ពីកុមាររើសអេតចាយនៅស្ទឹងមានជ័យ បានអង្គការ CCF សង្គ្រោះ យុវតីម្នាក់ប្រឹងរៀនរហូត​ប្រឡងចប់ថ្នាក់ទី​១២ និងត្រៀមចូលថ្នាក់ឧត្តម

កាលពីឆ្នាំ២០១៥ ណារី មានអាយុទើបតែ៨ឆ្នាំ ប៉ុន្តែជំនួសឱ្យការកាន់សៀវភៅដើរចូលថ្នាក់រៀន នាងបែរជាចំណាយពេលពេញមួយថ្ងៃដើររើសអេតចាយដោយជើងទទេរនៅលើគំនរសំរាមក្នុងទីលានចាក់សំរាមស្ទឹងមានជ័យ ដើម្បីជួយគ្រួសាររកប្រាក់ចំណូលទិញអាហារ។

រូបថតមួយសន្លឹកដែលថតនាងកាលពីពេលនោះ បានក្លាយជាសក្ខីភាព នៃជីវិតកុមារភាពដ៏លំបាក ខណៈដែល១១ឆ្នាំក្រោយមក នាងបានប្រឡងជាប់មធ្យមសិក្សាទុតិយភូមិឆ្នាំ២០២៦ និងកំពុងត្រៀមខ្លួនបន្តការសិក្សានៅសាកលវិទ្យាល័យ។

បច្ចុប្បន្នយុវតី ភឿន ណារី មានអាយុ២០ឆ្នាំ។ ណារី បានរៀបរាប់ប្រាប់ AMS ថា នាងមានគោលដៅសិក្សាជំនាញគ្រប់គ្រងផ្នែកបដិសណ្ឋារកិច្ច និងទេសចរណ៍ ដើម្បីត្រៀមខ្លួនសម្រាប់អនាគត បន្ទាប់ពីទទួលបានឱកាសសិក្សាដែលធ្លាប់ហាក់ដូចជានៅឆ្ងាយពីជីវិតរបស់នាង។

«ខ្ញុំចាំបានថាពេលគេថតរូបនោះ។ ពេលដែលលោក Scott Neeson បានឃើញខ្ញុំ គាត់ចង់ឱ្យខ្ញុំទៅរៀន។ ឪពុករបស់ខ្ញុំបាននិយាយថា “បាន កូនអាចទៅរៀនបាន”។ បន្ទាប់មក ជីវិតរបស់ខ្ញុំក៏បានផ្លាស់ប្តូរ»

នេះជាការរំឭករបស់ ណារី អំពីចំណុចចាប់ផ្តើមនៃការផ្លាស់ប្តូរជីវិតរបស់នាង

កាលពីកុមារភាព គ្រួសាររបស់ណារី រស់នៅក្នុងជម្រកបណ្តោះអាសន្នមួយដែលធ្វើពីឈើចាស់ៗ និងផ្ទាំងប្លាស្ទិក នៅកណ្តាលទីលានចាក់សំរាមស្ទឹងមានជ័យ។ ឪពុកម្តាយរបស់នាងសុទ្ធតែជាអ្នករើសអេតចាយ ហើយប្រាក់ចំណូលដែលរកបានពីការងារនេះ គ្រាន់តែអាចផ្គត់ផ្គង់អាហារប្រចាំថ្ងៃប៉ុណ្ណោះ។

ក្នុងស្ថានភាពបែបនេះ ការទៅសាលារៀនមិនមែនជាឱកាសដែលកុមារគ្រប់រូបអាចទទួលបាននោះទេ។ សៀវភៅដែលណារីធ្លាប់ស្គាល់ គឺសៀវភៅចាស់ៗដែលគេបោះចោលក្នុងគំនរសំរាម។ សៀវភៅទាំងនោះភាគច្រើនរហែក និងកខ្វក់ ប៉ុន្តែវាបានបង្ហាញពីពិភពនៃការសិក្សាដែលនាងមិនទាន់មានឱកាសចូលទៅដល់។

