បម្រែបម្រួលបរិស្ថានស្បៀងកំពុងរាំស្ទះដល់លទ្ធភាពជំរុញនិរន្តរភាពអាហារូបត្ថម្ភ

ភ្នំពេញ– បញ្ហាកង្វះអាហារូបត្ថម្ភស្រួចស្រាវនៅតែជាកង្វល់អស់រយៈពេលជាច្រើនទស្សវត្សរ៍ ដែលបង្កផលប៉ះពាល់ដល់ការអភិវឌ្ឍប្រាជ្ញាស្មារតី និងកាយសម្បទារបស់កុមារ ។ វេទិកាលើកទី២ នៃយុទ្ធសាស្រ្តជាតិស្តីពីសន្តិសុខស្បៀង និងអាហារូបត្ថម្ភ បានកំណត់គោលដៅកាត់បន្ថយបញ្ហាក្រិសក្រិនរបស់កុមារពី៣២% ក្នុងឆ្នាំ២០១៤ មកត្រឹម២៥% ក្នុងឆ្នាំ២០២៣ ។ ជាលទ្ធផលការស្ទង់មតិប្រជាសាស្រ្ត និងសុខភាពកម្ពុជា (CDHS) ឆ្នាំ២០២១-២០២២ បានបង្ហាញថា គោលដៅនេះបានសម្រេចបានត្រឹម២២% ប៉ុណ្ណោះ។

ទិន្នន័យពីការស្ទង់មតិប្រជាសាស្រ្ត និងសុខភាពកម្ពុជា CDHS ក៏បានបង្ហាញថា បញ្ហាកង្វះអាហារូបត្ថម្ភស្រួចស្រាវ គឺស្ទើរតែមិនផ្លាស់ប្តូរ បើធៀបរវាង ឆ្នាំ២០១៤ (១០%) និងឆ្នាំ២០២១ (៩.៩%) ដែលធ្វើឱ្យគោលដៅដែលបានកំណត់ត្រឹម ៨% មិនសម្រេចតាមផែនការនោះឡើយ ។ ឧបសគ្គចម្បងមួយដែលរាំងស្ទះដល់ការជំរុញនិរន្តរភាពប្រព័ន្ធស្បៀងនៅកម្ពុជា គឺកើតឡើងដោយសារការផ្លាស់ប្តូរបរិស្ថានស្បៀង ។ ការផ្លាស់ប្តូរបរិស្ថានស្បៀងសម្តៅដល់បញ្ហាប្រឈមក្នុងផលិតកម្មស្បៀងអាហារបណ្តាលមកពីការប្រែប្រួលអាកាសធាតុ គ្រោះធម្មជាតិ និងការបញ្ហាចំណាកស្រុកជាដើម ។

ឯកឧត្ដម សុខ ស៊ីឡូ អគ្គលេខាធិការក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានមានប្រសាសន៍ថា ប្រព័ន្ធស្បៀង និងអាហារូបត្ថម្ភ គឺជាបញ្ហាអន្តរវិស័យ ហើយប្រឈមនឹងបញ្ហាជាច្រើនដោយសារតែការផ្លាស់ប្តូរនៃបរិស្ថានស្បៀងយ៉ាងឆាប់រហ័ស ។

