ្គសិក្សាថ្មីចូលរៀនថ្ងៃទី០២ ខែកញ្ញា ឆ្នាំ២០២៤៕