ឱកាសសិក្សា ដែលផ្លាស់ប្តូរដំណើរជីវិត

ចំណុចរបត់ក្នុងជីវិតរបស់ណារី បានកើតឡើងនៅឆ្នាំ២០១៥ នៅពេលលោក Scott Neeson ស្ថាបនិកអង្គការ Cambodian Children’s Fund (CCF) បានជួបនាង និងជួយឱ្យនាងមានឱកាសចូលរៀន។

ដោយទទួលបានការគាំទ្រពីអង្គការ CCF ណារី បានចាប់ផ្តើមសិក្សា ខណៈគ្រួសាររបស់នាងក៏ទទួលបានជំនួយក្នុងការផ្លាស់ចេញពីទីលានចាក់សំរាមទៅរស់នៅក្នុងបន្ទប់ជួលមួយ។ ការផ្លាស់ប្តូរនេះបានផ្តល់ឱ្យគ្រួសារនូវលក្ខខណ្ឌរស់នៅថ្មី និងឱកាសកាន់តែប្រសើរសម្រាប់កូនៗក្នុងការសិក្សា។

ពីសិស្សសាលា ទៅកាន់សាកលវិទ្យាល័យ

ក្រោយឆ្លងកាត់ការសិក្សាជាច្រើនឆ្នាំ ណារី បានប្រឡងជាប់សញ្ញាបត្រមធ្យមសិក្សាទុតិយភូមិឆ្នាំ២០២៦ដោយទទួលបាននិទ្ទេស C។ សមិទ្ធផលនេះបានបើកផ្លូវឱ្យនាងត្រៀមបន្តការសិក្សានៅថ្នាក់ឧត្តមសិក្សា។

លោក Scott Neeson ស្ថាបនិក និងជានាយកប្រតិបត្តិអង្គការ CCF ដែលជាអ្នកបានថតរូប ណារី កាលពី១១ឆ្នាំមុន បានលើកឡើងថា ដំណើរជីវិតរបស់នាងបង្ហាញថា ស្ថានភាពក្នុងវ័យកុមារភាពមិនបានកំណត់ជោគវាសនារបស់មនុស្សម្នាក់ពេញមួយជីវិតនោះទេ។

ដំណើរជីវិតរបស់ ណារី ក៏រំឭកថា កុមារដែលកើតក្នុងគ្រួសារខ្វះខាតមិនគួរត្រូវបានកំណត់ឱកាសដោយសារស្ថានភាពដែលពួកគេមិនអាចជ្រើសរើសបានឡើយ។ ការទទួលបានការអប់រំ ការគាំទ្រពីគ្រួសារ និងសហគមន៍ ព្រមទាំងឱកាសក្នុងការអភិវឌ្ឍសមត្ថភាព អាចជួយបើកផ្លូវឱ្យពួកគេឈានទៅរកអនាគតថ្មី។

សម្រាប់ណារី កាលពី១១ឆ្នាំមុន ពិភពលោករបស់នាងមានព្រំដែននៅត្រឹមទីលានចាក់សំរាមស្ទឹងមានជ័យ។ ប៉ុន្តែថ្ងៃនេះ នាងកំពុងឈានទៅរកដំណាក់កាលថ្មីនៃជីវិត ដោយមានគោលដៅសិក្សានៅសាកលវិទ្យាល័យ ។

សូមជម្រាបថា អង្គការ CCF ដែលបង្កើតឡើងក្នុងឆ្នាំ២០០៤ ដោយលោក Scott Neeson បានបញ្ជាក់ពីការងារគាំទ្រកុមារកម្ពុជា មនុស្សចាស់ និងសហគមន៍ដែលមានជីវភាពខ្វះខាត ដោយបានជួយដល់មនុស្សប្រមាណ ៤៣០០នាក់ មកហើយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាជំនាញ AI ពីកម្មវិធី Google Course Artificial Intelligence 2024 តាមរយៈ Online

ព័ត៌មានអាហារូបករណ៍, ព្រឹត្តិការណ៍

• 01/02/2024

កម្មវិធី Google Course Artificial Intelligence 2024 ផ្ដល់ការសិក្សាអំពី Artificial Intelligence(AI) សម្រាប់ឆ្នាំសិក្សា២០២៤ ។ ការសិក្សាវគ្គខ្លីនេះផ្ដល់...

ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Utrecht Excellence នៃប្រទេសហូឡង់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 20/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យUtrecht នាប្រទេសហូឡង់ឆ្នាំសិក្សា២០២៤ ។ អាហារូបករណ៍បើកផ្ដល់សម្រាប់និស្សិតជុំវិញពិភពលោករួម.......

សាកលវិទ្យាល័យអន្តរជាតិ ផារ៉ាហ្គនបន្តផ្តល់អាហារូបករណ៍ដល់សិស្សនិទ្ទេស A និង B ជាង២០០កន្លែង

ព័ត៌មានអាហារូបករណ៍, ព្រឹត្តិការណ៍

• 06/12/2024

សាកលវិទ្យាល័យអន្តរជាតិផារ៉ាហ្គន បានប្រកាស​ពី​ការ​បន្តផ្តល់អាហារូបករណ៍ជាច្រើនកន្លែងដល់សិស្សានុសិស្សនិទ្ទេស A និង B ជាង២០០កន្លែង គ្រប់មុខជំនាញ សម្រាប់ឆ្នាំសិក្សាថ្មី២០២៤-២០២៥។

ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...

អាហារូបករណ៍ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ ១០កន្លែង​នៅ​សាកលវិទ្យាល័យលីមកុកវីង

ព័ត៌មានអាហារូបករណ៍, ព្រឹត្តិការណ៍

• 18/12/2023

ជាឱកាស​សម្រាប់សិស្សនិស្សិត​ដែលកំពុងស្វែង​រក​អាហារូបករណ៍​សិក្សាថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅ​សាកលវិទ្យាល័យ​លីមកុកវីង ពេលនេះ គណៈកម្មាធិការអាហារូបករណ៍...

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍សម្រាប់សិក្សាជំនាញបច្ចេកទេស និង​វិជ្ជាជីវៈ ចំនួន ៦៣៣០នាក់

ព័ត៌មានអាហារូបករណ៍, ព្រឹត្តិការណ៍

• 17/11/2023

ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និង​វិជ្ជាជីវៈ ពេលនេះ វិទ្យាស្ថានពហុបច្ចេកទេស​ភូមិភាគតេជោសែនបាត់ដំបង ...

ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ

ព័ត៌មានអាហារូបករណ៍, ព្រឹត្តិការណ៍

• 01/09/2025

ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយ​សម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online

វិទ្យាស្ថាន​ពហុ​បច្ចេកទេស​ព្រះកុសុមៈ ​(​PPI​) ​ប្រកាស​ផ្ដល់​អាហារូបករណ៍​ជាង​ ​១​ពាន់​កន្លែង​

ព័ត៌មានអាហារូបករណ៍, ព្រឹត្តិការណ៍

• 15/07/2026

​វិទ្យាស្ថាន​ពហុ​បច្ចេកទេស​ព្រះកុសុមៈ ​(​PPI​) ​បាន​ប្រកាស​ផ្តល់​អាហារូបករណ៍​សិក្សា​ដោយ​ឥត​គិត​ថ្លៃ​ចំនួន​ ​១,០៥៦​កន្លែង​ ​លើ​ជំនាញ​ចំនួន​ ​១៤​មុខវិជ្ជា​ ​ព្រមទាំង​ផ្តល់​ប្រាក់​ឧបត្ថម្ភ​ប្រចាំ​ខែ​ជូន​សិក្ខាកាម​ ក្រោម​កម្មវិធី​បណ្ដុះបណ្ដាល​ជំនាញ​វិជ្ជាជីវៈ​...

អាហារូបករណ៍ទាំង៥ សម្រាប់និស្សិតអន្តរជាតិសិក្សានៅប្រទេសតួគី

ព័ត៌មានអាហារូបករណ៍, ព្រឹត្តិការណ៍

• 27/02/2025

ប្រទេសតួគីជាប្រទេសដែលមានសាកលវិទ្យាល័យល្បីៗជាង២០០ជុំវិញពិភពលោក និងផ្ដល់នូវកម្មវិធីសិក្សាជាច្រើនសម្បូរបែប រួមមានថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត ថ្នាក់ផ្លាស់ប្ដូរការសិក្សា និងកម្មវិធីសិក្សាវគ្គខ្លីជាច្រើន។