ឯកឧត្ដម សុខ ស៊ីឡូ បានបន្តថា ដើម្បីលុបបំបាត់បញ្ហាកង្វះអាហារូបត្ថម្ភ រាជរដ្ឋាភិបាលកម្ពុជា បានរៀបចំនិងផ្សព្វផ្សាយឯកសារ លិខិតបទដ្ឋានគតិយុត្ត និងវិធានការចាំបាច់នានា រួមមាន ផែនទីបង្ហាញផ្លូវសម្រាប់ពន្លឿនការកែលម្អអាហារូបត្ថម្ភ, យុទ្ធសាស្ត្រជាតិលើកទី២ ស្តីពីសន្តិសុខស្បៀង និងអាហារូបត្ថម្ភ ឆ្នាំ២០១៩-២០២៣ របស់កម្ពុជា, ផែនទីបង្ហាញផ្លូវសម្រាប់ប្រព័ន្ធស្បៀងអាហារសម្រាប់ការអភិវឌ្ឍប្រកបដោយចីរភាព ឆ្នាំ២០៣០, ក៏ដូចជាផែនការសកម្មភាព និងយុទ្ធសាស្រ្តតាមវិស័យ ដែលមានគោលបំណងបញ្ចប់ភាពអត់ឃ្លាន ការសម្រេចបាននូវសន្តិសុខស្បៀង ការកែលម្អអាហារូបត្ថម្ភ និងការលើកកម្ពស់វិស័យកសិកម្មប្រកបដោយនិរន្តរភាព សម្រាប់បង្កើនផលិតភាព និងជំរុញកំណើនសេដ្ឋកិច្ច ។

ឯកឧត្តម សុខ សីឡូ​ បានបន្ថែមទៀតថា៖

“កិច្ចសហការជាមួយភាគីពាក់ព័ន្ធ ជាពិសេសនៅថ្នាក់ជាតិ និងថ្នាក់ក្រោមជាតិ វិស័យឯកជន អង្គការសង្គមស៊ីវិល  និងដៃគូអភិវឌ្ឍន៍ គឺជាកត្តាចំបាច់ក្នុងការអនុវត្តគោលនយោបាយ និងយុទ្ធសាស្ត្រនានា ។ យើង​មាន​គោលនយោបាយ បទប្បញ្ញត្តិ និង​ក្របខ័ណ្ឌ​រួច​ហើយ ប៉ុន្តែ​យើងពិតជា​ត្រូវ​ការ​កិច្ច​សហប្រតិបត្តិការបន្ថែមទៀត ​ដើម្បីឱ្យការ​អនុវត្ត​កាន់តែ​មាន​ប្រសិទ្ធភាព”

លោក Andreas Zurbrugg  ឯកអគ្គរដ្ឋទូតរងនៃស្ថានទូតអូស្ត្រាលី ប្រចាំព្រះរាជាណាចក្រកម្ពុជា បានមានប្រសាសន៍ថា អង្គការទស្សនៈពិភពលោក ជាដៃគូអភិវឌ្ឍន៍ដ៏សំខាន់សម្រាប់កម្ពុជា រយៈពេលជាង ៥០ឆ្នាំ មកហើយ។ កន្លងទៅរដ្ឋាភិបាលអូស្រ្តាលី បានផ្តល់ថវិកាជាង ៦៧លានដុល្លារអូស្រ្តាលី ជួយដល់កម្មវិធីរបស់ពួកគេ (អង្គការទស្សនៈពិភពលោក) ។ ជំនួយទាំងនេះ មានរួមបញ្ចូលទាំងគម្រោងពង្រីកសេវាកសិកម្ម និងសិទ្ធិលក់ដូរខ្នាតតូច (ម៉ាស់២) ដែលផ្តោតលើការលើកកម្ពស់ជីវភាពរបស់សហគមន៍កសិកម្ម និងបច្ចេកទេសកសិកម្ម ព្រមទាំងការផ្សារភ្ជាប់ទីផ្សារជាដើម ។ ទោះបីជាគម្រោងនេះ បានបញ្ចប់ក៏ដោយ ប៉ុន្តែបានបន្តនិរន្តរភាព និងរួមចំណែកធ្វើឱ្យប្រសើរឡើងអាហារូបត្ថម្ភ និងប្រព័ន្ធស្បៀង ។

