ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងឱកាសអបអរសាទរខួបទី៣២ឆ្នាំ នៅកម្ពុជា មជ្ឈមណ្ឌលអូស្រ្តាលីសម្រាប់ការបណ្តុះបណ្តាល បានប្រកាសផ្តល់អាហារូបករណ៍ដល់សិស្សនិស្សិតចំនួន៣២នាក់។
សិស្សនិស្សិតជ័យលាភីអាចជ្រើសរើសម៉ោងសិក្សាដែលខ្លួនពេញចិត្តនៅសាខា ACE ណាមួយក្នុងចំណោម៦សាខាក្នុងរាជធានីភ្នំពេញ និងខេត្តសៀមរាប ឬសិក្សាតាមប្រព័ន្ធអេឡិចត្រូនិច។
លក្ខខណ្ឌនៃការជ្រើសរើស ៖ គណៈកម្មាធិការជ្រើសរើសនឹងវាយតម្លៃនិងធ្វើការជ្រើសរើសដោយផ្អែកលើលក្ខណៈវិនិច្ឆ័យមួយចំនួនលើកម្រិតជំនាញភាសាអង់គ្លេស និងសមត្ថភាពការសិក្សា ហើយរក្សាសិទ្ធិក្នុងការសម្រេចចិត្តលើអាទិភាពដូចជាភាពស្មើគ្នាទៅលើចំនួនសិស្សានុសិស្សប្រុសស្រី សិស្សានុសិស្សមកពីជនបទ និងជីវប្រវត្តិជួបការលំបាក ក៏ដូចជា ការជ្រើសរើសថ្នាក់សិក្សាដែលអាចចុះឈ្មោះសិក្សាបាននៅសាលា អេ ស៊ី អុី ឬថ្នាក់សិក្សាតាមប្រព័ន្ធឌីជីថល។
ដើម្បីដាក់ពាក្យ ឬដើម្បីទទួលព័ត៌មានលម្អិត សូមចូលទៅកាន់ acecambodia.org/acescholarship ។ បន្ទាប់ពីធ្វើការដាក់ពាក្យរួច បេក្ខជននឹងតម្រូវឱ្យធ្វើតេស្តអនឡាញវាយតម្លៃសមត្ថភាពភាសាអង់គ្លេស ។ រាល់បេក្ខជនជ័យលាភីនឹងទទួលបានអាហារូបករណ៍សិក្សាទៅតាមកម្រិតដែលសមស្របនឹងសមត្ថភាពភាសាអង់គ្លេសបច្ចុប្បន្នរបស់ពួកគេ។
ចាប់ទទួលពាក្យពីថ្ងៃទី២៧ ខែមិថុនា រហូតដល់ថ្ងៃទី២៤ ខែកក្កដា ឆ្នាំ២០២៤ ការប្រកាសលទ្ធផលនឹងធ្វើឡើងចាប់ពីថ្ងៃទី០១-០៨ ខែសីហា ឆ្នាំ២០២៤ ហើយវគ្គសិក្សាចាប់ផ្តើមនៅថ្ងៃទី១៩ កញ្ញា ឆ្នាំ២០២៤៕
