ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសព្រះកុសុមៈ បានប្រកាសជ្រើសរើសសិស្សទាំងពីរភេទឱ្យចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយឥតគិតថ្លៃ ជំហានទី២ ចំនួន៣៦០កន្លែង។
ជំនាញដែលផ្តល់ជូនរួមមាន ៖ ការដំឡើងបណ្តាញអគ្គិសនីក្នុងអគារ ចំនួន ៩០កន្លែង, ការដំឡើង និងថែទាំកាមេរ៉ាសុវត្ថិភាព ចំនួន ៩០កន្លែង, សេវាកម្មអតិថិជន ចំនួន ៩០កន្លែង, សេវាកម្មបរិក្ខាត្រជាក់ក្នុងគេហដ្ឋាន ចំនួន៣០កន្លែង, ការដំឡើងប្រព័ន្ធបញ្ជាម៉ូទ័រអគ្គិសនី ចំនួន៣០កន្លែង, ការរចនាក្រាហ្វិកដោយកុំព្យូទ័រ ចំនួន ៣០កន្លែង។
លក្ខខណ្ឌ នៃការជ្រើសរើស ៖ អាយុចាប់ពី១៥ ដល់៥៥ឆ្នាំ, យុវជនមកពីគ្រួសារមានបណ្ណសមធម៌ ក្រ១ និង ក្រ២ និងគ្រួសារងាយរងហានិភ័យ, ឬយុវជនមកពីគ្រួសារដែលសមាជិកមានបណ្ណសំគាល់មានពិការភាព ឬបណ្ណមូលនិធិសមធម៌សុខាភិបាល, ឬ យុវជនដែលឧទ្ទេសនាមដោយរដ្ឋបាលរាជធានី ខេត្តក្រុង ស្រុក ខណ្ឌ។
ចាប់ទទួលពាក្យពីថ្ងៃផ្សាយដំណឹងនេះតទៅ នៅវិទ្យាស្ថានពហុបច្ចេកទេសព្រះកុសុមៈ ដែលមានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ច្រកចូលខាងកើតក្រុមហ៊ុន Metfone និងវត្តទឹកថ្លា ចម្ងាយ ១០១ម៉ែត្រ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
សម្រាប់សិស្សដែលមានបណ្ណសមធម៌ ក្រ១ និងក្រ២ និងគ្រួសារងាយរងហានិភ័យ ទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀល ។ ចំណែកពាក្យសុំចូលរៀន និងការចូលរៀន ពុំមានបង់ថ្លៃឡើយ ហើយពេលរៀនចប់នឹងទទួលបានវិញ្ញាបនបត្របញ្ជាក់ការសិក្សាពីក្រសួងការងារ និងបណ្តុះបណ្តាលវិជ្ជាជីវៈ៕