ចំណែកនាយកប្រចាំប្រទេសអង្គការទស្សនៈពិភពលោកអន្តរជាតិ នៅកម្ពុជា លោក ជេនេស អ៊ីម៉ានូអែល ហ្គីនទីញ បានបញ្ជាក់ថា អង្គការទស្សនៈពិភពលោក បាននិងកំពុងអនុវត្តការងារលើផ្នែកកសិកម្ម តាមរយៈកម្មវិធីអនុវត្ត បច្ចេកទេសដាំដុះ និងការអនុវត្តជាក់ស្តែងនៅតាមកសិដ្ឋានសហគមន៍ ដើម្បីលើកកម្ពស់ប្រព័ន្ធស្បៀង និងបង្កើនសេដ្ឋកិច្ចគ្រួសារ។

លោកបានបន្តថា ទន្ទឹមនឹងការគាំទ្រខាងលើ អង្គការទស្សនៈពិភពលោកអន្តរជាតិ នៅកម្ពុជា ក៏បានលើកឡើងពីសារៈសំខាន់នៃការពង្រឹងសិទ្ធិអំណាចដល់យុវជន និងស្ត្រី តាមរយៈការរួមបញ្ចូលពួកគេក្នុងកិច្ចសន្ទនាតាក់តែងគោលនយោបាយ ការធ្វើសេចក្ដីសម្រេចចិត្ត ការផ្ដល់ការគាំទ្រដល់សហគ្រាសខ្នាតតូច និងមធ្យម (SMEs) និងការលើកកម្ពស់កម្មវិធីបំពាក់បំប៉នជំនាញវិជ្ជាជីវៈ។

លោក លោក ជេនេស អ៊ីម៉ានូអែល ហ្គីនទីញ បានបញ្ជាក់ថា ៖

“យ៉ាងណាក៏ដោយ នៅថ្នាក់ជាតិ និងថ្នាក់ក្រោមជាតិ បញ្ហាប្រឈម និងឧបសគ្គនៅតែកើតមាន ដែលធ្វើឱ្យពួកយើង (កម្ពុជា) មិនទាន់សម្រេចបាននូវប្រព័ន្ធស្បៀងអាហារប្រកបដោយនិរន្តភាព ។ ដូច្នេះ ការកំណត់ និងខិតខំប្រឹងប្រែងជម្នះបញ្ហាប្រឈមទាំងអស់ខាងលើ គឺជាការងារសំខាន់នៅកម្រិតថ្នាក់ជាតិ”។

បើតាមអង្គការទស្សនៈពិភពលោកអន្តរជាតិ នៅកម្ពុជា បានឱ្យដឹងថា ការដោះស្រាយបញ្ហាកង្វះអាហារូបត្ថម្ភនៅកម្ពុជាឱ្យមាននិរន្តរភាព ចាំបាច់ត្រូវមានធាតុចូលសំខាន់ៗជាច្រើនពីភាគីពាក់ព័ន្ធ ដើម្បីដាក់បញ្ចូលទៅក្នុងយុទ្ធសាស្រ្តជាតិលើកទី៣ ស្តីពីសន្តិសុខស្បៀង និងអាហារូបត្ថម្ភ ។ ជាក់ស្តែង អង្គការទស្សនៈពិភពលោក (WVI-C) និងក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ (CARD) បានរៀបចំសិក្ខាសាលាពិគ្រោះយោបល់ ដើម្បីស្វែងយល់ពីបញ្ហាប្រឈម អនុសាសន៍ និងដំណោះស្រាយ ហើយប្រមូលយកធាតុចូលទាំងនោះ បញ្ចូលទៅក្នុងយុទ្ធសាស្រ្តជាតិលើកទី៣ ស្តីពីសន្តិសុខស្បៀង និងអាហារូបត្ថម្ថ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ Eric Bleumink ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Groningen ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 31/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGroningen ពីកម្មវិធីអាហារូបករណ៍ Eric Bleumink នៃប្រទេសហូឡង់ឆ្នាំសិក្សា២០២៤-២០២៥...

