ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ព្រៃវែង – សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ជនបទពីសាកលវិទ្យាល័យជាតិជាស៊ីមកំចាយមារ ប្រគល់ជូនដោយឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា នៅព្រឹកថ្ងៃទី១៥ ខែមិថុនា។
ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា មានប្រសាសន៍ថា សញ្ញាបត្របណ្ឌិតកិត្តិយសផ្នែកអភិវឌ្ឍន៍ជនបទ គឺជាការទទួលស្គាល់កម្រិតអប់រំដ៏ខ្ពង់ខ្ពស់បំផុតរបស់សាកលវិទ្យាល័យជាតិជាស៊ីមកំចាយមារ ដែលផ្ដល់ជូនដល់ឥស្សរជន ឬបុគ្គលឆ្នើមដែលមានកិត្តិយសខ្ពង់ខ្ពស់ និងមានការទទួលស្គាល់សមិទ្ធដ៏សំខាន់ៗ ស្របតាមបេសកកម្មរបស់សាកលវិទ្យាល័យ ។
ទន្ទឹមគ្នានេះ ឯកឧត្តមបណ្ឌិតសភាចារ្យរដ្ឋមន្ដ្រីក្រសួងអប់រំ បានបន្តថា ការទទួលសញ្ញាបត្របណ្ឌិតកិត្តិយសនេះ ជាកិត្តិយសដ៏ថ្លៃថ្លាឧត្តុង្គឧត្តមបំផុត និងស័ក្តិសមចំពោះសម្ដេចក្រឡាហោម ស ខេង ដែលមានស្នាដៃដឹកនាំ និងកសាងប្រទេសកម្ពុជា និងកំពុងអភិវឌ្ឍន៍មាតុភូមិកម្ពុជាឱ្យកាន់តែរីកចម្រើនជាបន្តទៀត ។
សូមជម្រាបថា កាលពីថ្ងៃទី២៤ ខែមេសា ឆ្នាំ២០២៣ កន្លងទៅ គណៈកម្មការវាយតម្លៃថ្នាក់បណ្ឌិតនៃសាកលវិទ្យាល័យជាតិជាស៊ីមកំចាយមារ បានពិនិត្យយ៉ាងម៉ត់ចត់លើស្នាដៃក្នុងវិស័យអប់រំ សេដ្ឋកិច្ច និងសង្គមរបស់សម្ដេចក្រឡាហោម ស ខេង ព្រមទាំងឯកភាពគ្នាប្រគល់សញ្ញាបត្របណ្ឌិតកិត្តិយសផ្នែកអភិវឌ្ឍន៍ជនបទជូនបេក្ខជនសម្ដេចក្រឡាហោម ៕
