វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសជាថ្មីក្នុងការជ្រើសរើសសិក្ខាកាមចូលរៀនជំនាញកែច្នៃបន្លែផ្លែឈើ ដោយមិនគិតថ្លៃ ក្រោមកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។
លក្ខខណ្ឌ នៃការជ្រើសរើស ៖ យុវជនមកពីគ្រួសារក្រីក្រ និងងាយរងហានិភ័យ, មានអាយុចាប់ពី១៥ឆ្នាំឡើងទៅ, មានអត្តសញ្ញាណបណ្ណសញ្ជាតិខ្មែរ ឬសំបុត្រកំណើត, មានបណ្ណសមធម៌ (កម្រិតភាពក្រីក្រ១ និងកម្រិតភាពក្រីក្រ២) ឬមានបណ្ណសម្គាល់គ្រួសារងាយរងហានិភ័យ។
អត្ថប្រយោជន៍ដែលទទួលបាន ៖ សិក្សាដោយមិនបង់ថ្លៃ, ជំនាញមួយពិតប្រាកដដែលទីផ្សារការងារកំពុងត្រូវការ, ឱកាសការងារសមរម្យ និងចំណូលទៀងទាត់, កន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន, សញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា។

ការចុះឈ្មោះចូលរៀន ៖ ចាប់ពីថ្ងៃផ្សាយដំណឹងនេះ ចូលរៀននៅថ្ងៃទី០១ ឧសភា ២០២៥។
សម្រាប់ព័ត៌មានបន្ថែម សូមទំនាក់ទំនងទៅកាន់វិទ្យាស្ថាន ដែលមានអាសយដ្ឋាន ភូមិព្រៃពពេល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ឬតាមទូរស័ព្ទលេខ 060 278 889, 070 278 889៕














































