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី TAISI-Science Tokyo ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 31/12/2024

កម្មវិធីអាហារូបករណ៍ TAISI-Science Tokyo ប្រកាសជ្រើសរើសសិស្ស-និស្សិត ចូលសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យល្បីៗ នៃប្រទេសជប៉ុនសម្រាប់ឆ្នាំសិក្សា២០២៥។ អាហារូបករណ៍នឹងជ្រើសរើសបេក្ខជនចំនួន៧០នាក់...

អាហារូបករណ៍កន្លែងស្នាក់នៅក្នុងទីក្រុងភ្នំពេញសម្រាប់ជនជាតិដើមភាគតិចឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 22/07/2025

សមាគមយុវជនជនជាតិដើមភាគតិចកម្ពុជា កំពុងប្រកាសផ្ដល់កន្លែងស្នាក់នៅសម្រាប់បេក្ខជនចំនួន២០រូប ដែលមិនមានលទ្ធភាពក្នុងអំឡុងពេលបន្តការសិក្សានៅទីក្រុងភ្នំពេញ តាមបណ្ដាវិទ្យាស្ថាន និងសាកលវិទ្យាល័យនានា សម្រាប់ឆ្នាំសិក្សា២០២៥-២០២៦។

អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា

ព័ត៌មានអាហារូបករណ៍, ព្រឹត្តិការណ៍

• 28/05/2025

មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែល​ចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...

ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...

អាហារូបករណ៍៥០កន្លែងទៅសិក្សា​នៅ​ប្រទេស​ឥណ្ឌា សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/03/2023

កម្មវិធីអាហារូបករណ៍ ICCR Scholarships បានប្រកា​សផ្តល់អាហារូបករណ៍​ចំនួន​៥០កន្លែង​សម្រាប់​សិស្សនិស្សិតកម្ពុជា ទៅ​សិក្សា​នៅ​ប្រទេស​ឥណ្ឌា ...

ឱ​កាស​អាហារូបករណ៍​សម្រាប់​បុគ្គលិក​អប់រំ​ពិសេស​ បន្ត​ការ​សិក្សា​ថ្នាក់​បរិញ្ញាបត្រ​ជាន់​ខ្ពស់​

ព័ត៌មានអាហារូបករណ៍, ព្រឹត្តិការណ៍

• 04/08/2026

​តាមរយៈ​គម្រោង​មធ្យមសិក្សា​សម្រាប់​ការ​ប្រកួតប្រជែង​មូលធន​មនុស្ស​ ​(​SE​4​HC​)​, ​ក្រសួង​អប់រំ ​យុវជន​ និង​កីឡា​ ​ប្រកាស​ជ្រើសរើស​បេក្ខភាព​ដើម្បី​ទទួល​អាហារូបករណ៍​សិក្សា​ថ្នាក់​បរិញ្ញាបត្រ​ជាន់​ខ្ពស់​ដល់​គ្រូ​ឧទ្ទេស​បុគ្គលិក​អប់រំ ​នៅ​វិទ្យាស្ថាន​ជាតិ​...

ឱកាស​អាហារូបករណ៍​ថ្នាក់បរិញ្ញាបត្រ​នៅ​សាកលវិទ្យាល័យ RMUTP ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 28/01/2025

សាកលវិទ្យាល័យ Rajamangala University of Technology Phra Nakhon (RMUTP) នៃ​ព្រះរាជាណាចក្រ​ថៃឡង់ដ៍ កំពុង​ធ្វើ​ការ​ជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រ ចំនួន២កន្លែង សម្រាប់ឆ្នាំ​សិក្សា​២០២៥។

អាហារូបករណ៍ថ្នាក់បរិញ្ញបត្រជាន់ខ្ពស់ នៃសាលាគោលនយោបាយសាធារណៈលីក្វាន់យូប្រទេសសឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 17/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគោលនយោបាយសាធារណៈលីក្វាន់យូ នៃសាកលវិទ្យាល័យជាតិសិង្ហបុរីសម្រាប់មន្ត្រីរាជការកម្ពុជា...