ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប្រកាសផ្តល់អាហារូបករណ៍ សិក្សានៅសាលាជាតិផែនការ និងស្ថិតិ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ចំនួន ៤០កន្លែង សម្រាប់ឆ្នាំសិក្សា ២០២៣-២០២៤។
ជំនាញដែលនឹងត្រូវផ្តល់ជូនរួមមាន ៖ ផែនការអភិវឌ្ឍន៍, ស្ថិតិប្រជាសាស្រ្ត, ស្ថិតិអនុវត្ត, តាមដានត្រួតពិនិត្យ និងវាយតម្លៃ ។ វេនសិក្សាសម្រាប់អាហារូបករណ៍ ក្នុងមួយសប្តាហ៍រៀនពីរថ្ងៃ (ពេញម៉ោង), សម្រាប់ថ្នាក់បរិញ្ញាបត្រ វេន ចន្ទ-សុក្រ និងថ្នាក់បរិញ្ញាបត្រជាន់ខ្ពស់ វេន សៅរ៍-អាទិត្យ។ ចូលរៀនថ្ងៃទី០៥ ខែកុម្ភៈ ឆ្នាំ២០២៤។
លក្ខខណ្ឌសម្រាប់សិស្ស-និស្សិតដាក់ពាក្យស្នើសុំ ៖ ផ្តល់ជូនសិស្ស-និស្សិតទូទាំងប្រទេស ដែលបានប្រឡងជាប់សញ្ញាបត្រមធ្យមសិក្សាទុតិយភូមិ (សម្រាប់ថ្នាក់បរិញ្ញាបត្រ) និងមានសញ្ញាបត្របរិញ្ញាបត្រ ឬសញ្ញាបត្រសមមូល (សម្រាប់ថ្នាក់បរិញ្ញាបត្រជាន់ខ្ពស់), មានឆន្ទៈពិតប្រាកដក្នុងការបន្តការសិក្សា និងខិតខំរៀនសូត្រ, គោរពតាមការណែនាំ ព្រមទទួលយកលក្ខខណ្ឌដែលមានចែងរបស់គណៈកម្មាធិការអាហារូបករណ៍ និងសាលា។
សម្រាប់បេក្ខជនដែលមានចំណាប់អារម្មណ៍ សូមបំពេញ និងដាក់ពាក្យស្នើសុំ ដោយផ្ទាល់នៅការិយាល័យអាហារូបករណ៍ ដែលមានអាសយដ្ឋានផ្ទះលេខ៤ ផ្លូវ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ។ កាលបរិច្ឆេទទទួលពាក្យ ចាប់ពីថ្ងៃផ្សព្វផ្សាយដំណឹងនេះ រហូតដល់ថ្ងៃទី១៥ ខែមករា ឆ្នាំ២០២៣៕
